Afisa 1:11 - Nyaa Shɔɔ Ɓɔɔ Laa a Ɓɛɛ

¹¹ Laa zɔ̃ngkɔ ruu ɓɔɔ ruu shing danggn tɔ ka bii Yeesɔ Kirisi ɓɛɛ, nɛɛ ruu nwang zang ɓiɓɛ. Laa zɔ̃ngkɔ ruu ɓi tɔ doo tɛ̃ɛ tɛ̃ɛ, nɛɛ ruu nwang zang ɓiɓɛ, ka ruu ɓɔɔ, wee ɓi vuu ɓɔɔ wu kasɛ ɓɛɛ kɔ ɓɛɛ. Laa kɔ palɛ vuu piti wu daa gbete nɛɛ vuu ɓɔɔ wu mangnɛ, a wu ti kasɛ doo ka ting ɓɛɛ.

Afisa 1:11 ပူးပေါင်းရင်းမြစ်များ

Zang Shonang Yeesɔ 13:48

Ɓɔɔ rɛɛ zang ɓɔɔ ri zang Isirela kpang ri tãa naa weɓe, ri tãa tĩnang dɔɔli. Ri a Ruu Laa bannang, a rɛɛ zang ɓɔɔ bɛ̀ɛ́ Laa shingnɛ, nɛɛ ri walɛ Suru bii ɓɔɔ waa nyaa kpang katɔ, ri shing danggn ka bìí Laa.

Zang Shonang Yeesɔ 2:23

Zang a nɔɔ yɔɔ keɓe, ka naa ɓɔɔ Laa shíng doo ka tĩng ɓɛɛ. Ti Laa kɔ kasɛ a nɔɔ ɓaa wu naa ka laa. Zang ɓɔɔ ri zi Laa kpang ri nyɔ wu vɔrɔ.

Zang Shonang Yeesɔ 20:27

Ka ruu ɓɔɔ, n kɔɔ nɔɔ vuu ɓɔɔ Laa kasɛ ɓɛɛ tɔ nandon, n zárɛ̀ doo kpang ɓɛɛ.

Zang Shonang Yeesɔ 20:32

“N yaa nɔɔ tɔ, ka naa Laa nɛɛ yee ɓiɓɛ. Yee ɓiɓɛ ɓɔɔ zunung ɓɔɔ wu yiti nɔɔ, nɔ́ɔ bangnɛ wu ti a nɔɔ tĩnang tãanang ɓɔɔ wu shing zang ɓɔɔ wu shɛ̃ɛrɛ ri katɔ ɓɛɛ.

Zang Shonang Yeesɔ 26:18

Mɔ́ɔ pùu ri jĩng, ri yaa nɔng ɓɔɔ tɔ̀ɔ katɔ, ri a ka nɔng ɓɔɔ yakɛ katɔ ɓɛɛ. Ri ti yaa nɔng ɓɔɔ sheetang roo kpanti kagn, ri a ka bii Laa. Tɔ̀ɔ, ka ruu danggn ɓɔɔ ri shing ka bii mɛɛ, Laa wu kɔsɔ ri vuu shi kpang ɓarɛ kati. Wu ti a ri nɔng nwannang jong ka teteng zang ɓɔɔ wu zɔ̃ngkɔ ri katɔ ɓɛɛ.’

Zang Shonang Yeesɔ 4:28

Ri kpalɛ zɔɔ nɛɛ ri pálɛ̀ vuu ɓɔɔ mɔɔ shíng ɓaa doo ka tĩng nɛɛ naa vuu palɛnang ɓaaɓɛ nɛɛ, naa ɓɔɔ mɔɔ kasɛ wu nwang nɔngkɔ ɓɛɛ.

Rooma 11:34

Naa ɓɔɔ labeenang Laa kɔɔ ɓɛɛ tɔɔ, “Zang ɓɔɔ zi rɛɛ vuu ɓɔɔ Kpanti Laa rɛ̃rɛ kpang. Zang ɓɔɔ kɔɔ wu ruu kagn kpang. Wi á wu vuu tɔ gn, tɔ̀ɔ, wu sɔ̀ɔrɔ̀ zang kaɓa kati wiya?”

Rooma 8:17

Wee ruu wujɛ ɓiɓɛ ɓee, ruu naa wàlɛ́ vuu tɔ̃ɔ ɓɔɔ Laa shìng zang ɓiɓɛ ɓɛɛ. A ruu ti naa walɛ vuu ɓɔɔ shìng Kirisi ditɔ nɛɛ wu, ka ruu ɓɔɔ, ruu nɛɛ dàng jĩng tɔ jong naa ɓɔɔ Kirisi dang ɓɛɛ, Laa ti naa a ruu bannang jong naa ɓɔɔ wu a Kirisi ɓɛɛ.

