Zang Shonang Yeesɔ 9:6 - Nyaa Shɔɔ Ɓɔɔ Laa a Ɓɛɛ

⁶ “Yupaa ta mɔɔ daa ka yeti gari, zang daa kɔɔ mɔɔ vuu ɓɔɔ mɔɔ palɛ ɓɛɛ ditɔ.”

Zang Shonang Yeesɔ 9:6 ပူးပေါင်းရင်းမြစ်များ

Matiyu 19:30

A zang dɔɔli ka teteng zang kɔ ri ka tĩng kãntang keɓe, kɔ naa waa nyaa knti. Zang kɔ ri ka knti kãntang keɓe, kɔ naa sɔɔ zang tĩng kaa jong.”

Luka 3:10

A zang dɔɔli ɓɔɔ ri kpalɛ zɔɔ, ri hɛ̃ɛ Yɔhana tɔɔ, “A ruu pàlɛ ɓu kaa biya.”

Zang Shonang Yeesɔ 10:22

Ri kasɛ wu nyaa tɔɔ, “Zang bang sɔɔja ɓɔɔ zang ɓaa wu nɛɛ Koneliyu kɔ shong ruu. Koneliyu zang tɔ̃ɔ, bang Laa, a zang Yahudi nandon, ri a wu bannang dɔɔli. Zang nyaa shonang Laa ɓɔɔ ka lapa ɓɛɛ gbete, kɔɔ wu nɛɛ wu ɓaa mɔɔ nyaa ka gãa ɓiɓɛ. Nɛɛ tɔ̀ɔ wu tãa vuu ɓɔɔ mɔɔ kɔɔ ɓɛɛ.”

Zang Shonang Yeesɔ 10:32

Shong nyaa ka Joopa zang daa ɓàa mɔɔ nyaa ka Siman ɓɔɔ zang ɓaa wu nɛɛ Bituru ɓɛɛ. Nwàng zanti ka gãa Siman, yɔɔ ɓɔɔ zaa koo vuu ɓɛɛ. Gãa Siman ka nyaa waapo naabm.’

Zang Shonang Yeesɔ 10:6

Nwàng zanti ka gãa Siman yɔɔ ɓɔɔ zaa koo vuu ɓɛɛ. Roo gãa ka nyaa waapo naabm.”

Zang Shonang Yeesɔ 2:37

Ɓɔɔ zang ri tãa ruu keɓe, kpãa ri ka yeti dɔɔli, a ri hɛ̃ɛ Bituru nɛɛ rɛɛ zang shonang ɓɔɔ nimbang tɔɔ, “Rɛɛ manzung, rúu palɛ ɓu kaa viya?”

Zang Shonang Yeesɔ 22:10

N hɛ̃ɛyi n tɔɔ, ‘A ń palɛ ɓu kaa viya Kpanti.’ A Kpanti kɔɔ m tɔɔ, ‘Yupaa mɔɔ daa ka yeti gari Damasiku, zang daa kɔɔ mɔɔ vuu piti ɓɔɔ Laa shingnɛ nɛɛ mɔɔ palɛ wu ɓɛɛ, ka nɔngkɔ.’

Zang Shonang Yeesɔ 26:16

Yupaa mɔɔ shii doo paa. N nwang nyaa ka bii ɓaaɓɛ ka ruu vuu keɓe kɔ. N tɔɔ n zɔ̃́ng mɔɔ, mɔ́ɔ palɛ m shonang. Mɔɔ ti kɔɔrɔ zang vuu ɓɔɔ mɔɔ zirɛ lɛɛkɔ nɛɛ vuu ɓɔɔ n naa tusu mɔɔ ka tĩng ɓɛɛ.

Zang Shonang Yeesɔ 9:5

A Shaawulu hɛ̃ɛyi nɛɛ, “Mɔkɔ ɓu wiya, Kpanti?” A yee keɓe kɔɔ wu tɔɔ, “Nkɔ Yeesɔ, ɓɔɔ mɔɔ dang wu jĩng ɓɛɛ.”

Rooma 10:20

Ishaya kaa vɔrɔ kpang, kɔɔyi tɔɔ, “Zang ɓɔɔ ri kãa m kpang rikɔ ĩi m kaa jong. N ti nwáng nyaa ka zang ɓɔɔ bɛ̀ɛ́ ri hɛ̃ɛ nɔng mɛɛ kpang ɓɛɛ”.

Rooma 10:3

Ka ruu ɓɔɔ, ri zi gbalang ɓɔɔ risi zang, zang nwang zang tɔ̃ɔ ka tĩng Laa ɓɛɛ kpang. A ri kãa gbalang ɓɔɔ ri nwang zang tɔ̃ɔ ka tĩng ɓiɓɛ kaa nɛɛ yuu ɓarɛ. Ri tà gbalang ɓɔɔ Laa shìng zang, nɛɛ zang nwang zang tɔ̃ɔ nɛɛ mani ka tĩng ɓiɓɛ ɓɛɛ kpang.

Rooma 5:20

Laa átɛ̀ nyaa dannang ɓiɓɛ nɛɛ tɔɔ, vuu shi kpang palɛnang wu shangnɛ. A ka nɔng ɓɔɔ vuu shi kpang shang dɔɔli, Laa palɛ tɔ̃ɔ ka nɔngkɔ gbãng gbãng.

Rooma 7:9

Ka ɓɔɔ bɛ̀ɛ́ n zi nyaa ɓɔɔ Laa dangnɛ gn kpang, bɛ̀ɛ́ n m ningkãari. Ɓu doo ɓɔɔ n tãa nyaa ɓɔɔ Laa dangnɛ hn, n kasɛ vuu shi kpang palɛnang kaa gbãng gbãng.

Filipi 2:12

Ka ruu nɔngkɔ, masang ɓɔɔ n kasɛ nɔɔ dɔɔli ɓɛɛ, naa ɓɔɔ nɔɔ ɓaa shoo ka nyaa mɛɛ diki diki, bɛ̀ɛ́ n doo nɛɛ nɔɔ ɓɛɛ, nɔɔ ɓaa shoo kaa nyaa mɛɛ gbãng gbãng ka wee kãntang n tɔ̀ɔ́ nɛɛ nɔɔ kpang ɓee. Nɔɔ yi tĩng nɔ́ɔ palɛ vuu ɓɔɔ shingnɛ yuu manɛ ɓɔɔ Laa ta tɔ ɓɛɛ, wu nwang kaa nyaa kiiri. Nɔɔ palɛ vuu keɓe nɛɛ vɔrɔ kaanang nɛɛ bii zaanang.

Yakubu 4:6

Làá kɔ álɛ ruu tɔ̃ɔ ɓiɓɛ dɔɔli nɛɛ ruu dung wu nɛ mani. Ka ruu nɔngkɔ, labeenang Laa kɔɔyi tɔɔ, “Laa kasɛ ruu zang ɓɔɔ tuu yuu ɓiɓɛ ɓi jong kpang, a á zang ɓɔɔ tuu yuu ɓiɓɛ kpang, tɔ̃̀ɔ́ ɓiɓɛ.”