Zang Shonang Yeesɔ 9:22 - Nyaa Shɔɔ Ɓɔɔ Laa a Ɓɛɛ

²² Shaawulu ti rang zang yee Laa kaa gbãng gbãng. Ruu ɓɔɔ kɔɔyi nɛɛ tɔ̀ɔ, zang zi kati nɛɛ Yeesɔ kɔ Kirisi, wu ruu ɓɔɔ mɔɔ làá nyaa kpang. Ka ruu nɔngkɔ, zang Yahudi ɓɔɔ ri ka Damasiku ri zi vuu ɓɔɔ ri kɔɔ wu takpang.

Zang Shonang Yeesɔ 9:22 ပူးပေါင်းရင်းမြစ်များ

Luka 21:15

ka ruu ɓɔɔ, n a nɔɔ yee nɛɛ zũnang naa ɓɔɔ zang ɓɔɔ ri kasɛ ruu manɛ kpang, ri zunung naa ɓɔɔ ri laa nyaa nɛɛ nɔɔ kpang ɓɛɛ.

Zang Shonang Yeesɔ 17:3

A kɔɔ ri nɛɛ Kirisi dàng jĩng gbongkarɛ, tɔ̀ɔ, wu naa yupaa nɛɛ saa. Bulu kɔɔ ri nɛɛ, “Yeesɔ kɔ n kɔ̀ɔ́ nɔɔ ruu ɓiɓɛ ɓee, wukɔ Kirisi.”

Zang Shonang Yeesɔ 18:5

Ɓɔɔ Timoti nɛɛ Siila ri a nɛɛ Makidoniya, Bulu raa jĩng ɓi kaa Ruu Laa kɔɔrɔnang dɔ̃ɔ gbete. Kɔɔrɔ zang Yahudi nɛɛ Yeesɔ kɔ Kirisi.

Zang Shonang Yeesɔ 28:23

Ka ruu nɔngkɔ, ri kà zɔɔ diki nɛɛ Bulu. Ɓɔɔ diki ɓɔɔ ri ka zɔɔ naa arɛ zang dɔɔli ri kpalɛ zɔɔ ka nɔng ɓɔɔ Bulu nwàng kagn ɓɛɛ. Bulu nwangsɛ ri dĩiri ruu a ti kɔɔ ri ruu ka yuu Kpanti roonang Laa nɛɛ gãndi sasak nɔng tɔɔ nɛɛ mani. Kasɛ nɛɛ ri ta ruu ɓɔɔ wu kɔɔ ri ka yuu Yeesɔ ɓɛɛ, ka ruu nɔngkɔ, rang ri yee ka yuu ɓiɓɛ ka yeti labeenang Musa nɛɛ ɓɔɔ rɛɛ zang nyaa shonang Laa.

Zang Shonang Yeesɔ 9:20

A yupaa tantɛnang daa ka gãa zɔɔ kpalɛnang, a gaa tɔɔsung ɓɔɔ wu rang zang ruu ka yuu Yeesɔ kati. Kɔɔ zang nɛɛ “Yeesɔ ɓi Jaa Laa.”

Zang Shonang Yeesɔ 9:21

Zang ɓɔɔ ri tãa vuu ɓɔɔ wu kɔɔyi, ri mã naa ka danggn, a ri hɛ̃ɛyi nɛɛ, “Wee ɓi yɔɔ ɓɔɔ nyɔ̀kɔ́ zang ɓɔɔ ri ɓaa nung Yeesɔ vɔrɔ ka Urushalima ɓɛɛ kpang ya? Ti a ka nihn ka ruu ɓɔɔ wu yiki ri, wu daa nɛɛ ri ka Urushalima, wu daa a rɛɛ zang bang bang zang ɓɔɔ ri dɔɔ vuu ka Gãa Laa kpang ya?”

Zang Shonang Yeesɔ 9:23

Diki naa bee tɔ, a rɛɛ zang Yahudi ri tɔ̀ng zɔɔ ri kãa gbalang ɓɔɔ naa ri nyɔ Shaawulu vɔrɔ ɓɛɛ.

Zang Shonang Yeesɔ 9:27

A Baranaba atɛ wu ka bii rɛɛ zang shonang Yeesɔ. Naa kɔɔ ri naa ɓɔɔ Shaawulu zi Kpanti Yeesɔ ka gbalang, a Kpanti rang wu yee ɓɛɛ. A ti kɔɔ ri náa ɓɔɔ rang zang ruu ka yuu nung Yeesɔ ka Damasiku, kaa vɔrɔ kpang ɓɛɛ.

1 Koranti 1:27

Zang ɓɔɔ zang koo ri zi ri naa ri shoko, Laa shɛ̃ɛrɛ rikɔ nɛɛ ri nwang zang ɓiɓɛ, nɛɛ tɔ̀ɔ yusɛ̃ɛ wu tuu zang ɓɔɔ nɛɛ ri zũng katɔ ɓɛɛ kati. Ti shɛ̃ɛrɛ zang ɓɔɔ ri lakɛ naa ka bii kpang, ka koo keɓe kɔ jong, nɛɛ tɔɔ yusɛ̃ɛ wu tuu zang ɓɔɔ ri lakɛ dɔɔli ɓɛɛ.

Galati 1:18

Sáa naa ɓa tɔ taati, a n daa ka Urushalima, n tɔɔ n daa zi Bituru nung kaa waasɛ̃, a n nwang nɛɛ wu diki kopi tu maani.

Filipi 4:13

N zunung ɓɔɔ n palɛ rɛɛ vuu keɓe katɔ piti, nɛɛ naa vuu palɛnang ɓɔɔ Yeesɔ a m ɓɛɛ.

1 Timoti 1:12

N zãa Kpanti Yeesɔ Kirisi ɓɔɔ a m kaka, n palɛ shonang mɛɛ nɛɛ mani tɔ. N ti zãa wu tɔ ka ɓɔɔ zirɛ n daa naa tɔ, zɔ̃ng m nɛɛ n shòng wu ɓɛɛ.