Zang Shonang Yeesɔ 8:35 - Nyaa Shɔɔ Ɓɔɔ Laa a Ɓɛɛ

³⁵ A Filibu puu nyaa, gaayu nɛɛ ruu zang nyaa shonang Laa keɓe ɓɔɔ yɔɔ gã ɓɛɛ, a kɔɔ yɔɔ Ruu Tɔ̃ɔ Kpanti Laa kati ka yuu Yeesɔ.

Zang Shonang Yeesɔ 8:35 ပူးပေါင်းရင်းမြစ်များ

Matiyu 5:2

A gaa ri yuu vuu tusunang kati, tɔɔ,

Luka 24:27

A Yeesɔ kɔɔrɔ ri vuu ɓɔɔ zang bee ka labeenang Laa ka yuu ɓiɓɛ kati. Gaayu nɛɛ labeenang ɓɔɔ Musa beere ɓɛɛ, a à nɔng ka yuu ɓɔɔ rɛɛ zang nyaa shonang Laa nandon ri beere ɓɛɛ.

Zang Shonang Yeesɔ 10:34

A Bituru gaa tɔɔsung yee rannang kati tɔɔ, “Niizang, n zi tɔ kati nɛɛ Laa shɛ̃ɛrɛ zang ɓi kpang.

Zang Shonang Yeesɔ 11:20

A zang ɓɔɔ kagn teteng ɓarɛ zang Kuburu nɛɛ ɓɔɔ Kiranɛ, ri daa ka Antakiya ri daa kɔɔ zang ɓɔɔ ri zang Isirela kpang Ruu Tɔ̃ɔ Laa jong, ka yuu Kpanti Yeesɔ.

Zang Shonang Yeesɔ 17:18

A zang ɓɔɔ ri dũng vuu ɓɔɔ Epikuru nɛɛ Sitoki ri túsú ɓɛɛ, ri ti a ka bii ɓiɓɛ. A zang ɓɔɔ ka teteng ɓarɛ ri kɔ̀ɔrɔ́ nɛɛ “Yɔɔ kɔ yìkí nyaa katɔ ɓee, naa kɔ̀ɔ́ ɓu viya?” Zang ɓɔɔ ri kɔɔyi nɛɛ, “Mɔɔ kɔɔ nɛɛ kɔ̀ɔ́ rúu ka yuu vuu gãnti ɓɔɔ ruu zi gngn kpang ɓɛɛ.” Ri kɔɔ ruu keɓe waati kpang, ka ruu ɓɔɔ bɛ̀ɛ́ Bulu kɔɔ ruu ka yuu Yeesɔ nɛɛ naa ɓɔɔ wu yupaa nɛɛ saa ɓɛɛ.

Zang Shonang Yeesɔ 18:28

Ka ruu ɓɔɔ, zunung yee rannang dɔɔli, ɓá rɛɛ zang Yahudi yuu nɛɛ ruu ɓiɓɛ, ka ɓɔɔ ri laa nyaa nɛɛ zɔɔ ka jĩng zang piti ɓɛɛ. Tùsú zang ka yeti labeenang Laa nɛɛ Yeesɔ kɔ Kirisi.

Zang Shonang Yeesɔ 19:13

A zang Yahudi ɓɔɔ kagn ɓɔɔ ri rakɛ ri daarɛ gari gari ri nwangsɛ suru shi kpang nɛɛ bii zang, ri kasɛ nɛɛ ri nwángsɛ̀ suru shi kpang kaa jong nɛɛ nung Kpanti Yeesɔ. Ri kɔɔyi nɛɛ, “N dang mɔɔ nyaa nɛɛ nung Yeesɔ ɓɔɔ Bulu kɔɔrɔ zang ruu ɓiɓɛ ɓɛɛ.”

Zang Shonang Yeesɔ 28:23

Ka ruu nɔngkɔ, ri kà zɔɔ diki nɛɛ Bulu. Ɓɔɔ diki ɓɔɔ ri ka zɔɔ naa arɛ zang dɔɔli ri kpalɛ zɔɔ ka nɔng ɓɔɔ Bulu nwàng kagn ɓɛɛ. Bulu nwangsɛ ri dĩiri ruu a ti kɔɔ ri ruu ka yuu Kpanti roonang Laa nɛɛ gãndi sasak nɔng tɔɔ nɛɛ mani. Kasɛ nɛɛ ri ta ruu ɓɔɔ wu kɔɔ ri ka yuu Yeesɔ ɓɛɛ, ka ruu nɔngkɔ, rang ri yee ka yuu ɓiɓɛ ka yeti labeenang Musa nɛɛ ɓɔɔ rɛɛ zang nyaa shonang Laa.

Zang Shonang Yeesɔ 3:20

Tɔ̀ɔ, Laa wu yaa nɔɔ gbalang nɔɔ ɔ̃sɔ kati. Wu ti shong Kirisi ɓɔ Laa shing wu ka ting nɛɛ wukɔ naa ta yuu manɛ ɓɔɔ wukɔ Yeesɔ ɓɛɛ.

Zang Shonang Yeesɔ 5:42

Diki, diki ri tusu zang vuu, a ri ti kɔɔrɔ zang Ruu Tɔ̃ɔ Laa ka yeti Gãa Laa nɛɛ yeti gãa zang, nɛɛ Yeesɔ wukɔ Kirisi.

Zang Shonang Yeesɔ 8:34

Yɔɔ ɓɔɔ bii varɛ ɓiɓɛ vɔ katɔ kaɓa, hɛ̃ɛ Filibu tɔɔ, “Kɔɔ m jong, zang nyaa shonang Laa rang ruu ka yuu wiya? Ka yuu ɓiɓɛ ya, kɔ ka yuu zang ɓɔɔgn?”

Zang Shonang Yeesɔ 9:20

A yupaa tantɛnang daa ka gãa zɔɔ kpalɛnang, a gaa tɔɔsung ɓɔɔ wu rang zang ruu ka yuu Yeesɔ kati. Kɔɔ zang nɛɛ “Yeesɔ ɓi Jaa Laa.”

1 Koranti 1:23

A ruu kɔ̀ɔrɔ́ zang ɓuru ruu Yeesɔ Kirisi, ɓɔɔ zang ɓaa wu naa ka laa ɓɛɛ. Ruu keɓe làsɛ́ rɛɛ zang Yahudi yeti katɔ, zang ɓɔɔ ri kɔɔ ɓarɛ nɛɛ ɓi ruu shoko.

1 Koranti 2:2

N kɔɔ ka yeti mɛɛ, n tɔɔ, wee n doo nɛɛ nɔɔ ɓee, n rɛ̃rɛ ruu Yeesɔ Kirisi kɔ shɛ̃ɛning. Naa ɓɔɔ zang ɓaa wu ka laa a vɔ ɓɛɛ.

2 Koranti 6:11

Zang Koranti, ruu rang nɔɔ yee ɓɔɔ niizang, ruu waasɛ nɔɔ vuu ɓɔɔ ka yeti ɓuru kpang.

Afisa 4:21

Niizang, nɔɔ tãa ruu katɔ ka yuu ɓiɓɛ, nɔɔ zang ɓɔɔ dũng wu nɛɛ yeti gbete ɓɛɛ. Zang ti tusu nɔɔ vuu ɓɔɔ niizang katɔ ka yuu Yeesɔ.