Zang Shonang Yeesɔ 9:13 - Nyaa Shɔɔ Ɓɔɔ Laa a Ɓɛɛ

¹³ A Hananiya kasɛ nyaa tɔɔ, “Kpanti, zang dɔɔli ri kɔɔ m ruu tɔ ka yuu yɔɔ keɓe, ka ruu vuu shi kpang ɓɔɔ wu palɛ zang ɓaaɓɛ ka Urushalima ɓɛɛ.

Zang Shonang Yeesɔ 9:13 ပူးပေါင်းရင်းမြစ်များ

Matiyu 10:16

“Kãntang keɓe, n shong nɔɔ naa mɛ̀ɛrɛ́ ka teteng zaa wisi. Ka ruu nɔngkɔ, nɔɔ zũng katɔ naa sɔkɔ, nɔɔ ti nwang zang tɔ̃ɔ naa koro ɓɔɔ palɛ zang vuu ɓi kpang ɓɛɛ.

Zang Shonang Yeesɔ 22:4

N dang zang ɓɔɔ ri dũng gbalang keɓe jĩng, n nyɔ̀kɔ̀ ri ɓɔɔ vɔrɔ. N yiki zang varɛ nɛɛ zang soro n mã ri, n looro ri ka sãa.

Zang Shonang Yeesɔ 8:3

Shaawulu kãa ɓi gbalang ɓɔɔ nɛɛ wu ningsi zang ɓɔɔ ri dũng Laa ɓɛɛ, dɔ̃ɔ gbete. Dàarɛ́ ka gãa gãa, yiki zang varɛ nɛɛ zang soro, wu daa looro ri ka sãa.

Zang Shonang Yeesɔ 9:1

Bɛɛ gnvɔ yeti Shaawulu kà gň kpang, ka ɓɔɔ wu kasɛ nɛɛ wu nyɔkɔ rɛɛ zang ɓɔɔ ri mantɛ vuu ka bii Kpanti Yeesɔ vɔrɔ ɓɛɛ. Dàa ka bii kpanti zang ɓɔɔ ri dɔɔ vuu ka Gãa Laa ɓɛɛ,

Zang Shonang Yeesɔ 9:21

Zang ɓɔɔ ri tãa vuu ɓɔɔ wu kɔɔyi, ri mã naa ka danggn, a ri hɛ̃ɛyi nɛɛ, “Wee ɓi yɔɔ ɓɔɔ nyɔ̀kɔ́ zang ɓɔɔ ri ɓaa nung Yeesɔ vɔrɔ ka Urushalima ɓɛɛ kpang ya? Ti a ka nihn ka ruu ɓɔɔ wu yiki ri, wu daa nɛɛ ri ka Urushalima, wu daa a rɛɛ zang bang bang zang ɓɔɔ ri dɔɔ vuu ka Gãa Laa kpang ya?”

Zang Shonang Yeesɔ 9:32

Bituru rakɛ nɛɛ nɔng piti piti, a diki ɓɔɔgn daayi nɛɛ wu daa leng rɛɛ zang Laa ɓɔɔ ri ka gari Liida ɓɛɛ.

Zang Shonang Yeesɔ 9:41

Bituru yì wu naa ka bii, a shii kaa nɛɛ doo. Bituru, ɓaa nyaa kaa rɛɛ zang ɓɔɔ ri dũng Laa, nɛɛ rɛɛ suvɔ a á ri Tabita kaa ningkãari.

Rooma 1:7

Ka ruu nɔngkɔ, n bèé nɔɔ nandon laa keɓe, ɓɔɔ nɔɔ ka gari Rooma, ɓɔɔ Laa kasɛ ruu manɛ katɔ, a zɔ̃ngkɔ nɔɔ nɛɛ nɔ́ɔ naa nwang zang ɓiɓɛ ɓɛɛ. Daa ɓuru Laa nɛɛ, Kpanti ɓuru Yeesɔ Kirisi ri yi nɔɔ naa ka bii, a ri ti shing yeti manɛ ri valɛ katɔ.

Rooma 15:31

Nɔɔ gaayi nɛɛ, zang ɓɔɔ ri shing danggn ɓarɛ ka bii Laa kpang, ɓɔɔ ri ka tipi Yahudi, ri pálɛ̀ m vuu ɓɔɔ kpang. Nɛɛ zang ɓɔɔ ri dũng Laa ɓɔɔ ri ka Urushalima ri tãa tĩnang vuu ɓɔɔ n átɛ̀ ri ɓɛɛ.

Rooma 16:15

Nɔɔ jèe m rɛɛ Filologu nɛɛ Juliya, a ɓɔɔ Neru nɛɛ ɓéenàa, a Olimpa nɛɛ zang piti ɓɔɔ ri dũng dòo Laa kɔ, ɓɔɔ ri nɛɛ zɔɔ ɓɛɛ nyaa.

