Afisa 2:17 - Nyaa Shɔɔ Ɓɔɔ Laa a Ɓɛɛ

¹⁷ A Kirisi arɛ, naa kɔɔ zang piti Ruu Tɔ̃ɔ ɓɔɔ shingnɛ zang ri nwang ka nyaa zɔɔ ɓɛɛ. Kɔɔ nɔɔ ɓɔɔ nɔɔ zang Isirela kpang ɓɛɛ, ɓɔɔ bɛ̀ɛ́ nɔɔ naabm nɛɛ Laa kpang ɓɛɛ, a ti kɔɔ zang Yahudi ɓɔɔ ri ɓarɛ naabm nɛɛ wu ɓɛɛ jong.

Afisa 2:17 ပူးပေါင်းရင်းမြစ်များ

Matiyu 10:13

Zang gãa ri nɛɛ ta nɔɔ nɛɛ yeti gbete, naa nwáng ditɔ nɔngkɔ. A zang gãa nɛɛ ta nɔɔ nɛɛ yeti gbete kpang, naa nwáng nɔngkɔ kpang.

Luka 15:8

“Yeesɔ kɔɔ ruu ɓɔɔ tɔkn nɛɛ nyaa vuu jeenang tɔɔ, naa zang soro ɓɔɔgn saka ɓiɓɛ kopi, a ɓɔɔ gbete shishi, palɛ biya? Mang waa zàáng sɔɔ, wu ya salang, wu kooro nɔng ɓɔɔ saka ɓiɓɛ shishi kagn tɔ̃ɔ tɔ̃ɔ, wu kãa waasɛ̃, wu ĩiyi.

Luka 2:14

“Zang wu dɔɔ Kpanti Laa ɓɔɔ ka lapa kpala kpala ta. Zang ɓɔɔ Laa tãa tĩnang ɓarɛ katɔ ka tipi keɓe, ri ti tãa tĩnang nwannang ta.”

Zang Shonang Yeesɔ 10:36

Laa shòng zang Isirela nyaa nɛɛ ruu ɓiɓɛ. Zang kɔɔ ri Ruu Tɔ̃ɔ Laa ɓɔɔ shing ri, ri nwang ka nyaa zɔɔ ɓɛɛ nɛɛ bii Yeesɔ Kirisi ɓɔɔ wukɔ kpanti zang piti ɓɛɛ.

Zang Shonang Yeesɔ 2:39

Ka ruu ɓɔɔ, bɛ̀ɛ́ Laa á nyaa ɓi ka ruu manɛ kɔ nɛɛ wujɛ manɛ ɓɛɛ. A ɓɔɔ ti ka ruu zang ɓɔɔ bɛ̀ɛ́ ri naabm ka bii Laa kpang. Suru keɓe, ka ruu zang piti ɓɔɔ Laa ɓɔɔ wukɔ Kpanti ɓuru” naa ɓaa ri nyaa ɓɛɛ.

Rooma 10:14

A zang nɛɛ shing danggn ka bii Laa kpang, zang palɛ biya zang gaa wu, wu ta yuu zang viya? A zang shing danggn biya ka bii zang ɓɔɔ zang tãa ruu ɓiɓɛ gngn kpang viya? Zang nɛɛ kɔɔ katɔ kpang, zang palɛ biya zang tãa ruu ka yuu ɓiɓɛ, tɔ̀ɔ, zang shing danggn kati viya?

Rooma 5:1

Wee ruu nwang zang tɔ̃ɔ tɔ ka tĩng Laa, ka ruu danggn ɓɔɔ ruu shing ka bii ɓiɓɛ ɓɛɛ. Ruu nwàng kaa nyaa zɔɔ nɛɛ Laa ka ruu Kpanti ɓuru Yeesɔ Kirisi.

2 Koranti 5:20

Ruu nwàng ɓuru kaa naa zang nyaa shonang Yeesɔ Kirisi, mɔɔ kɔɔ nɛɛ Laa nɛɛ yuu ɓiɓɛ bàkɛ́ zang nɛɛ bii ɓuru. Ruu gaa nɔɔ ka nung ɓɔɔ Yeesɔ nɛ̀ɛ́ gaa nɔɔ ɓɛɛ. Nɔɔ yáa Laa wu risi nɔɔ nɔ́ɔ nwang wusang ɓiɓɛ.

Afisa 4:21

Niizang, nɔɔ tãa ruu katɔ ka yuu ɓiɓɛ, nɔɔ zang ɓɔɔ dũng wu nɛɛ yeti gbete ɓɛɛ. Zang ti tusu nɔɔ vuu ɓɔɔ niizang katɔ ka yuu Yeesɔ.