Afisa 1:22 - Nyaa Shɔɔ Ɓɔɔ Laa a Ɓɛɛ

²² Laa shing vuu piti tɔ ka naa vuu palɛnang Yeesɔ Kirisi a zang zɔ̃ng wu nɛɛ wu nwang zang bang ka yuu vuu piti ka ruu zang ɓɔɔ ri dũng Laa ɓɛɛ.

Afisa 1:22 ပူးပေါင်းရင်းမြစ်များ

Matiyu 16:18

N kɔɔ mɔɔ, mɔkɔ Bituru. Dĩiri nung keɓe ɓi pɛngkɛ. N mãa gãa mɛɛ, zang ɓɔɔ ri naa shing gn ka bii mɛɛ, ka yuu pɛngkɛ keɓe kɔ. Vɔrɔ zunung ɓɔɔ wu lasɛ kpang.

Zang Shonang Yeesɔ 20:28

Nɔɔ gãng jĩng ka yuu manɛ nɛɛ zang ɓɔɔ Suru Laa, a ri nɔɔ ka naa ɓɛɛ waasɛ̃. Nɔɔ nwang jagãng zang ɓɔɔ ri dũng Laa, ɓɔɔ ri nwàng ka ruu ɓɔɔ, wu hoo ri nɛɛ zĩi Jaa ɓiɓɛ ɓɛɛ.

1 Koranti 11:3

A n kasɛ nɔɔ zi vuu keɓe katɔ. Kirisi wukɔ zang bang ka yuu zang varɛ, a zang bang zang soro ɓi kaa varɛ ɓiɓɛ. A zang bang Kirisi ɓi kaa Laa.

Afisa 3:21

Zang ri a wu bannang ka bii zang ɓɔɔ ri dũng wu ɓɛɛ, nɛɛ bii Yeesɔ Kirisi. Zang ri palɛ nɔngkɔ sasak, zang yaa kpang dòndòng. Nɔngkɔ.

Afisa 5:23

Ka ruu ɓɔɔ, varɛ wukɔ zang bang ka yuu soro ɓiɓɛ, naa ɓɔɔ Yeesɔ Kirisi zang bang ka yuu zang ɓɔɔ ri dũng wu ɓɛɛ. A Yeesɔ Kirisi kɔ ta yuu zang ɓɔɔ ri dũng wu, ɓɔɔ ri nwang ɓarɛ naa bii ɓiɓɛ ɓɛɛ.

Kolosi 1:18

Wukɔ zang bang zang ɓɔɔ ri dũng wu, ɓɔɔ ri nwáng kaa naa bii ɓiɓɛ ɓɛɛ. Bii keɓe walɛ suru bii nɛɛ bii ɓiɓɛ kɔ. Wukɔ jamari zang ɓɔɔ zang wisi ri paa nɛɛ sàa ɓɛɛ, tɔ̀ɔ, ka vuu piti wukɔ wu nwang kaa tĩng.

Kolosi 1:8

Kɔ̀ɔ rùu naa ɓɔɔ Suru Laa shing nɔɔ, nɔɔ kasɛ zang ɓɛɛ.

Kolosi 2:10

a zang a nɔɔ vuu piti tɔ, nyaa kiiri ka ɓɔɔ nɔɔ ɓakɛ yuu nɛɛ wu ɓɛɛ. Yeesɔ kɔ zang bang ka yuu rɛɛ kpanti nɛɛ rɛɛ zang bang bang.

Kolosi 2:19

di yuu ɓi tɔ̀ɔ́ ka bii Yeesɔ Kirisi ɓɔɔ wukɔ zang bang ɓuru kpang. Yeesɔ ɓɔɔ wukɔ yiti bii ɓiɓɛ nandon ka nɔng gbete, ka nɔng ɓɔɔ bii tiisi ɓɛɛ nɛɛ hĩiri, a bii bangnɛ naa ɓɔɔ Laa kasɛ wu bang ɓɛɛ.

1 Timoti 3:15

Vuu ɓɔɔ nɛɛ suu m kã̀ng anang, labeenang keɓe, wu kɔ̀ɔ mɔɔ naa ɓɔɔ zang ri nwang ka yeti Gãa Laa ɓɛɛ. Gãa Laa keɓe, ɓi wukɔ zang ɓɔɔ ri dũng Laa ɓɛɛ. Laa ɓɔɔ nwang ɓi ningkãari dòndòng ɓɛɛ. Zang keɓe, kaa rikɔ doo gãa nɛɛ vuu ɓɔɔ yiti ruu ɓɔɔ niizang ɓɛɛ.

Yahudi 2:8

a mɔɔ shing vuu piti ka naa ɓiɓɛ.” Ka wee Laa shing vuu piti ka naa ɓiɓɛ ɓee, Laa yaa vuu ɓɔɔ kagn ɓɔɔ ka naa ɓiɓɛ kpang ɓɛɛ, kpang. A kãntang keɓe, ruu zi gň mɔɔ kɔɔ nɛɛ vuu piti ka naa ɓiɓɛ kɔ kpang.