Rooma 16:2

Nɔ́ɔ ta wu naa zang ɓɔɔ ɓi ɓɔɔ Laa ɓɛɛ, naa ɓɔɔ zang Laa ri ta zɔɔ ɓɛɛ. Nɔ́ɔ a wu vuu ɓɔɔ wu kasɛ ka naa manɛ ɓɛɛ. Ka ruu ɓɔɔ, pàlɛ̀ zang tɔ̃ɔ tɔ dɔɔli a ti pàlɛ̀ m jong ɓɛɛ.

1 Koranti 1:2

Ruu bèé zang ɓɔɔ ri dũng Laa, ɓɔɔ ri ka Koranti ɓɔɔ nɔɔ shing danggn tɔ ka bii Yeesɔ Kirisi ɓɛɛ. Laa zɔ̃ngkɔ nɔɔ nɛɛ nɔ́ɔ nwang zang ɓiɓɛ nɛɛ tɔɔ, nɔ́ɔ arɛ nɔ́ɔ nwang naa zang piti ɓɔɔ ri a nɛɛ dalɛ koo piti ɓɔɔ ri ɓaarɛ nung Kpanti ɓuru Yeesɔ Kirisi, ɓɔɔ wukɔ Kpanti ɓuru nɛɛ ri ɓɛɛ.

1 Koranti 14:33

Ka ruu ɓɔɔ, Laa tã̀a tĩnang nyaa ɓɔɔ ruu haa kpang ɓɛɛ. Naa ruu nwang ka nyaa zɔɔ, Laa tãa tĩnang wukɔ jong. Ka Gãa Laa ɓɔɔ zang ɓɔɔ ri dũng Laa kagn nandon.

1 Koranti 16:1

Ka ruu saka ɓɔɔ nɔɔ kpalɛ nɛɛ nɔɔ yi zang ɓɔɔ ri dũng doo Laa kɔ, ɓɔɔ ri ka Urushalima naa nɛɛ mani ka bii ɓɛɛ. Nɔɔ pálɛ́ doo naa ɓɔɔ n kɔɔrɔ zang ɓɔɔ ri ka rɛɛ Gãa Laa ɓɔɔ ka tipi Galati nɛɛ ri palɛ ɓɛɛ kɔ.

1 Koranti 6:5

Yusɛ̃ɛ tuu nɔɔ kpang ya? Zang kagn teteng manɛ gbete ɓɔɔ zũng katɔ ɓɔɔ naa dɔng zang ɓɔɔ ri dũng doo Laa kɔ ruu kpang ya?

Afisa 1:1

Labeenang keɓe, nɛɛ bii mɛɛ nkɔ Bulu ɓɔɔ Laa kɔ kasɛ, a n nwàng zang shonang Yeesɔ Kirisi ɓɛɛ. N bèé zang ɓɔɔ ri ka gari Afisa ɓɔɔ ri dũng Yeesɔ Kirisi nɛɛ yeti gbete ɓɛɛ.

Filipi 1:1

Labeenang keɓe nɛɛ bii mɛɛ Bulu nɛɛ Timoti, ɓɔɔ ruu jaafoo Yeesɔ Kirisi ɓɛɛ. Ruu bèé nɔɔ, zang Laa nandon, ɓɔɔ nɔɔ shing danggn tɔ ka bii Yeesɔ Kirisi, ɓɔɔ nɔɔ ka gari Filipi ɓɛɛ. A ɓɔɔ nɔkɔ zang bang bang nɛɛ zang ɓɔɔ ri palɛ shonang ka ruu zang Laa ɓɛɛ.

Filipi 4:22

Zang Laa ɓɔɔ ri ka nihn nandon ri jee nɔɔ nyaa. Zang ɓɔɔ ri nwang ka yeti gãa kpanti Kayisa kɔ ri jee nɔɔ nyaa gbãng gbãng.

Kolosi 1:2

Rùu jee zang Laa ɓɔɔ ri ka gari Kolosi, ɓɔɔ ri manzung ɓuru ka ruu danggn ɓɔɔ ruu shing nɛɛ ri gbete ka bii Kirisi ɓɛɛ. N gaa Laa ɓɔɔ wukɔ Daa ɓuru, wu pàlɛ̀ nɔɔ tɔ̃ɔ wu shingnɛ yeti manɛ wu valɛ katɔ.

Yahudi 13:24

Nɔ́ɔ jèe m zang bang manɛ, nɛɛ rɛɛ zang ɓɔɔ ri dũng Laa nyaa. Zang ɓɔɔ ri à nɛɛ tipi Italiya, ri jée nɔɔ nyaa.

Yahuza 1:3

Masang, ɓɔɔ n kasɛ nɔɔ dɔɔli ɓɛɛ, bɛ̀ɛ́ n wàá doo diki ɓɔɔ n bèé nɔɔ labeenang ka ruu yuu ɓuru ɓɔɔ Yeesɔ ta ɓɛɛ. A vuu ɓɔɔ shing m kãntang keɓe n bèé nɔɔ labeenang, n kasɛ n kɔɔ nɔɔ nɛɛ nɔɔ shii nɛɛ bang, ka ruu danggn shinnang kɔ Laa a zang ɓiɓɛ tɔ dɔ̃ɔ gbete ɓee.