Zang Shonang Yeesɔ 8:1 - Nyaa Shɔɔ Ɓɔɔ Laa a Ɓɛɛ

¹ Shaawulu kasɛ nyaa kagn ka ɓɔɔ zang nyɔ Istifanu vɔrɔ ɓɛɛ. Ka diki kaɓa zang gaayu ɓɔɔ zang dang zang ɓɔɔ ri dũng Laa jĩng ka Urushalima. Zang ɓɔɔ ri shing danggn tɔ, zang tantɛ ri ka tipi Yahudi nɛɛ tipi Samariya nandon. Ɓi rɛɛ zang shonang Yeesɔ kɔ ri nwang ɓarɛ shɛ̃ɛning.

Zang Shonang Yeesɔ 8:1 ပူးပေါင်းရင်းမြစ်များ

Matiyu 22:6

A zang ɓɔɔ kpanti gaarɛ, ɓɔɔ ri yaa knti, ri yiki zang shonang kpanti, ri dang ri jĩng, a ri nyɔkɔ ri vɔrɔ.

Matiyu 23:34

Ka ruu nɔngkɔ, n shong nɔɔ zang nyaa shonang Laa ditɔ, nɛɛ zang ɓɔɔ zũng katɔ nɛɛ zang ɓɔɔ tusu zang vuu ɓɛɛ. Nɔɔ naa nyɔkɔ ɓɔɔ ditɔ, nɔɔ ti ɓaarɛ ɓɔɔ naa ka laa. Nɔɔ ti naa nyɔkɔ ɓɔɔ nɛɛ gbãa ka gãa zɔɔ kpalɛnang manɛ. Nɔɔ ti naa hingki ɓɔɔ nɛɛ rɛɛ gari manɛ piti.

Matiyu 5:13

“Nɔkɔ tãa ka koo keɓe. Naa lanang tãa nɛɛ takpang, zang pálɛ̀ bɛ̀ɛ́ wu ri tãa tɔkn viya? Zang pálɛ̀ vuu ɓi tɔ̀ɔ́ nɔng kpang. Zang vang ɓi kaa tɔ, zang naalɛ nɛɛ doo.

Yɔhana 15:20

Danggn wu ning nɔɔ vuu ɓɔɔ n kɔɔ nɔɔ ɓee kpang. N kɔɔ nɔɔ nɛɛ, ‘Zang shonang ɓɔɔ ɓa dabang gãa ɓiɓɛ katɔ ɓi kagn kpang.’ Zang ɓɔɔ ri dang m jĩng, ri naa dang nɔɔ jĩng doo katɔ kɔ. Ri nɛɛ ɓaa shoo ka vuu ɓɔɔ n tùsù ri, ri naa ɓaa shoo katɔ ka ɓɔɔ manɛ kɔ doori.

Yɔhana 16:2

Zang naa nwangsɛ nɔɔ ditɔ kaa gãa zɔɔ kpalɛnang. Diki a kana, ɓɔɔ zang ɓɔɔ nɛɛ nyɔ nɔɔ vɔrɔ, kɔ̀ɔ́ ɓi nɛɛ wu palɛ vuu ɓɔɔ Laa kasɛ ɓɛɛ.

Zang Shonang Yeesɔ 1:8

Diki ɓɔɔ Suru Laa a ka bii manɛ, nɔɔ nwáng zang ɓɔɔ ri kɔ̀ɔ́ ruu ka yuu mɛɛ ka gari Urushalima, nɛɛ tipi Yahudi nandon, nɛɛ tipi Samariya, nɔɔ daa nɛɛ mani ka nɔng ɓɔɔ koo waa nyaa ɓɛɛ”.

Zang Shonang Yeesɔ 13:1

Ka teteng zang ɓɔɔ ri dũng Laa ka Antakiya ɓɛɛ rɛɛ zang nyaa shonang Laa kagn nɛɛ rɛɛ maalang. Zang keɓe ɓi rɛɛ Baranaba, nɛɛ Simiyon ɓɔɔ zang ɓaa wu nɛɛ “Zang vĩiri” ɓɛɛ. Nɛɛ Lukiyu yɔɔ Kiranɛ, a ɓɔɔ Manaya ɓɔɔ báng ka yeti gãa gbete nɛɛ Hiridu ɓɛɛ, a ɓɔɔ Shaawulu.

Zang Shonang Yeesɔ 13:36

“Dawuda ka diki ɓiɓɛ pàlɛ́ zang ɓiɓɛ shonang naa ɓɔɔ Laa kasɛ ɓɛɛ. Vɔrɛ, a zang gbãa wu ka sàá rɛɛ dabang ɓiɓɛ, a vɔrɔ ɓiɓɛ pũngnɛ.

Zang Shonang Yeesɔ 2:47

Ri dɔɔ Laa, a zang piti ti rang yee tɔ̃ɔ ka yuu ɓarɛ, Laa ti gìsí ri zang ɓɔɔ wu ta yuu ɓarɛ tɔ ka zɔɔ diki diki.

Zang Shonang Yeesɔ 22:20

Ka ɓɔɔ zang nyɔ Istifanu yɔɔ ɓɔɔ kɔɔ ruu ka yuu ɓaaɓɛ vɔrɔ, n ka nɔng. Nyaa mɛɛ kagn, nkɔ ti gãng jĩng ka fɔ̃ɔrɔ zang ɓɔɔ ri nyɔ wu vɔrɔ ɓɛɛ.’

