Zang Shonang Yeesɔ 8:21 - Nyaa Shɔɔ Ɓɔɔ Laa a Ɓɛɛ

²¹ Ruu ɓaaɓɛ hãa ɓi kagn ka shonang keɓe kpang, ka ruu ɓɔɔ, yeti ɓaaɓɛ ɓi tɔ̃ɔ ka tĩng Laa kpang ɓɛɛ.

Zang Shonang Yeesɔ 8:21 ပူးပေါင်းရင်းမြစ်များ

Luka 1:6

Zakariya nɛɛ Alisabatu ri zang tɔ̃ɔ kɔ nandon, ka ruu ɓɔɔ, ri ɓaa shoo ka nyaa ɓɔɔ Laa dang ɓɛɛ nandon.

Yɔhana 21:17

Yeesɔ kɔɔ tɔkn daa kaa doo taati tɔɔ, “Siman jaa Yɔhana mɔɔ kasɛ m katɔ ya?” Yeti Bituru lasɛ, ka ruu ɓɔɔ, Yeesɔ hɛ̃ɛ wu daa doo taati nɛɛ, “Mɔɔ kasɛ m katɔ ya?” ɓɛɛ. A kɔɔ Yeesɔ tɔɔ, “Kpanti, mɔɔ zi vuu tɔ nandon, mɔɔ zi tɔ nɛɛ n kasɛ mɔɔ katɔ.” Yeesɔ kɔɔ wu tɔɔ, “Hnti zang mɛɛ.”

Zang Shonang Yeesɔ 8:37

[Filibu kɔɔ wu tɔɔ, “Naa mɔɔ shing danggn ka bii Laa nɛɛ yeti ɓaaɓɛ nandon, n palɛ mɔɔ batizima katɔ.” Yɔɔ kasɛ wu nyaa tɔɔ, “N shing danggn tɔ, nɛɛ Yeesɔ Kirisi wukɔ Jaa Laa.”]

Afisa 5:5

Ǹ kàsɛ̀ nɛɛ nɔ́ɔ zi vuu keɓe waasɛ̃. Zang ɓɔɔ palɛ dũndũng, ɓɔɔ rɛ̃rɛnang ɓiɓɛ ti kalang kalang kpang, ɓɔɔ ti shing jĩng ka vuu zang, naa daa nɔng ɓɔɔ Yeesɔ Kirisi roo kpanti kagn nɛɛ Laa ɓɛɛ kpang. Ka ruu ɓɔɔ rɛɛ vuu keɓe dàa wu ka yeti, ɓa ɓɔɔ wu palɛ vuu ɓɔɔ Laa kasɛ ɓɛɛ.

Yahudi 4:13

Vuu ɓɔɔ Laa mãayi kagn gbete, ɓɔɔ wayi, Laa zi wu kpang ɓɛɛ kpang. Vuu piti ɓi ka dalɛ, zang larɛ ri ɓi katɔ ka jĩng Laa ɓɔɔ ruu naa shii ka tĩng ɓiɓɛ, ruu kɔɔ wu vuu piti ɓɔɔ ruu palɛ ɓɛɛ.

Vuu ɓɔɔ zang nwangsɛ Yɔhana 2:23

N naa nyɔkɔ zang ɓɔɔ ri dũng wu vɔrɔ nandon. Tɔ̀ɔ, zang ɓɔɔ ri dũng Laa ka nɔng piti, ri zi kati nɛɛ nkɔ zang ɓɔɔ zi rɛ̃rɛnang zang tɔ nɛɛ yeti ɓarɛ piti ɓɛɛ. N a zang ɓu vuu ka doo shonang ɓɔɔ wu palɛ ɓɛɛ.

Vuu ɓɔɔ zang nwangsɛ Yɔhana 20:6

Tĩnang ɓi ɓɔ̀ɔ́ zang ɓɔɔ ri yupaa jong ka paa yunang ɓɔɔ tĩng shɔɔnang keɓe. Ri ɓarɛ ti zang ɓɔɔ shi kpang ka bii ɓarɛ kpang ɓɛɛ. Vɔrɔ ɓɔɔ zang naa vɔ tɔkn, ɓɔɔ daa kaa doo ziti naa palɛ ri vuu ɓɔɔ ɓarɛ kpang. Ri naa nwang ɓarɛ kaa zang ɓɔɔ ri dɔɔ Laa nɛɛ Kirisi vuu, ka Gãa Laa ɓɛɛ. A ri naa roo kpanti nɛɛ wu, saa labang gbete.

Vuu ɓɔɔ zang nwangsɛ Yɔhana 22:19

Zang ɓɔɔ nɛɛ ti zɔ̃ng vuu ɓɔɔ ka ruu ɓɔɔ a nɛɛ bii Laa, ɓɔɔ ka labeenang keɓe, Laa ti naa yáa wu, wu shaa jĩng laa ɓɔɔ a zang suru bii ɓɔɔ waa nyaa kpang, kpang, ti daa yeti gari Laa kaɓa kpang. Wee rɛɛ vuu keɓe ɓɔɔ zang bee vuu ka yuu ɓarɛ ka labeenang keɓe ɓɛɛ kɔ.