Zang Shonang Yeesɔ 8:16 - Nyaa Shɔɔ Ɓɔɔ Laa a Ɓɛɛ

¹⁶ Ka ruu ɓɔɔ, bɛ̀ɛ́ Suru Laa a gn ka bii zang gbete ka teteng ɓarɛ kpang ɓɛɛ. Zang palɛ ri batizima ɓarɛ doo nɛɛ nung Kpanti Yeesɔ kɔ shɛ̃ɛning.

Zang Shonang Yeesɔ 8:16 ပူးပေါင်းရင်းမြစ်များ

Matiyu 28:19

Ka ruu nɔngkɔ, nɔɔ dita, nɔɔ daa kɔɔ zang tipi ɓɔɔ ka koo keɓe nandon ruu mɛɛ, tɔɔ, ri nwang zang ɓɔɔ ri dũng m kati. Nɔɔ ti palɛ ri batizima nɛɛ nung Daa mɛɛ Laa, nɛɛ ɓɔɔ mɛɛ Jaa ɓiɓɛ, nɛɛ ɓɔɔ Suru Laa.

Zang Shonang Yeesɔ 19:2

a hɛ̃ɛ ri nɛɛ, “Ka ɓɔɔ nɔɔ shing danggn ka bii Laa ɓɛɛ, Suru ɓiɓɛ a katɔ ka bii manɛ ya?” Ri kasɛ wu nyaa tɔɔ, “Kpang, ruu tãa ruu Suru Laa gngn kpang.”

Zang Shonang Yeesɔ 2:38

Bituru kɔɔ ri tɔɔ, “Zang ɓu wu yaa vuu shi kpang ɓɔɔ wu palɛ ɓɛɛ ta, zang palɛ nɔɔ batizima nɛɛ nung Yeesɔ Kirisi, tɔ̀ɔ, Laa wu yaa nɔɔ gbalang vuu shi kpang manɛ ɓɔɔ dɔɔli ɓɛɛ kati. Tɔ̀ɔ, Laa wu a nɔɔ Suru ɓiɓɛ kati.

Rooma 6:3

Nɔɔ zi kpang ya? Ka ɓɔɔ zang palɛ ruu batizima, zang ɓakɛ ruu nɛɛ Yeesɔ Kirisi, a ruu vɔ jong naa ɓɔɔ wu vɔ ɓɛɛ.

Galati 3:27

Nɔɔ nandon ɓɔɔ zang palɛ nɔɔ batizima tɔ, nɔɔ ɓakɛ yuu tɔ nɛɛ Yeesɔ Kirisi. Ka ruu nɔngkɔ, nɔɔ nwàng manɛ kaa nwannang Yeesɔ nɛɛ yuu ɓiɓɛ.