Zang Shonang Yeesɔ 9:4 - Nyaa Shɔɔ Ɓɔɔ Laa a Ɓɛɛ

⁴ Watɛ ka tipi, a tãa yee kɔ̀ɔ́ wu nɛɛ, “Shaawulu, Shaawulu, mɔɔ dang m jĩng nɔngkɔ, ka ruu viya?”

Zang Shonang Yeesɔ 9:4 ပူးပေါင်းရင်းမြစ်များ

Matiyu 25:40

“A Kpanti naa kasɛ ri nyaa nɛɛ, ‘N kɔɔ nɔɔ ruu ɓɔɔ niizang kɔ nwani, vuu piti ɓɔɔ nɔɔ palɛ zang gbete ɓɔɔ wukɔ tɔkɔlɔng ka teteng rɛɛ manzung keɓe, nɔɔ pàlɛ̀ nkɔ.’

Luka 10:41

A Yeesɔ kasɛ wu nyaa tɔɔ, “Mata, mɔɔ rɛ̃rɛ, a bii ti nwãa mɔɔ ka ruu vuu dɔɔli.

Yɔhana 18:6

Ɓɔɔ Yeesɔ kɔɔ ri nɛɛ “Nkɔ ɓee,” ri wɔ nɛɛ knti, a ri watɛ ka tipi.

Yɔhana 20:16

Yeesɔ ɓaa wu nyaa nɛɛ “Marayamu.” A raa jĩng ka bìí ɓiɓɛ, a kɔɔ nɛɛ nyaa Yahudi nɛɛ, “Rabii” (Dĩiri ruu keɓe ɓi “maalang”).

Yɔhana 21:15

Ri hangsɛ vuu shaanang tɔ, a Yeesɔ ràng Siman Bituru yee tɔɔ, “Siman jaa Yɔhana, mɔɔ kasɛ m ɓa ɓɔɔ rɛɛ zang keɓe ri kasɛ m ɓɛɛ katɔ ya?” A kasɛ Yeesɔ nyaa tɔɔ, “Nn, Kpanti mɔɔ zi tɔ, n kasɛ mɔɔ katɔ.” Yeesɔ kɔɔ wu tɔɔ, “Hnti zang mɛɛ.”

Zang Shonang Yeesɔ 5:10

A tantɛ watɛnang ka tĩng Bituru ka nɔngkɔ a vɔrɛ. Wujɛ jasang kaɓa, ri a ka yeti gãa, ri zi wu vɔ tɔ. A ri tuu wu, ri nwangsɛ wu ka biling, ri daa gbãa wu ka kagn ɓeevɛ.

Zang Shonang Yeesɔ 9:5

A Shaawulu hɛ̃ɛyi nɛɛ, “Mɔkɔ ɓu wiya, Kpanti?” A yee keɓe kɔɔ wu tɔɔ, “Nkɔ Yeesɔ, ɓɔɔ mɔɔ dang wu jĩng ɓɛɛ.”

Rooma 11:22

Ka ruu nɔngkɔ, nɔɔ zi naa ɓɔɔ Laa jɛ̃ɛ zang ruu nɛɛ gnvɔ, nɛɛ tɔ̃ɔ ɓɔɔ wu palɛ zang ɓɛɛ. Jɛ̃ɛ zang ɓɔɔ ri palɛ vuu shi kpang ruu nɛɛ gnvɔ ning, a pàlɛ́ ɓi kaa nɔkɔ tɔ̃ɔ, nɔɔ nɛɛ yaa tɔ̃ɔ ɓɔɔ wu palɛ nɔɔ kpang ɓɛɛ. Naa nɔngkɔ kpang, zang dɔlɔ nɔɔ ditɔ jong.

1 Koranti 12:12

Nɔɔ zi tɔ nɛɛ vuu ɓɔɔ ɓakɛ, a raa bii shɔnzang ka zɔ̃ng zɔ̃ng. A bii shɔnzang ɓi kaa gbete kɔ nwani, vuu keɓe ri ɓakɛ zɔɔ nɔng gbete, tɔ̀ɔ, ri nwang kaa bii gbete. Yeesɔ Kirisi nwang doo nɔngkɔ.

1 Koranti 4:7

Ɓɔɔ mɔɔ zi yuu ɓaaɓɛ nɛɛ mɔɔ ɓa zang piti katɔ ɓɛɛ, mɔɔ ɓu wiya? Vuu ɓaaɓɛ ɓɔɔ kagn ɓɔɔ wu Laa kɔ a mɔɔ kpang kagn ya? Laa kɔ nɛɛ a mɔɔ vuu piti, a mɔɔ rangkɛ yee vi bang bang ka yuu vuu kaɓa naa kaka ɓaaɓɛ a mɔɔ viya?

Afisa 5:30

Ka ruu ɓɔɔ, ruu ɓuru ka teteng zang ɓɔɔ ri dũng wu, ɓɔɔ rikɔ nwang kaa naa vuu ɓɔɔ ri ka bii ɓiɓɛ ɓɛɛ.)