Rooma 8:28

Ruu zi tɔ nɛɛ, ka yeti vuu piti, Laa palɛ shonang ka ruu zang ɓɔɔ ri kasɛ wu katɔ ɓɛɛ. Tɔ̀ɔ, vuu keɓe wu nwàng ri tɔ̃ɔ kati. Rikɔ zang ɓɔɔ Laa ɓaa ri nyaa nɛɛ tɔ̀ɔ, ri palɛ vuu ɓɔɔ wu kasɛ nɛɛ wu pàlɛ́ nɛɛ ri ɓɛɛ.

Rooma 8:29

Zang ɓɔɔ Laa shɛ̃ɛrɛ ri ɓarɛ tɔ, kusu ri ɓarɛ dang gbete nɛɛ ri nwang naa Jaa ɓiɓɛ. Tɔ̀ɔ, Jaa ɓiɓɛ kɔ wu nwang kaa jamari rɛɛ ɓeezung ɓɔɔ ri dɔɔli ɓɛɛ.

Rooma 8:30

A Laa tá (shɛ̃ɛrɛ) rɛɛ zang ɓɔɔ wu ɓàa ri nyaa dang gbete. Zang kɔ wu ɓaa ri nyaa ɓee, risi ri nɛɛ ri nwang zang tɔ̃ɔ ka tĩng ɓiɓɛ. A á zang kɔ wu risi ri nɛɛ ri nwang zang tɔ̃ɔ ɓee, bannang kati.

Rooma 9:11

Ka ɓɔɔ bɛ̀ɛ́ zang yi ri gn kpang, ri ti pálɛ́ vuu tɔ̃ɔ gn nɛɛ vuu shi kpang, kpang. Laa kasɛ nɛɛ zɔ̃nnang ɓɔɔ wu zɔ̃ng jaa gbete ka teteng ɓarɛ wu nwang vuu ɓɔɔ wu kasɛ ɓɛɛ. Laa kɔɔ nàá ɓarɛ tɔɔ, “Zang ɓɔɔ bang kɔ naa pàlɛ́ zang ɓɔɔ wujaa shonang.” Ka ruu nɔngkɔ, Laa zɔ̃ng zang ɓi ka ruu nyaa ɓɔɔ wu ɓaa zang ɓɛɛ, wu ka ruu, vuu ɓɔɔ zang palɛ ɓɛɛ kpang.

Galati 3:18

Nɔɔ kɔɔ ɓu nɛɛ nɔɔ wàlɛ̀ vuu ɓɔɔ Laa a nɔɔ, ka ruu ɓɔɔ, nɔɔ dũng nyaa dannang ɓiɓɛ ya? Naa nɛ̀ɛ́ nɔngkɔ, nɛɛ ɓi tɔ̀ɔ́ ka ruu ɓɔɔ wu a nyaa nɛɛ wu a nɔɔ ɓɛɛ kpang. A ruu zi ɓuru tɔ nɛɛ, Laa a Ibirayi vuu kaɓa, ɓi ka doo nyaa ɓɔɔ wu a wu ɓɛɛ.

Afisa 1:14

Suru Laa keɓe kɔ pálɛ̀, Laa á nɔɔ vuu ɓɔɔ Laa a nyaa nɛɛ wu a zang ɓiɓɛ ɓɛɛ. Wukɔ shing zang ɓɔɔ ri ɓarɛ zang Laa ri wɔrɛ dɔ̃ɔ gbete, tɔɔ zang ri dɔɔ bannang Laa kati.

Afisa 1:18

N gàá Laa wu puu nɔɔ yeti, tɔ̀ɔ, nɔɔ zi vuu ɓɔɔ nɔɔ shing gn kagn, ɓɔɔ wu ɓaa nɔɔ nyaa ka ruu ɓiɓɛ ɓɛɛ. Tɔ̀ɔ, nɔɔ zirɛ nɛɛ tĩnang ɓɔɔ Laa a nɔɔ nyaa nɛɛ rɛɛ zang ɓiɓɛ nɛɛ wu a nɔɔ, bang dɔɔli.

Afisa 1:5

Laa mang ɓi tɔ ka yeti ɓiɓɛ, nɛɛ wu gɔ̃ ruu ka bii ɓiɓɛ nɛɛ bii Yeesɔ Kirisi, rúu nwang wujɛ ɓiɓɛ. Wee vuu ɓɔɔ wu kasɛ, a ti tãa tĩnang ɓiɓɛ kɔ.

Afisa 1:8

Tɔ̃ɔ ɓɔɔ wu palɛ ruu daa naa ɓɔɔ zang gãsɛ ɓɛɛ kpang. Laa zũngnɛ, a ti zi vuu dɔɔli.

