Afisa 2:19 - Nyaa Shɔɔ Ɓɔɔ Laa a Ɓɛɛ

¹⁹ Ka ruu nɔngkɔ, nɔɔ ɓɔɔ nɔɔ zang Isirela kpang, nɔɔ tɔ̀ɔ́ zang zanti, a ɓɔɔ zang koolaa ɓɔɔgn kpang. Nɔɔ manɛ zang gbete nɛɛ zang Laa, Daa manɛ kaa gbete, wukɔ Laa.

Afisa 2:19 ပူးပေါင်းရင်းမြစ်များ

Matiyu 10:25

A zang ɓɔɔ mantɛ vuu ka bii zang, nɛ̀ɛ́ nwàng naa zang ɓɔɔ tusu wu vuu, wukɔ tɔ̃ɔ. Zang shonang nɛɛ ti nwáng tɔ naa dabang gãa ɓiɓɛ wukɔ tɔ̃ɔ. Naa zang ɓàa zang bang gãa nɛɛ Bahazabu, kpanti suru shi kpang, zang naa ɓáa zang ɓɔɔ ka gãa ɓiɓɛ ɓi ka biya? (Ɓɔ̀ɔ́ ɓarɛ naa ɓá ɓɔɔ ɓiɓɛ ɓi katɔ.)

Galati 6:10

Ka ruu nɔngkɔ, diki diki naa ɓɔɔ ruu zunung katɔ ɓɛɛ, ruu pàlɛ̀ zang piti tɔ̃ɔ. Ruu pàlɛ̀ manzung ɓuru ɓɔɔ ri shing danggn tɔ ka bii Laa kɔ tɔ̃ɔ gbãng gbãng.

Afisa 2:12

Ka laa kaɓa, bɛ̀ɛ́ nɔɔ shing danggn gň ka bii Yeesɔ Kirisi kpang. Bɛɛ nɔɔ manɛ zang zanti, ka tipi Isirela, a nɔɔ manɛ ka teteng zang Laa kpang. Rɛɛ nyaa ɓɔɔ Laa mã nɛɛ zang ɓiɓɛ, a á ri nyaa kagn, ɓi ɓɔɔ manɛ kpang. Nɔɔ nwang manɛ ka koo keɓe, vuu ɓɔɔ zang shing gn kagn ɓɛɛ kpang, a Laa manɛ ti kagn kpang.

Afisa 3:15

ɓɔɔ zang ɓɔɔ ri shing danggn tɔ nandon, ka lapa nɛɛ koo keɓe, ri walɛ nung ɓarɛ ka bii ɓiɓɛ ɓɛɛ.

Afisa 3:6

Vuu waasɛnang keɓe, ɓi ka wukɔ, nɛɛ bìí Ruu Tɔ̃ɔ Laa, Laa shingnɛ zang ɓɔɔ ri zang Isirela kpang, ri nwang wujɛ Daa kaa jong nɛɛ zang Isirela. Ri nandon ri nwang kaa gbete ka nyaa ɓɔɔ Laa a nɛɛ bìí Yeesɔ Kirisi ɓɛɛ.

Filipi 3:20

Rùu ɓuru zang lapa kɔ jong, a ruu shu jĩng, ruu gã Kpanti ɓuru Yeesɔ Kirisi, ɓɔɔ wu tá yuu ɓuru ɓɛɛ, wu a nɛɛ lapa.

Yahudi 11:13

Zang keɓe nandon, ri vɔlɔ, bɛ̀ɛ́ ri shing danggn doo katɔ. Ri walɛ vuu ɓɔɔ zang a ri nyaa ka yuu ɓiɓɛ kpang. Ri zili waati nɛɛ nɔng beebang, a ri kasɛ katɔ ka yeti ɓarɛ. A ri ti kasɛ tɔ nɛɛ, ri ɓarɛ zang zanti, a ri ti nwang ɓarɛ ka teteng zang ɓɔɔ ɓi zang ɓarɛ kpang ɓɛɛ ka koo.

Yahudi 13:14

Ka ruu ɓɔɔ, gari ɓɔɔ ɓi ɓɔɔ ɓuru gbinggbing kagn koo keɓe kpang ɓɛɛ. Ruu kãa ɓuru gari ɓɔɔ naa a ɓɛɛ.

1 Bituru 2:11

Masang ɓɔɔ n kasɛ ruu manɛ dɔɔli ɓɛɛ, nɔɔ manɛ zang zanti. Nɔɔ nwàng manɛ zanti waati ka koo keɓe. Ka ruu nɔngkɔ, n gaa nɔɔ, nɔ́ɔ yaa rɛɛ vuu shi kpang ɓɔɔ nɔɔ kasɛ ka yeti manɛ nɛɛ nɔɔ palɛ ɓɛɛ. Ka ruu ɓɔɔ, rɛɛ vuu keɓe ri kasɛ nɛɛ ri nyɔ nɔɔ vɔrɔ ɓɛɛ.

1 Yɔhana 3:1

Nɔɔ zi naa ɓɔɔ Daa kasɛ ruu ɓuru ɓɛɛ. Kasɛ ruu ɓuru dɔɔli, ka ruu nɔngkɔ, ɓaa ruu nɛɛ Wujɛ ɓiɓɛ. Ruu ti wujɛ ɓiɓɛ kɔ niizang. Zang ɓɔɔ ri dũ̀ng Laa kpang, ri zi ruu kpang, ka ruu ɓɔɔ, ri zi Laa ɓarɛ kpang ɓɛɛ.