Zang Shonang Yeesɔ 8:7 - Nyaa Shɔɔ Ɓɔɔ Laa a Ɓɛɛ

⁷ Suru shi kpang, ri mɛɛrɛ nyaa ka lapa ka ɓɔɔ ri nwangkɛ nɛɛ bii zang ɓɛɛ. Zang ɓɔɔ ri kàa katɔ, nɛɛ zang ɓɔɔ bii ɓarɛ vɔ katɔ, zang ti masɛ ri jong.

Zang Shonang Yeesɔ 8:7 ပူးပေါင်းရင်းမြစ်များ

Matiyu 10:1

A Yeesɔ ɓaa nyaa ka zang ɓɔɔ ri mantɛ vuu ka bii ɓiɓɛ ɓɔɔ ri kopi tu ziti ɓɛɛ, nɛɛ ri arɛ. A á ri naa suru shi kpang nwangsɛnang, nɛɛ zɔ̃ng kɔnang piti masɛnang, nɛɛ vuu ɓɔɔ palɛ zang ka bii nandon.

Matiyu 11:5

Zang jĩng ringtang ri zi nɔng kana, zang ɓɔɔ kàa katɔ ri ti ra kana, a kɔnang zang vuu bii ti yaa ri nɔng kana. Zang ɓɔɔ shoo gbooto ri ti tãa nɔng kana, n ti wisi zang ɓɔɔ ri vɔlɔ ɓɛɛ paa kana. Zang ti rǎng zang ɓɔɔ vuu ka naa kpang Ruu Tɔ̃ɔ Laa kana.

Matiyu 4:24

Ka ruu nɔngkɔ, nyaa Yeesɔ baa nɔng ka tipi Siriya nandon. A zang atɛ wu zang kɔnang ka zɔ̃ng zɔ̃ng, nɛɛ zang ɓɔɔ kɔnang ɓarɛ dang ri jĩng dɔɔli ɓɛɛ, nɛɛ zang ɓɔɔ suru shi kpang ka bii ɓarɛ, nɛɛ zang ɓɔɔ ri mã katɔ ɓɛɛ, a ɓɔɔ zang ɓɔɔ ri kàa katɔ ɓɛɛ. A Yeesɔ masɛ ri kaa nandon.

Maraku 9:26

A suru shi kpang mɛɛ nyaa ka lapa, a mã jaa tɔ̃ɔ, tɔ̃ɔ, a nwangnɛ yàa jaa bii kati. Jaa roo ka tipi ɓoromang naa zang ɓɔɔ vɔ tɔ ɓɛɛ, ka ruu nɔngkɔ, zang dɔɔli ka teteng zang ɓɔɔ ri kpalɛ zɔɔ ri kɔɔyi tɔ jaa vɔ tɔ.

Luka 10:17

Zang ɓɔɔ laa taati tu kopi tu ziti ri gbãayu. Ri kɔɔ Yeesɔ tɔɔ, “Dabang suru shi kpang ri ti ɓáa shoo ka nyaa ɓuru katɔ, ruu nɛɛ kɔɔ ri ruu tɔ ka nung ɓaaɓɛ ɓɛɛ.”

Yɔhana 14:12

N kɔ̀ɔ́ nɔɔ ruu ɓɔɔ niizang kɔ nwani, zang ɓɔɔ nɛɛ shing danggn ka bii mɛɛ, palɛ shonang ɓɔɔ n palɛ ɓɛɛ katɔ. Ti palɛ shonang ɓɔɔ ɓa ɓɔɔ n palɛ katɔ. Ka ruu ɓɔɔ, n gbãayu n daa kaa bìí Daa mɛɛ ɓɛɛ.

Zang Shonang Yeesɔ 5:16

Zang ri alɛ dɔɔli nɛɛ rɛɛ gari ɓɔɔ kiiri Urushalima nyaa ka teteng ɓɛɛ. Ri atɛ zang kɔnang nɛɛ zang ɓɔɔ suru shi kpang ka bii ɓarɛ ɓɛɛ, zang másɛ́ ri nandon.

Zang Shonang Yeesɔ 8:6

Ɓɔɔ zang ɓɔɔ ri kpalɛ zɔɔ, ri tãa vuu ɓɔɔ wu kɔɔyi, a ri ti zi vuu ɓɔɔ zang zirɛ zang mã naa ka danggn ɓɔɔ wu palɛ ɓɛɛ, ri ɓaa shoo kaa tɔ̃ɔ tɔ̃ɔ.

Yahudi 2:4

Laa ti tusu jong nɛɛ ruu keɓe niizang naa ɓɔɔ ri tusu ɓɛɛ, ka ɓɔɔ wu palɛ vuu ɓɔɔ zang zirɛ zang mã naa ka danggn ka zɔ̃ng zɔ̃ng ɓɛɛ. A ti basɛ zang vuu ɓɔɔ Suru ɓiɓɛ a zang ka naa ɓɔɔ wu kasɛ ɓɛɛ.