Afisa 3:10 - Nyaa Shɔɔ Ɓɔɔ Laa a Ɓɛɛ

¹⁰ Kasɛ nɛɛ ka koo jaa knti keɓe, wu tusu rɛɛ kpanti, nɛɛ rɛɛ zang bang, zũnang ɓiɓɛ naa ɓɔɔ nwang ka bm bm ɓɛɛ, nɛɛ bii zang ɓɔɔ ri dũng wu ɓɛɛ.

Afisa 3:10 ပူးပေါင်းရင်းမြစ်များ

Rooma 11:33

Laa pàlɛ́ zang tɔ̃ɔ dɔɔli, ti zũng dɔɔli, a zi vuu piti. Zang ɓɔɔ zi naa ɓɔɔ Laa shii ka yuu vuu kpang, ruu ti zi gbalang ɓiɓɛ kpang.

Rooma 8:38

N zi m tɔ nɛɛ, vuu ɓɔɔ basɛ ruu kagn nɛɛ kasɛnang ɓɔɔ Laa kasɛ ruu nɛɛ mani ɓɛɛ kpang. Naa ruu vɔ doo katɔ, naa ruu doo ningkãari, naa doo zang nyaa shonang Laa ɓɔɔ ri ka lapa, nɛɛ zang nyaa shonang Laa ɓɔɔ bang bang ɓɔɔ ri ka lapa ɓɛɛ, naa doo vuu ɓɔɔ kagn kãntang, nɛɛ vuu ɓɔɔ naa a ka tĩng ɓɛɛ.

1 Koranti 1:24

Zang ɓɔɔ Laa shɛ̃ɛrɛ katɔ nɛɛ ri nwáng zang ɓiɓɛ, zang Yahudi nɛɛ zang Heleni piti, ri zi ɓarɛ tɔ nɛɛ, naa vuu palɛnang Laa ɓuru ka bìí Yeesɔ Kirisi kɔ, a wukɔ ti tusu ri naa ɓɔɔ zũnang Laa nwang ɓɛɛ.

1 Koranti 2:7

Zũnang kɔ ruu rang yee ka yuu ɓiɓɛ ɓee, ɓi zũnang Laa ɓɔɔ bɛ̀ɛ́ Laa waasɛ katɔ, shɔnzang ri zi kpang ɓɛɛ. Laa pálɛ́ vuu keɓe doo ka tĩng bɛ̀ɛ́ zang mãa koo keɓe gn kpang, nɛɛ tɔ̀ɔ, ruu naa nwang nɛɛ wu ka nɔng bannang ɓiɓɛ.

Afisa 1:21

Yeesɔ Kirisi roo kpanti ka nɔngkɔ, ɓa yuu rɛɛ kpanti nandon, naa doo zang nyaa shonang sheetang piti, nɛɛ nung piti ɓɔɔ zang ɓaa zang nɛɛ mani, wu ka koo keɓe kɔ shɛ̃ɛning kpang, nɛɛ koo ɓɔɔ naa a ɓɛɛ nandon.

Afisa 1:23

Zang ɓɔɔ ri dũng Laa keɓe ri nwang kaa naa bii ɓiɓɛ. Rikɔ shingnɛ zang ri zi naa ɓɔɔ wu nwang ɓɛɛ dɔ̃ɔ gbete, ɓɔɔ wukɔ hangsɛ nyaa vuu piti ka nɔng piti ɓɛɛ.

Afisa 1:3

Ruu zãa Laa ɓɔɔ wukɔ ti Laa nɛɛ Daa Kpanti ɓuru Yeesɔ Kirisi ɓɛɛ, ka ruu ɓɔɔ, shingnɛ ruu tãa tĩnang. Wukɔ ti a ruu vuu piti ɓɔɔ ɓi ɓɔ̀ɔ́ kpanti roonang ɓiɓɛ, ka ruu ɓɔɔ, ruu shing danggn ka bii Kirisi ɓɛɛ.

Afisa 1:8

Tɔ̃ɔ ɓɔɔ wu palɛ ruu daa naa ɓɔɔ zang gãsɛ ɓɛɛ kpang. Laa zũngnɛ, a ti zi vuu dɔɔli.

