Zang Shonang Yeesɔ 9:17 - Nyaa Shɔɔ Ɓɔɔ Laa a Ɓɛɛ

¹⁷ A Hananiya daayi, daa hãa nyaa ka yeti gãa, shing naa ka yuu Shaawulu, a kɔɔyi tɔɔ, “Manzung Shaawulu, Kpanti Yeesɔ ɓɔɔ nwáng nyaa ka mɔɔ ka gbalang, ka ɓɔɔ mɔɔ a ka nihn ɓɛɛ, wukɔ shong m. Shong m nɛɛ tɔ̀ɔ, mɔɔ zi nɔng kaa tɔkn, nɛɛ tɔ̀ɔ, Suru Laa wu a kaa bii ɓaaɓɛ”.

Zang Shonang Yeesɔ 9:17 ပူးပေါင်းရင်းမြစ်များ

Matiyu 19:13

A zang atɛ wu wujɛ seseere nɛɛ wu shing ri naa ka yuu tɔ̀ɔ wu ti gaa ri Laa. A zang ɓɔɔ ri mantɛ vuu ka bii ɓiɓɛ ri, mangkɛ zang ɓɔɔ ri atɛ wujɛ kati.

Maraku 5:23

a gaa wu tɔɔ, “Jaa mɛɛ zang soro ɓɔɔ tɔkɔlɔng, vuu palɛ katɔ nung vɔrɔ gbete. Arɛ mɔɔ daa ĩi wu naa ɓaaɓɛ jong ka bii, tɔ̀ɔ, bii wu yaa wu nɔng.”

Maraku 6:5

Yeesɔ walɛ gbalang ɓɔɔ wu palɛ vuu ɓɔɔ zang zirɛ zang mã naa ka danggn ka nɔngkɔ kpang. Masɛ zang tɔkɔlɔng ɓɔɔ wu shing ri naa ka yuu ɓɛɛ kɔ shɛ̃ɛning.

Luka 1:41

Ɓɔɔ Alisabatu tãa nyaa ɓɔɔ Marayamu jee wu hn, jaa ɓɔɔ wu tuu ka yeti ruutu bii. A Suru Laa naa arɛ nwang ka yeti Alisabatu,

Luka 1:67

A Suru Laa a ka bii Zakariya daa Yɔhana, a Zakariya kɔɔ zang yee Laa kati tɔɔ,

Luka 1:76

A raa jĩng ka bii jaa rɛ̃ɛting a kɔɔ jaa tɔɔ, “Jaa mɛɛ, zang naa ɓaa mɔɔ nɛɛ zang nyaa shonang Laa, ka ruu ɓɔɔ, mɔɔ naa sɔ̀ɔ́ Kpanti ɓɔɔ naa a ɓɛɛ tĩng, mɔɔ pàlɛ́ wu gbalang ɓɛɛ.

Luka 15:30

Jaa ɓaaɓɛ keɓe ɓɔɔ lasɛ vuu naa ɓaaɓɛ ka nɔng dũndũng arɛ, mɔɔ yee wu guu napo ɓɔɔ mɔɔ sang ɓɛɛ.’

Luka 15:32

Daa ɓɔɔ ruu shaa vuu shaanang ruu tãa tĩnang tɔ, ka ruu ɓɔɔ, jaa naaɓɛ keɓe nwang naa ɓɔɔ vɔ katɔ a hingsi jĩng tɔkn. Ning katɔ, a n ĩi wu tɔkn ɓɛɛ.’ ”

Luka 2:11

Zang yi nɔɔ zang ɓɔɔ naa ta yuu manɛ tɔ lɛɛkɔ ka gari ɓɔɔ zang yi Dawuda kagn ɓɛɛ. Wukɔ Kpanti Kirisi.

Zang Shonang Yeesɔ 10:36

Laa shòng zang Isirela nyaa nɛɛ ruu ɓiɓɛ. Zang kɔɔ ri Ruu Tɔ̃ɔ Laa ɓɔɔ shing ri, ri nwang ka nyaa zɔɔ ɓɛɛ nɛɛ bii Yeesɔ Kirisi ɓɔɔ wukɔ kpanti zang piti ɓɛɛ.

Zang Shonang Yeesɔ 13:3

Ri seng nyaalaa tɔ, ri ti gaa Laa, a ri shĩili rɛɛ Shaawulu nɛɛ Baranaba naa kaa yuu, a zang lɔɔ ri nyaa kati nɛɛ ri dita.

Zang Shonang Yeesɔ 13:52

Zang ɓɔɔ ri dũng Laa ri tãa tĩnang dɔɔli, Suru Laa ti a ka bìí ɓarɛ.

Zang Shonang Yeesɔ 19:6

Bulu shĩili ri naa ɓiɓɛ ka yuu, a Suru Laa a kaa bii ɓarɛ. A ri gaayu yee rannang kaa nɛɛ nyaa ɓɔɔgn. Ri kɔɔrɔ zang Ruu Laa.

Zang Shonang Yeesɔ 2:4

Suru Laa a kaa bii ɓarɛ, a ri gaayu yee rannang kaa nɛɛ nyaa zang ɓɔɔgn naa ɓɔɔ Suru Laa tusu ri nɛɛ ri rang ɓɛɛ.

Zang Shonang Yeesɔ 21:20

Ɓɔɔ ri tãa naa weɓe, ri dɔɔ Laa. A ri kɔɔ wu nɛɛ, “Manzung ɓuru, mɔɔ zi tɔ waa, zang labang dɔɔli ri shing danggn tɔ ka bii Laa ka teteng zang Yahudi, ri ti pĩiri jĩng nɛɛ nyaa dannang Laa dũnnang kpang.