Zang Shonang Yeesɔ 26:10

N palɛ nɔngkɔ ka Urushalima. Zang bang bang zang ɓɔɔ ri dɔɔ vuu ka Gãa Laa, ri yaa m gbalang, a n mãlɛ zang Laa ka sãa dɔɔli. Ɓɔɔ zang nyɔkɔ ri vɔrɔ, n kàsɛ̀ nyaa kagn.

Zang Shonang Yeesɔ 5:18

Ri yiki rɛɛ zang shonang Yeesɔ, ri loo ri ka sãa.

Zang Shonang Yeesɔ 5:20

“Nɔɔ daa ka yeti Gãa Laa, nɔɔ daa shii ka nɔngkɔ, nɔɔ kɔɔ zang ruu ɓɔɔ a zang Suru bii ɓɛɛ nandon.”

Zang Shonang Yeesɔ 5:33

Ɓɔɔ rɛɛ zang ɓɔɔ ri jɛ̃ɛ zang ruu, ri tãa ruu keɓe gnvɔ shaa ri dɔɔli, ri kasɛ nɛɛ ri nyɔ rɛɛ zang shonang Yeesɔ keɓe kaa vɔrɔ.

Zang Shonang Yeesɔ 5:40

Zang ɓɔɔ ri jɛ̃ɛ zang ruu, ri ɓaa shoo ka nyaa Gamaliyel. Ri ɓaa rɛɛ zang shonang Yeesɔ nyaa tɔkn ka yeti gãa. Ri kɔɔ zang nɛɛ zang nyɔ zang shonang Yeesɔ keɓe nɛɛ gbãa. A zang dang ri nyaa, nɛɛ ri rang zang yee tɔ̀ɔ́ nɛɛ nung Yeesɔ kpang. A zang yaa ri, ri daayi.

Zang Shonang Yeesɔ 7:38

Musa keɓe kɔ nwang nɛɛ rɛɛ zang Isirela ɓɔɔ ri kpalɛ zɔɔ ka jĩngti, a ɓɔɔ zang nyaa shonang Laa ɓɔɔ ka lapa ɓɔɔ rang wu yee ka kɔpɔ Sinayi ɓɛɛ, a ɓɔɔ rɛɛ dabang ɓuru. Wukɔ ti tà ruu rúu Laa ɓɔɔ a zang suru bii ɓɛɛ, a á ruu.

Zang Shonang Yeesɔ 7:54

Ɓɔɔ zang ɓɔɔ ri jɛ̃ɛ zang ruu, ri tãa vuu ɓɔɔ Istifanu kɔɔ ɓɛɛ, gnvɔ shaa ri, ri shaa tãri.

Zang Shonang Yeesɔ 7:58

Ri nwangsɛ wu nɛɛ yeti gari, a ri luku wu nɛɛ tari. Zang ɓɔɔ ri zi vuu keɓe jĩng ka bii ri tɛ̃̀ɛ, jasang ɓɔɔ bɛ̀ɛ́ ka nɔng, zang ɓaa wu nɛɛ Shaawulu fɔ̃ɔrɔ ɓarɛ nɛɛ wu gãng jĩng kagn.

Zang Shonang Yeesɔ 8:14

Zang shonang Yeesɔ ɓɔɔ ri ka Urushalima, ri tãa nyaa nɛɛ zang Samariya ri ta Ruu Laa tɔ, ka ruu nɔngkɔ, ri dɔ̃ Bituru nɛɛ Yɔhana ka bii ɓarɛ.

Zang Shonang Yeesɔ 8:2

Zang ɓɔɔ ri bang Laa nɛɛ yeti gbete ri gbãa Istifanu, ri kaa wu nyavɔ gbãng gbãng.

Zang Shonang Yeesɔ 8:4

Zang ɓɔɔ ri shing danggn tɔ ɓɔɔ ri tantɛ nɛɛ nɔng piti piti ri rangkɛ Ruu Laa ka nɔng ɓɔɔ ri daarɛ ɓɛɛ.

Zang Shonang Yeesɔ 8:5

Filibu daa ka gari ɓɔɔ ka tipi Samariya, daa kɔɔ zang ruu Kirisi ka nɔngkɔ.

Zang Shonang Yeesɔ 9:31

Ka diki kaɓa, zang ɓɔɔ ri dũng Laa ɓɔɔ ri ka tipi Yahudi, nɛɛ tipi Galili, nɛɛ tipi Samariya nandon, ri tãa tĩnang nwannang ɓarɛ kati. Suru Laa yi ri naa kagn, a mã ri danggn. Ri shang kaa jong ka ɓɔɔ ri nwangnɛ ri a Laa bannang ɓɛɛ.

Rooma 1:32

Ri zi tɔ nɛɛ nyaa dannang Laa kɔɔyi nɛɛ zang ɓɔɔ ri palɛ vuu ɓɔɔ naa weɓe, daa naa ɓɔɔ zang nyɔ ri vɔrɔ ɓɛɛ. Ri huu shoo wu ka nɔng palɛnang kɔ shɛ̃ɛning kpang, ri tãa tĩnang zang ɓɔɔ ri pálɛ̀ vuu keɓe ɓɛɛ.

Filipi 1:12

Manzung ɓɔɔ ri dũng doo Laa kɔ ɓɛɛ, n kasɛ, nɔɔ zirɛ nɛɛ vuu kɔ palɛ m ɓee, shingnɛ Ruu Laa daa ɓi nɛɛ tĩng kɔ jong.

Yahudi 11:27

Danggn shinnang shing wu a yaa Masara, kaa vɔrɔ gnvɔ ɓɔɔ naa shàá kpanti kpang. Mã danggn daayi, naa zang ɓɔɔ zi Laa ɓɔɔ shɔnzang ri zi wu ɓarɛ kpang ɓɛɛ.