Afisa 1:9

A tuu zũnang nɛɛ vuu zinang ɓiɓɛ pálɛ̀ vuu ɓɔɔ bɛ̀ɛ́ wu mang ɓɛɛ. A tusu ruu vuu ɓɔɔ bɛ̀ɛ́ wu kasɛ nɛɛ wu palɛ, a waasɛ katɔ nɛɛ bii Kirisi.

Afisa 3:11

Laa palɛ vuu keɓe ka doo vuu ɓɔɔ wu mang dòo tɛ̃ɛ tɛ̃ɛ ɓɛɛ. A walɛ gbalang ɓɔɔ wu palɛ vuu ɓɔɔ wu mang keɓe kaa nɛɛ bii Kpanti ɓuru Yeesɔ Kirisi.

Kolosi 1:12

Tɔ̀ɔ, nɔ́ɔ dɔ̀ɔ Laa ɓɔɔ wukɔ Daa ɓuru kati, nɔɔ tãa tĩnang. Laa ɓɔɔ shingnɛ nɔɔ dàa naa ɓɔɔ nɔɔ wàlɛ́ vuu jong ka teteng vuu ɓɔɔ wu shing zang ɓiɓɛ ka nɔng ɓɔɔ wu roo kpanti kagn, ɓɔɔ yakɛ ɓi katɔ ɓɛɛ.

Kolosi 3:24

Danggn wu ning nɔɔ kpang, Kpanti Yeesɔ naa sɔ̀ɔrɔ́ nɔɔ doo ditɔ. Naa a nɔɔ vuu ɓɔɔ wu shìng zang ɓiɓɛ katɔ ɓɛɛ ditɔ. Ka ruu ɓɔɔ, ɓi Yeesɔ Kirisi kɔ dabang gãa ɓɔɔ niizang ɓɔɔ nɔɔ pàlɛ́ wu shonang ɓɛɛ.

Titu 2:14

Yeesɔ a yuu ɓiɓɛ ka ruu ɓuru nɛɛ wu ta ruu nɛɛ naa vuu shi kpang nandon. Wu shing ruu, ruu nwang zang ɓiɓɛ kɔ bm gbete. Wu shing rùu rúu nwang zang ɓɔɔ ri kpalɛ bii tɔ, nɛɛ ri palɛ vuu ɓɔɔ tɔ̃ɔ ɓɛɛ.

Titu 3:7

Tɔ̀ɔ, ka ruu tɔ̃ɔ Yeesɔ Kirisi, ruu nwang zang tɔ̃ɔ kaa tĩng Laa, a ruu wàlɛ́ suru bii ɓɔɔ waa nyaa kpang ɓɔɔ ruu shing gn ɓiɓɛ kati.

Yahudi 6:17

Laa kasɛ nɛɛ wu shingnɛ zang ɓɔɔ ri ta nyaa ɓɔɔ Laa a keɓe ri zirɛ, nɛɛ wu kɔ̃sɔ vuu ɓɔɔ wu kasɛ ɓɛɛ ɓi kpang. Ka ruu nɔngkɔ, tũng vuu tɔ̀ɔ, wu tusu kati nɛɛ, vuu ɓɔɔ wu a nyaa, wu naa palɛ katɔ.

Yakubu 2:5

Manzung ɓɔɔ n kasɛ nɔɔ dɔɔli ɓɛɛ, nɔɔ ɓaa shoo. Laa zɔ̃ng zang ɓɔɔ ri zang ying kpang, ɓɔɔ ri ka koo keɓe, nɛɛ ri nwang zang ying ka danggn ɓɔɔ ri shing ka bii Laa ɓɛɛ. Shing ri tɔ, ri walɛ vuu ɓɔɔ Laa tɔɔ wu shing zang ɓɔɔ ri kasɛ ruu ɓiɓɛ katɔ ka ɓɔɔ wu roo kpanti ɓɛɛ.

1 Bituru 1:4

Ruu ti zi tɔ nɛɛ ruu naa walɛ vuu tɔ̃ɔ ɓɔɔ Laa shing ka lapa ɓɛɛ ditɔ. Vuu keɓe ri pũng kpang dòndòng, ri lasɛ kpang, ri ti shàarɛ̀ kpang tingkiring.

1 Bituru 3:9

Zang ɓɔɔ nɛɛ pàlɛ̀ nɔɔ shi kpang, nɔ́ɔ ti palɛ ri doo shi kpang kɔ kpang. Zang ri nɛɛ dãa nɔɔ, nɔ́ɔ ti dãa ri jong kpang. Nɔɔ gàa ri manɛ Laa kɔ jong, wu pàlɛ̀ ri tɔ̃ɔ, ka ruu ɓɔɔ, Laa shɛ̃ɛrɛ nɔɔ nɛɛ wu pàlɛ́ nɔɔ tɔ̃ɔ ɓɛɛ.