Afisa 2:14 - Nyaa Shɔɔ Ɓɔɔ Laa a Ɓɛɛ

¹⁴ Ka ruu ɓɔɔ, Kirisi nɛɛ yuu ɓiɓɛ shing ruu tɔ, ruu nwang kaa nyaa zɔɔ, ka ɓɔɔ wu shíng zang Yahudi nɛɛ zang ɓɔɔ ri zang Yahudi kpang ri nwang kaa gbete ɓɛɛ. Wukɔ jili vuu ɓɔɔ basɛ ri, a ri shing jĩng nɛɛ zɔɔ kpang ɓɛɛ.

Afisa 2:14 ပူးပေါင်းရင်းမြစ်များ

Luka 1:79

Wu yakɛ nɔng kati. Tɔ̀ɔ, zang ɓɔɔ ri nwang ka nɔng ɓɔɔ tɔ̀ɔ katɔ, nɛɛ zang ɓɔɔ ri nwang ka nɔng vɔrɔ ɓɔɔ tɔ̀ɔ katɔ, ri zi nɔng kati. Wukɔ naa tusu ruu gbalang ɓɔɔ ruu nwang nɛɛ Laa waasɛ̃ ɓɛɛ.”

Luka 2:14

“Zang wu dɔɔ Kpanti Laa ɓɔɔ ka lapa kpala kpala ta. Zang ɓɔɔ Laa tãa tĩnang ɓarɛ katɔ ka tipi keɓe, ri ti tãa tĩnang nwannang ta.”

Yɔhana 10:16

Mɛ̀ɛrɛ́ mɛɛ ɓɔɔ ti kagn, ɓɔɔ ri ka vaa keɓe kpang ɓɛɛ. N atɛ ri ditɔ jong. Ri naa tã̀á yee mɛɛ ditɔ, tɔ̀ɔ, ri nwang kaa vàa gbete, jagãng ɓarɛ ti gbete.

Yɔhana 11:52

Wu ti ka ruu ɓarɛ kɔ shɛ̃ɛning kpang. Vɔrɛ nɛɛ tɔɔ wu kpalɛ zang Laa ɓɔɔ zang tantɛ ri ka koolaa kaa jong nɔng gbete.

Yɔhana 16:33

N kɔɔ nɔɔ vuu keɓe, nɛɛ nɔɔ nwáng nɛɛ n, tɔɔ, nɔɔ nwáng kaa waasɛ̃. Nɔɔ dang jĩng katɔ ka koo keɓe. Nɔ́ɔ mã danggn kagn, n ɓá vuu ɓɔɔ ka koo keɓe yuu tɔ.”

Zang Shonang Yeesɔ 10:28

A kɔɔ ri tɔɔ, “Nɔɔ zi tɔ, nyaa dannang zang Yahudi zãa ruu nwannang nɛɛ zang ɓɔɔ ri zang Isirela kpang ɓɛɛ katɔ. Nɛɛ ri ti daa zanti ka gãa ɓarɛ kpang. Laa tusu m, wàasɛ̀ m kpang, tɔ́ɔ, n ɓàa zang ɓɔɔ nɛɛ ri zang shi kpang, kpang.

Zang Shonang Yeesɔ 10:36

Laa shòng zang Isirela nyaa nɛɛ ruu ɓiɓɛ. Zang kɔɔ ri Ruu Tɔ̃ɔ Laa ɓɔɔ shing ri, ri nwang ka nyaa zɔɔ ɓɛɛ nɛɛ bii Yeesɔ Kirisi ɓɔɔ wukɔ kpanti zang piti ɓɛɛ.

Rooma 5:1

Wee ruu nwang zang tɔ̃ɔ tɔ ka tĩng Laa, ka ruu danggn ɓɔɔ ruu shing ka bii ɓiɓɛ ɓɛɛ. Ruu nwàng kaa nyaa zɔɔ nɛɛ Laa ka ruu Kpanti ɓuru Yeesɔ Kirisi.

Galati 3:28

A vuu ɓɔɔ bàsɛ̀ teteng zang Yahudi nɛɛ zang ɓɔɔ ri zang Yahudi kpang, a jaafoo nɛɛ zang ɓɔɔ jaafoo kpang, a zang varɛ nɛɛ zang soro, ɓi tɔɔ kagn kpang. Nɔɔ nandon nɔɔ manɛ kaa gbete ka yuu ɓɔɔ nɔɔ ɓakɛ nɛɛ Yeesɔ Kirisi ɓɛɛ.

Afisa 2:15

Shing tɔ zang pálɛ̀ shonang tɔ̀ɔ́ nɛɛ nyaa dannang zang Yahudi nɛɛ vuu ɓɔɔ nyaa dannang keɓe kasɛ piti ɓɛɛ kpang. Palɛ nɔngkɔ nɛɛ tɔ̀ɔ, wu shingnɛ zɔ̃ng zang piti keɓe, ri nwang shɔnzang ɓɔɔ shɔɔ dɔ̃ɔ gbete, ka ɓɔɔ wu a zang bii ɓiɓɛ, zang nyɔ wu vɔrɔ ɓɛɛ. Ka naa weɓe kɔ, wu shing ri, ri nwang ka nyaa zɔɔ.

