Afisa 3:16 - Nyaa Shɔɔ Ɓɔɔ Laa a Ɓɛɛ

¹⁶ N gàá Laa ka ruu tɔ̃ɔ ɓiɓɛ ɓɔɔ bang dɔɔli ɓɛɛ, wu a nɔɔ naa vuu palɛnang nɛɛ bii Suru ɓiɓɛ, tɔ̀ɔ, nɔɔ walɛ kaka kaa yeti bii manɛ.

Afisa 3:16 ပူးပေါင်းရင်းမြစ်များ

Matiyu 6:13

Mɔɔ yaa Sheetang wu gãsɛ ruu nɛɛ vuu ɓɔɔ ɓa kaka ɓuru katɔ ɓɛɛ kpang. Ta ruu katɔ kɔ jong nɛɛ naa ɓiɓɛ.

Rooma 2:29

Zang Yahudi ɓɔɔ niizang ɓi, zang Yahudi ɓɔɔ yeti ɓiɓɛ tɔ̃ɔ ɓɛɛ, ɓɔɔ Suru Laa kɔ̃sɔ wu ɓoro tɔ, naa ɓɔɔ zang yée shaa ɓɛɛ. Wu nyaa ɓɔɔ Musa dangnɛ kɔ̃sɔ wu kpang. Zang keɓe ɓi Laa dɔɔ wu, wu shɔnzang ri dɔɔ wu kpang.

Rooma 7:22

Ka yeti mɛɛ, n tãa tĩnang nyaa ɓɔɔ Laa dang ɓɛɛ katɔ.

Rooma 9:23

Palɛ vuu keɓe nɛɛ wu tusu bannang ɓiɓɛ. Bannang ɓɔɔ wu nwangsɛ ruu, ɓɔɔgn ɓuru kɔng wu katɔ ɓɛɛ. Zang ɓɔɔ wu kpàlɛ̀ ri bii doo ka tĩng nɛɛ ri ta bannang ɓiɓɛ ɓɛɛ.

1 Koranti 16:13

Nɔɔ gãng jĩng waasɛ̃. Nɔɔ shii nɛɛ kaka ka danggn ɓɔɔ nɔɔ shing ɓɛɛ. Nɔ́ɔ yaa gn naa kpang, nɔɔ lakɛ yuu kagn.

2 Koranti 12:9

A kasɛ m nyaa tɔɔ, “Tɔ̃ɔ ɓɔɔ n pàlɛ́ mɔɔ wukɔ yi mɔɔ naa ka bii, ka ruu ɓɔɔ, naa vuu palɛnang mɛɛ palɛ shonang gbãng gbãng ka ɓɔɔ mɔɔ lakɛ naa ka bii ka vuu Suru Laa kpang ɓɛɛ.” N tãa kaa tĩnang gbãng gbãng, n tuu yuu mɛɛ ka yuu naa ɓɔɔ n lakɛ náa ka bii ka vuu Suru Laa kpang ɓɛɛ, tɔ̀ɔ, n tãa naa vuu palɛnang Yeesɔ Kirisi ɓɔɔ yiti m ɓɛɛ kati.

2 Koranti 4:16

Ka ruu nɔngkɔ, ruu yaa gn naa kpang. Naa wee bii biling ɓuru pũng katɔ ɓee, bii suru ɓuru ri ɓi shɔɔ diki diki.

Afisa 1:18

N gàá Laa wu puu nɔɔ yeti, tɔ̀ɔ, nɔɔ zi vuu ɓɔɔ nɔɔ shing gn kagn, ɓɔɔ wu ɓaa nɔɔ nyaa ka ruu ɓiɓɛ ɓɛɛ. Tɔ̀ɔ, nɔɔ zirɛ nɛɛ tĩnang ɓɔɔ Laa a nɔɔ nyaa nɛɛ rɛɛ zang ɓiɓɛ nɛɛ wu a nɔɔ, bang dɔɔli.

Afisa 1:7

Vɔrɔ Yeesɔ kɔ shingnɛ, Laa ta yuu ɓuru, a yaa ruu gbalang vuu shi kpang ɓuru. Ruu zi ka wukɔ nɛɛ tɔ̃ɔ Laa bang ɓi dɔɔli.

Afisa 2:7

Laa palɛ vuu keɓe, nɛɛ tɔ̀ɔ, ka koo ɓɔɔ a ka tĩng ɓɛɛ, wu tusu tɔ̃ɔ ɓɔɔ wu palɛ ɓɔɔ daa naa gãsɛnang kpang ɓɛɛ. Ka ruu vuu ɓɔɔ Yeesɔ Kirisi palɛ ɓɛɛ.

