Zang Shonang Yeesɔ 8:30 - Nyaa Shɔɔ Ɓɔɔ Laa a Ɓɛɛ

³⁰ A Filibu yurɛ daa ka bii kɛkɛ daa tãayi yɔɔ gã labeenang Ishaya zang nyaa shonang Laa. A Filibu hɛ̃ɛ wu tɔɔ, “Mɔɔ zi vuu kɔ mɔɔ gã ɓɛɛ ɓu tɔ ya?”

Zang Shonang Yeesɔ 8:30 ပူးပေါင်းရင်းမြစ်များ

Matiyu 13:19

Jĩng vuu ɓɔɔ shili ka gbalang, nwang ɓi kaa naa shɔnzang ɓɔɔ tãa ruu Kpanti roonang Laa, a zi tɔ̃ɔ tɔ̃ɔ kpang, Sheetang arɛ naa ta vuu ɓɔɔ wu tãa ɓɛɛ.

Matiyu 13:23

Jĩng vuu ɓɔɔ shili ka tipi tɔ̃ɔ, ɓi ka zang ɓɔɔ tãa Ruu Laa, a ti zi vuu ɓɔɔ kagn katɔ ɓɛɛ. Ruu Laa nwang ri vuu tɔ̃ɔ, a ri naa nwang ka naa jĩng vuu ɓɔɔ ra jaa, laa maani, ɓɔɔ laa taati, a ɓɔɔ bmati tu kopi ɓɛɛ.”

Matiyu 13:51

A Yeesɔ hɛ̃ɛ ri tɔɔ, “Nɔɔ zi dĩiri yee keɓe ɓu tɔ nandon ya?” A ri kasɛ Yeesɔ nyaa tɔɔ, “Nn.”

Matiyu 15:10

A Yeesɔ naa ɓaa nyaa ka zang ɓɔɔ ri kpalɛ zɔɔ, a kɔɔ ri tɔɔ, “Nɔɔ ɓaa shoo ta, nɔɔ zi vuu ɓɔɔ kagn ɓɛɛ.

Matiyu 24:15

“Ka ruu nɔngkɔ, nɔɔ naa zi vuu baabii ɓɔɔ Daninya zang nyaa shonang Laa kɔɔyi, shii tɔ ka nɔng nwannang Kpanti Laa ɓɔɔ ka yeti Gãa Laa.” (Zang ɓɔɔ bee Labeenang Laa katɔ, wu zi kati.)

Maraku 13:14

“Nɔɔ nɛɛ zi vuu baabii shíi tɔ ka nɔng ɓɔɔ daa ɓɔɔ wu shii kagn kpang, [zang ɓɔɔ gã vuu keɓe, wu zi kati.] Zang ɓɔɔ ka tipi Yahudi ri yurɛ, ri daa ka kɔpɔ.

Yɔhana 4:34

Yeesɔ kɔɔ ri tɔɔ, “Vuu shaanang mɛɛ ɓi palɛnang vuu ɓɔɔ zang ɓɔɔ shong m kasɛ ɓɛɛ, ń ti hangsɛ shonang ɓɔɔ wu a m ɓɛɛ.

Yɔhana 5:39

Nɔɔ ĩi jĩng ka ɓɔɔ nɔɔ gã labeenang waasɛ̃, ka ruu ɓɔɔ, nɔɔ kɔɔ nɛɛ nɔɔ wàlɛ́ suru bii ɓɔɔ waa nyaa kpang katɔ kagn ɓɛɛ. Labeenang Laa keɓe, kɔɔ ruu ka yuu mɛɛ kɔ.

Zang Shonang Yeesɔ 8:27

Ka ruu nɔngkɔ, Filibu kpalɛ bii a daayi. Daa kana, a kpisi yuu nɛɛ yɔɔ tipi Habasha ɓɔɔ bii varɛ ɓiɓɛ vɔ katɔ ɓɛɛ, gbãayu dàá kaa tipi ɓiɓɛ. Yɔɔ keɓe zang bang kɔ nwani. Wukɔ yiti saka Kandakatu, jaa soro ɓɔɔ roo kpanti ka tipi Habasha ɓɛɛ. Dàa Urushalima nɛɛ wu daa bang Laa.

Zang Shonang Yeesɔ 8:29

A Suru Laa kɔɔ Filibu tɔɔ, “Daa ka nɔng kɛkɛ kaɓa naabm, mɔɔ ra ka kagn ɓiɓɛ.”

Zang Shonang Yeesɔ 8:31

Yɔɔ zang bang keɓe kasɛ wu nyaa tɔɔ, “Zang ɓɔɔ nɛ́ɛ kɔɔ m dĩiri ɓiɓɛ kpang, n zi biya?” A kɔɔ Filibu nɛɛ wu vang ta, wu naa nwang nɛɛ wu ka yeti kɛkɛ,

Zang Shonang Yeesɔ 8:5

Filibu daa ka gari ɓɔɔ ka tipi Samariya, daa kɔɔ zang ruu Kirisi ka nɔngkɔ.

1 Koranti 14:19

Naa doo nɔngkɔ piti, naa zang kpalɛ ka Gãa Laa, ɓɔɔ n zi ka yeti mɛɛ naa n kɔɔ ruu maani nɛɛ nyaa ɓɔɔ zang ri tãa katɔ wukɔ tɔ̃ɔ. Ka ɓɔɔ naa n kɔɔ ruu labang kopi nɛɛ nyaa ɓɔɔ zang ri tãa kpang ɓɛɛ.

Afisa 5:17

Nɔ́ɔ nwàng wu naa shoko kpang, nɔɔ kãa manɛ gbalang ɓɔɔ nɔɔ zi vuu ɓɔɔ Laa nɛɛ nɔɔ pálɛ́ ɓɛɛ.

Vuu ɓɔɔ zang nwangsɛ Yɔhana 13:18

Vuu keɓe, ɓi vuu zũnang. Zang ɓɔɔ nɛɛ zũng katɔ wu zi dĩiri lamba yɔpɔ jĩngti keɓe, ka ruu ɓɔɔ, ɓi lamba shɔnzang ɓɛɛ. Lamba bìí ɓi laa maani dakn mangbete tu laa taati tu mangbete.