Afisa 6:12

Ka ruu ɓɔɔ, ruu gáa nyaa wu nɛɛ shɔnzang kpang ɓɛɛ. Ruu gaa nyaa ɓuru nɛɛ rɛɛ suru ɓɔɔ yeti ɓarɛ shi kpang, ɓɔɔ ri ka lapa ɓɛɛ, a ɓɔɔ kaa nɛɛ rɛɛ naa vuu palɛnang, nɛɛ rɛɛ kpanti koo jaa knti keɓe ɓɔɔ tɔ̀ɔ katɔ ɓɛɛ.

Kolosi 1:16

ka ruu ɓɔɔ, Laa mãa vuu nandon ka lapa nɛɛ tipi nɛɛ bii ɓiɓɛ kɔ. Ɓɔɔ vuu ɓɔɔ zang zi katɔ nɛɛ rɛɛ vuu ɓɔɔ zang zi nɛɛ jĩng kpang, nɛɛ rɛɛ vuu ɓɔɔ naa vuu palɛnang ɓarɛ kagn ɓɛɛ, nɛɛ rɛɛ zang bang bang nandon. Laa mãa koo keɓe nandon nɛɛ bii ɓiɓɛ kɔ, ti ka ruu ɓiɓɛ.

Kolosi 2:10

a zang a nɔɔ vuu piti tɔ, nyaa kiiri ka ɓɔɔ nɔɔ ɓakɛ yuu nɛɛ wu ɓɛɛ. Yeesɔ kɔ zang bang ka yuu rɛɛ kpanti nɛɛ rɛɛ zang bang bang.

Kolosi 2:15

Ka yuu laa kaɓa kɔ, Laa tá yuu ɓuru nɛɛ naa rɛɛ suru ɓɔɔ ri roo kpanti, pálɛ́ ri vuu yusɛ̃ɛ ka jĩng zang piti, a sèe ri naa ɓɔɔ zang sèé zang ɓɔɔ zang yiki ka nyaa sĩiri ɓɛɛ.

1 Timoti 3:16

Ruu niizang ɓɔɔ Laa nwangsɛ ka yuu gbalang ɓiɓɛ kɔ ruu dũng ɓee, bang dɔɔli. Wu vuu ɓɔɔ zang laa nyaa ɓiɓɛ kpang. Yeesɔ tuu bii shɔnzang a nɔng ka koo. Suru Laa tusu nɛɛ wu ɓi zang ɓɔɔ shi kpang ka bii ɓiɓɛ kpang ɓɛɛ. Zang nyaa shonang Laa ɓɔɔ ri ka lapa, ri zi wu nɛɛ jĩng ɓarɛ. Zang ri kɔɔ ruu ɓiɓɛ ka koo piti. A zang dɔɔli ka koo ri shing danggn tɔ ka bii ɓiɓɛ. Zang tuu wu tɔ, zang daa nɛɛ wu ka lapa, ka tĩng Laa.

1 Bituru 1:12

A Laa tusu ri nɛɛ ri pàlɛ́ ɓi yuu ɓarɛ shonang kpang, ri pàlɛ́ ɓi nɔkɔ. Kãntang keɓe, zang ɓɔɔ ri kɔ̀ɔrɔ̀ nɔɔ Ruu Laa, ri kɔɔ nɔɔ rɛɛ vuu keɓe tɔ, naa ɓɔɔ Suru Laa ɓɔɔ à nɛɛ lapa a ri naa ɓɛɛ. Zang nyaa shonang Laa ɓɔɔ ri ka lapa, ri kasɛ nɛɛ ri zi rɛɛ vuu keɓe jong.

1 Bituru 3:22

Yeesɔ Kirisi daa tɔ ka lapa, nwàng ɓi kaa nɔng nwannang bang ka nakn Laa. Ti roo kpanti jong ka yuu rɛɛ zang nyaa shonang Laa ɓɔɔ ri ka lapa nɛɛ rɛɛ suru ɓɔɔ naa vuu palɛnang ɓarɛ kagn piti.