Afisa 2:17

A Kirisi arɛ, naa kɔɔ zang piti Ruu Tɔ̃ɔ ɓɔɔ shingnɛ zang ri nwang ka nyaa zɔɔ ɓɛɛ. Kɔɔ nɔɔ ɓɔɔ nɔɔ zang Isirela kpang ɓɛɛ, ɓɔɔ bɛ̀ɛ́ nɔɔ naabm nɛɛ Laa kpang ɓɛɛ, a ti kɔɔ zang Yahudi ɓɔɔ ri ɓarɛ naabm nɛɛ wu ɓɛɛ jong.

Afisa 3:15

ɓɔɔ zang ɓɔɔ ri shing danggn tɔ nandon, ka lapa nɛɛ koo keɓe, ri walɛ nung ɓarɛ ka bii ɓiɓɛ ɓɛɛ.

Afisa 4:16

Yeesɔ Kirisi kɔ zang bang zang ɓɔɔ ri dũng wu, ɓɔɔ ri nwang kaa naa bii ɓiɓɛ ɓɛɛ. Bii keɓe, Yeesɔ kɔ yiti nɔng gbete, a shing vuu ɓɔɔ ka bii piti ri palɛ shonang tɔ̃ɔ tɔ̃ɔ. Ka ɓɔɔ bii keɓe bangkɛ, wu lakɛ ka naa ɓɔɔ ri kasɛ ruu zɔɔ ɓɛɛ.

Kolosi 1:20

A Laa kasɛ tɔ, nɛɛ wu sɔɔrɔ koo piti ka bii ɓiɓɛ nɛɛ bii Jaa. Zĩi Jaa ɓɔɔ tɛ̃ɛ ka yuu laa kɔ shingnɛ Laa nwang kaa nyaa zɔɔ nɛɛ shɔnzang, a sɔɔrɔ vuu piti ka bii ɓiɓɛ. Vuu ɓɔɔ ka lapa nɛɛ tipi ɓɛɛ.

Kolosi 2:20

Nɔɔ vɔ manɛ tɔ, nɛɛ Yeesɔ Kirisi, a zang ti ta yuu manɛ tɔ, nɛɛ naa rɛɛ nyaa dannang ɓɔɔ shɔnzang ri tusu ɓɛɛ. A ka ruu vi nɔɔ nwang nwannang naa nɔɔ manɛ zang koo keɓe viya? Ka ruu vi nɔɔ dũng rɛɛ nyaa ɓɔɔ zang dangnɛ nɛɛ,

Kolosi 3:11

Ka ruu nɔngkɔ, Laa basɛ teteng zang ɓɔɔ ri zang Isirela nɛɛ zang ɓɔɔ ri zang Isirela kpang kpàng. Zang ɓɔɔ ri yee shaa katɔ, nɛɛ zang ɓɔɔ ri yee shaa kpang, kpang, zang ɓɔɔ jĩng ɓarɛ puu gn kpang, nɛɛ zang ɓɔɔ ri shaa yɔpɔ shɔnzang ɓɛɛ kpang, basɛ teteng jaafoo nɛɛ zang ɓɔɔ ri jaa gãa ɓɛɛ kpang. Yeesɔ Kirisi kɔ, ɓi kaa vuu piti, wukɔ ɓi ka yeti vuu piti.

Kolosi 3:15

Yeti valɛnang ɓɔɔ Yeesɔ Kirisi a zang, wukɔ wu nwang ka yeti manɛ gbãng gbãng. Ka ruu ɓɔɔ, Laa ɓaa nɔɔ nyaa nɛɛ nɔɔ nwang bii gbete, tɔ̀ɔ, wu a nɔɔ yeti valabm keɓe kɔ ɓɛɛ. Nɔ́ɔ ti zãa wu katɔ.

Yahudi 13:20

N gaa Laa ɓɔɔ shingnɛ, zang nwáng ka nyaa zɔɔ, ɓɔɔ wisi Kpanti ɓuru Yeesɔ paa tɔkn nɛɛ sàa ɓɛɛ. Yeesɔ ɓɔɔ wukɔ kpanti jagãng mɛ̀ɛrɛ́ ɓɛɛ, ka ruu zĩi ɓiɓɛ ɓɔɔ Laa mã nyaa ɓɔɔ gbinggbing nɛɛ mani ɓɛɛ.

Yahudi 7:2

A Ibirayi basɛ vuu ɓɔɔ wu see ka nyaa sĩiri vàa kopi á a wu vàa gbete. Dĩiri nung Malakisadak ɓɔɔ tĩng shɔɔnang ɓi, “Kpanti zang ɓɔɔ ri zang tɔ̃ɔ ka tĩng Laa ɓɛɛ” a ɓɔɔ kaa, “Kpanti Salama” ɓi kaa, “Kpanti ɓɔɔ shingnɛ zang ri nwang ka nyaa zɔɔ” ɓɛɛ.