Afisa 3:15

ɓɔɔ zang ɓɔɔ ri shing danggn tɔ nandon, ka lapa nɛɛ koo keɓe, ri walɛ nung ɓarɛ ka bii ɓiɓɛ ɓɛɛ.

Afisa 3:8

Nkɔ ɓɔɔ n daa doo rɛɛ zang Laa ɓɔɔ ri daa doo rɛɛ zang nimbang kpang. Laa a kaa dòo nkɔ gbalang nɛɛ n daa kɔɔ zang ɓɔɔ zang Isirela kpang, Ruu Tɔ̃ɔ ɓɔɔ ka yuu tĩnang ɓɔɔ zang gãsɛ nɛɛ vuu ɓɔɔ kpang, ɓɔɔ zang walɛ nɛɛ bìí Yeesɔ Kirisi ɓɛɛ.

Afisa 6:10

N di nyaa kaa nɛɛ ruu keɓe, naa vuu palɛnang Kpanti Yeesɔ wu shing nɔɔ, nɔ́ɔ shii nɛɛ kaka ka yuu ruu gn kɔ nɔɔ shing ka bii ɓiɓɛ ɓee.

Filipi 4:13

N zunung ɓɔɔ n palɛ rɛɛ vuu keɓe katɔ piti, nɛɛ naa vuu palɛnang ɓɔɔ Yeesɔ a m ɓɛɛ.

Filipi 4:19

Laa mɛɛ, vuu naa ɓiɓɛ kagn dɔɔli, ɓɔɔ wu a zang nɛɛ bii Yeesɔ Kirisi ɓɛɛ, a nɔɔ vuu ɓɔɔ nɔɔ kasɛ ɓɛɛ ditɔ nandon.

Kolosi 1:11

Laa wu a nɔɔ kaka nɛɛ naa vuu palɛnang ɓiɓɛ, tɔ̀ɔ, jĩng dannang nɛɛ a tɔ, nɔɔ mã danggn kaa vuu piti.

Kolosi 1:27

Vuu ɓɔɔ Laa mang ka yeti ɓiɓɛ keɓe, kasɛ nɛɛ wu nwàngsɛ̀ zang ɓiɓɛ vuu ɓɔɔ bɛ̀ɛ́ wu waasɛ katɔ ka teteng zang ɓɔɔ ri zi wu kpang ɓɛɛ. Vuu ɓɔɔ wu waasɛ katɔ, ɓɔɔ bannang kagn, ɓɔɔ wu shìng zang piti ɓɛɛ. Vuu ɓɔɔ wu waasɛ katɔ keɓe kɔɔyi nɛɛ, “Kirisi kagn yeti manɛ, ruu zi ka wukɔ nɛɛ Laa naa a nɔɔ bannang ɓiɓɛ katɔ.”

Kolosi 2:2

N palɛ nɔngkɔ, tɔ̀ɔ, ń mã ri danggn kati. Tɔ̀ɔ zɔɔ kasɛnang ɓarɛ wu ɓakɛ ri yuu kaa nɔng gbete, tɔ̀ɔ ri zi vuu ɓɔɔ kagn ɓɛɛ kaa nyaa kiiri. Ri ti zi vuu ɓɔɔ Laa waasɛ katɔ keɓe, ɓɔɔ ɓi wukɔ Kirisi ɓɛɛ.

2 Timoti 4:17

A Yeesɔ Kirisi yáa m kaa takpang, a m kaka, a n zunung ɓɔɔ n kɔɔrɔ zang Ruu Laa nandon. Tɔ̀ɔ, zang ɓɔɔ ri zang Yahudi kpang, ri tãa kati. A Laa tá m nɛɛ naa zang ɓɔɔ nɛɛ ri nyɔ m vɔrɔ ɓɛɛ.

Yahudi 11:34

Ri ningsi waa ɓɔɔ shaa nɛɛ gnvɔ ning ɓɛɛ, ri wɔ nɛɛ vɔrɔ yere bang. Zang ɓɔɔ bɛ̀ɛ́ ri lakɛ naa ka bii kpang, zang a ri kaka, a ri raa zang ɓɔɔ ri ta sĩiri nɛɛ kaka ɓɛɛ, ri shing zang sĩiri tipi ɓɔɔgn ri yuku.

1 Bituru 3:4

Shinang manɛ wu tusu bii ka nwannang tɔ̃ɔ manɛ kɔ jong. Nwang kikiri mɔɔ tuu yuu ɓaaɓɛ kpang, zɔ̃ng shinang keɓe kɔ lasɛ ɓi kpang, ti nwǎng mɔɔ vuu tɔ̃ɔ katɔ ka tĩng Laa.