Afisa 1:23 - Nyaa Shɔɔ Ɓɔɔ Laa a Ɓɛɛ

²³ Zang ɓɔɔ ri dũng Laa keɓe ri nwang kaa naa bii ɓiɓɛ. Rikɔ shingnɛ zang ri zi naa ɓɔɔ wu nwang ɓɛɛ dɔ̃ɔ gbete, ɓɔɔ wukɔ hangsɛ nyaa vuu piti ka nɔng piti ɓɛɛ.

Afisa 1:23 ပူးပေါင်းရင်းမြစ်များ

Yɔhana 1:16

Ka ruu vuu ɓɔɔ Laa a wu gaagaa, rùu ti wàlɛ́ tɔ̃ɔ kana ka yuu zɔɔ yuu zɔɔ.

Rooma 13:5

Ka ruu nɔngkɔ, ɓaa shoo ka nyaa rɛɛ zang bang. Wu ka ruu ɓɔɔ mɔɔ kaa vɔrɔ, Laa dang mɔɔ jĩng ɓɛɛ kɔ shɛ̃ɛning kpang. Ka ruu ɓɔɔ, mɔɔ zi tɔ ka yeti ɓaaɓɛ nɛɛ, mɔɔ nɛ̀ɛ́ pálɛ̀ nɔngkɔ ɓɛɛ.

1 Koranti 12:6

Naa ɓɔɔ zang ri palɛ shonang kagn ka zɔ̃ng zɔ̃ng, a Laa ɓɔɔ a zang naa vuu palɛnang nɛɛ ri palɛ vuu keɓe nandon, ɓi kaa gbete.

1 Koranti 15:28

Laa nɛɛ shing vuu piti tɔ, nɛɛ ri sɔɔrɔ yuu ɓarɛ ka dii ka tĩng Yeesɔ. Tɔ̀ɔ, Kirisi nɛɛ yuu ɓiɓɛ ɓɔɔ wukɔ Jaa Laa ɓɛɛ, wu sɔɔrɔ yuu ɓiɓɛ kaa dii ka tĩng Laa, ɓɔɔ wukɔ shing wu ka tĩng nɛɛ wu náa vuu piti nɛɛ doo ɓiɓɛ ɓɛɛ. Tɔ̀ɔ, Laa wu roo kpanti kaa yuu vuu piti, a vuu piti ri ɓakɛ zɔɔ kaa nɔng ɓiɓɛ.

Afisa 2:16

Ka vɔrɔ ɓɔɔ Yeesɔ Kirisi vɔ ka yuu laa, wukɔ ningsi jĩng ɓɔɔ bɛ̀ɛ́ ri shing nɛɛ zɔɔ kpang ɓɛɛ. Zɔ̃ng zang ziti keɓe, Yeesɔ ɓakɛ ri yuu nɛɛ bii laa ɓɔɔ zang ɓáa wu naa kagn ɓɛɛ, a sũuru ri tɔkn nɛɛ Laa.

Afisa 3:10

Kasɛ nɛɛ ka koo jaa knti keɓe, wu tusu rɛɛ kpanti, nɛɛ rɛɛ zang bang, zũnang ɓiɓɛ naa ɓɔɔ nwang ka bm bm ɓɛɛ, nɛɛ bii zang ɓɔɔ ri dũng wu ɓɛɛ.

Afisa 3:19

Nɔ́ɔ ti zi zang kasɛnang kɔ ɓa naa ɓɔɔ zang zi dĩiri ɓiɓɛ katɔ ɓee. Tɔ̀ɔ, vuu piti wu nwang kaa bii manɛ nyaa kiiri.

Afisa 4:10

Ka ruu nɔngkɔ, zang ɓɔɔ daa ka tipi dii, ɓi wukɔ daa doori ka lapa kpala kpala, tɔ̀ɔ, wu nwáng kaa nɔng ɓɔɔ ka koo keɓe nandon.

Afisa 4:12

Pálɛ̀ vuu keɓe nɛɛ tɔ̀ɔ zang ɓɔɔ ri dũng Laa ri kpalɛ bii ka ruu shonang ɓɔɔ ri naa shòng zang ɓɛɛ. Tɔ̀ɔ ri shingnɛ, zang ɓɔɔ ri shing danggn tɔ ka bii Yeesɔ Kirisi, ri zũng danggn kati.

Afisa 4:13

Ka ruu weɓe kɔ, ruu nandon ruu naa nwang nɔɔ gbete ka danggn ɓɔɔ ruu shing ka bii Jaa Laa ɓɛɛ, a ɓɔɔ ti ka naa ɓɔɔ ruu zì Jaa Laa ɓɛɛ. Tɔ̀ɔ, ruu naa zũng danggn kati, naa Kirisi, tɔ̀ɔ ruu nwang kaa naa wu dɔ̃ɔ gbete.

Afisa 4:4

Zang ɓɔɔ ri shing danggn tɔ ka bii Laa, ri kaa bii gbete, a Suru Laa ti gbete, naa ɓɔɔ gn shinnang ɓɔɔ Laa ɓaa nɔɔ nyaa ka ruu ɓiɓɛ ti doo gbete kɔ ɓɛɛ.

Kolosi 1:24

Kãntang keɓe, n tãa kaa tĩnang ka jĩng ɓɔɔ n dang ka ruu manɛ ɓɛɛ. Jĩng kɔ n dang ɓee, hangsɛ ɓi nyaa vuu ɓɔɔ yàa m ka jĩng dannang ɓɔɔ Kirisi shing m, nɛɛ n dang ka ruu zang ɓɔɔ ri dũng wu, ɓɔɔ rikɔ kaa bii ɓiɓɛ ɓɛɛ.

Kolosi 2:19

di yuu ɓi tɔ̀ɔ́ ka bii Yeesɔ Kirisi ɓɔɔ wukɔ zang bang ɓuru kpang. Yeesɔ ɓɔɔ wukɔ yiti bii ɓiɓɛ nandon ka nɔng gbete, ka nɔng ɓɔɔ bii tiisi ɓɛɛ nɛɛ hĩiri, a bii bangnɛ naa ɓɔɔ Laa kasɛ wu bang ɓɛɛ.

Kolosi 3:11

Ka ruu nɔngkɔ, Laa basɛ teteng zang ɓɔɔ ri zang Isirela nɛɛ zang ɓɔɔ ri zang Isirela kpang kpàng. Zang ɓɔɔ ri yee shaa katɔ, nɛɛ zang ɓɔɔ ri yee shaa kpang, kpang, zang ɓɔɔ jĩng ɓarɛ puu gn kpang, nɛɛ zang ɓɔɔ ri shaa yɔpɔ shɔnzang ɓɛɛ kpang, basɛ teteng jaafoo nɛɛ zang ɓɔɔ ri jaa gãa ɓɛɛ kpang. Yeesɔ Kirisi kɔ, ɓi kaa vuu piti, wukɔ ɓi ka yeti vuu piti.

Kolosi 3:15

Yeti valɛnang ɓɔɔ Yeesɔ Kirisi a zang, wukɔ wu nwang ka yeti manɛ gbãng gbãng. Ka ruu ɓɔɔ, Laa ɓaa nɔɔ nyaa nɛɛ nɔɔ nwang bii gbete, tɔ̀ɔ, wu a nɔɔ yeti valabm keɓe kɔ ɓɛɛ. Nɔ́ɔ ti zãa wu katɔ.