Zang Shonang Yeesɔ 26:15

A n hɛ̃ɛyi n tɔɔ, ‘Ɓu mɔkɔ wiya, Kpanti.’ A Kpanti kɔɔyi tɔɔ, ‘Nkɔ Yeesɔ ɓɔɔ mɔɔ dang wu jĩng ɓɛɛ.

Zang Shonang Yeesɔ 4:31

Ri hangsɛ nyaa Laa gaanang tɔ, a nɔng ɓɔɔ ri kpalɛ yuu, ruutu. Suru Laa a ka bii ɓarɛ, a ri gaa tɔɔsung Ruu Laa kɔɔnang, ri kaa vɔrɔ kpang.

Zang Shonang Yeesɔ 6:6

Zang atɛ ri ka bii rɛɛ zang shonang Yeesɔ. Rɛɛ zang shonang Yeesɔ ri shĩili ri naa ka yuu, a ri ti gaa ri Laa.

Zang Shonang Yeesɔ 8:17

Bituru nɛɛ Yɔhana ri shĩili naa kaa yuu ɓarɛ, a Suru Laa a kaa bii ɓarɛ.

Zang Shonang Yeesɔ 9:18

Nyaa kɔɔ doo naa ɓee, vuu naa koko bii jaazĩi nwang nɛɛ jĩng Shaawulu, a zi nɔng kaa tɔkn. A yupaa, zang palɛ wu batizima kati.

Rooma 15:7

Nɔɔ ta zɔɔ katɔ nɛɛ tĩnang, tɔ̀ɔ, zang ri dɔɔ Laa kati. Naa ɓɔɔ Kirisi ta nɔɔ ɓɛɛ.

1 Koranti 15:47

Laa mãa Adamu ɓɔɔ tĩng shɔɔnang ɓi nɛɛ tapuru ɓɔɔ ka tipi ɓɛɛ. Adamu ɓɔɔ ɓang wu, a ɓi nɛɛ lapa.

1 Koranti 15:8

Nkɔ m kaa zang ɓɔɔ wu gɔɔ nyaa yuu ɓiɓɛ tusunang ka bii mɛɛ ɓɛɛ. Ɓɔɔ n nwang m naa jaa ɓɔɔ bɛ̀ɛ́ daa naa yinang gn kpang ɓɛɛ.

1 Koranti 9:1

N zi m tɔ nɛɛ vuu ɓɔɔ zang zãa m katɔ kagn kpang. N m zang shonang Yeesɔ Kirisi. N ti zi Yeesɔ Kirisi ɓɔɔ wukɔ Kpanti ɓuru tɔ nɛɛ jĩng mɛɛ. Nɔɔ manɛ zang ɓɔɔ n atɛ ri nɛɛ ri naa dũng Kpanti Yeesɔ Kirisi ɓɛɛ, ka ruu shonang ɓɔɔ n pàlɛ̀ wu ɓɛɛ.

1 Timoti 4:14

Palɛ shonang nɛɛ vuu ɓɔɔ Suru Laa a mɔɔ ɓɛɛ, mɔɔ yaa kpang. Ɓɔɔ wu a mɔɔ ka ɓɔɔ zang nyaa shonang ri rang yee, a zang bang Gãa Laa ri shìng mɔɔ naa ka yuu ɓɛɛ.

1 Timoti 5:22

Mɔɔ làabìi ka nɔng ɓɔɔ mɔɔ shing naa ɓaaɓɛ, ka yuu zang ɓɔɔ ri tɔɔ, ri palɛ shonang Laa ɓɛɛ kpang. Mɔɔ yi naa ɓaaɓɛ ka vuu shi kpang ɓɔɔ zang ɓɔɔgn ri palɛ kpang. Nwang ɓaa nwannang tɔ̃ɔ.

2 Timoti 1:6

Ka ruu nɔngkɔ, n kpàá mɔɔ danggn, mɔɔ palɛ shonang nɛɛ vuu ɓɔɔ Laa a mɔɔ ka ɓɔɔ n shìng mɔɔ naa ka yuu ɓɛɛ.

Filimon 1:16

Kãntang keɓe ɓi tɔ̀ɔ́ jaafoo waati kpang, ɓa jaafoo ɓi kaa tɔ. Ɓi kaa manzung ɓuru ka gbalang Yeesɔ Kirisi. Ɓi zang tɔ̃ɔ ka bii mɛɛ. Nwǎng mɔɔ tɔ̃ɔ ditɔ jong gbãng gbãng, wu naa jaafoo kɔ shɛ̃ɛning kpang, naa ɓaazung ka gbalang Kpanti ɓuru.

Yahudi 6:2

Nɛɛ vuu tusunang, ka yuu batizima, nɛɛ naa shinnang ka yuu zang, nɛɛ naa ɓɔɔ zang wisi zang paa nɛɛ sàa ɓɛɛ, nɛɛ ɓɔɔ ruu ɓɔɔ Laa naa jɛ̃ɛ zang, ka ɓɔɔ koo naa waa nyaa ɓɛɛ.

2 Bituru 3:15

Nɔɔ zirɛ, Kpanti ɓuru Yeesɔ Kirisi suukãng, ka ruu ɓɔɔ, nɔ́ɔ walɛ gbalang Laa wu ta yuu manɛ kati ɓɛɛ. Manzung ɓuru Bulu ɓɔɔ ruu kasɛ ruu ɓiɓɛ katɔ ɓɛɛ, bee nɔɔ labeenang dòo nɔngkɔ, nɛɛ zũnang ɓɔɔ Laa a wu ɓɛɛ, a kɔɔ nɔɔ doo naa weɓe kɔ.