Zang Shonang Yeesɔ 7:35 - Nyaa Shɔɔ Ɓɔɔ Laa a Ɓɛɛ

³⁵ “Musa keɓe ɓɔɔ zang Isirela bɛ̃ɛ wu ɓɛɛ kɔ. Ɓɔɔ ri kɔɔ wu tɔ́ɔ, wi shing mɔɔ zang bang, a ɓɔɔ zang ruu jɛ̃ɛnang ka yuu ɓuru wiya ɓɛɛ. Laa shong wukɔ, nɛɛ wu naa nwang zang bang, a ɓɔɔ zang ɓɔɔ ta ri ɓɛɛ nɛɛ bii zang nyaa shonang Laa ɓɔɔ ka lapa ɓɔɔ nwang nyaa ka wu ka jaa laa ɓɔɔ waa shaa ɓɛɛ.

Zang Shonang Yeesɔ 7:35 ပူးပေါင်းရင်းမြစ်များ

Maraku 12:26

“Ka ruu zang paa wisinang nɛɛ saa, nɔɔ gã gngn ka yeti labeenang Musa kpang ya? Ka nɔng ɓɔɔ zang bèe ruu waa ɓɔɔ shaa jaa laa ɓɛɛ. Zang bee ka nɔngkɔ nɛɛ, Laa kɔɔ Musa tɔɔ, wukɔ Laa Ibirayi, nɛɛ ɓɔɔ Ishaaku, nɛɛ ɓɔɔ Yakubu.

Luka 19:14

A zang tipi ɓiɓɛ ri kasɛ ruu ɓiɓɛ kpang. Ka ruu nɔngkɔ, ri shong zang nyaa shonang ka knti ɓiɓɛ, nɛɛ wu daa kɔɔ zang ɓɔɔ daa yi yɔɔ kpanti nɛɛ, ‘Ruu kasɛ yɔɔ keɓe wu nwang kpanti ɓuru kpang.’

Yɔhana 18:40

Ri mɛ́ɛ nyaa nabm ka lapa nandon nɛɛ, “Wu yɔɔ keɓe kpang. Ruu kasɛ mɔɔ yaa ruu ɓuru Baraba naa.” Baraba keɓe, ɓi ka teteng zang ɓɔɔ ri hàá nyaa ka gari a zang nyɔ zang vɔrɔ ɓɛɛ.

Yɔhana 19:15

Ri goo nyaa tɔɔ, “Nyɔ wu vɔrɔ ta, Nyɔ wu vɔrɔ ta. Ɓaa wu naa ka laa.” Bilatu hɛ̃ɛ ri tɔɔ, “Nɔɔ kasɛ tɔ n ɓaa kpanti manɛ naa ka laa ya?” Zang bang bang zang ɓɔɔ ri dɔɔ vuu ka Gãa Laa ri kasɛ wu nyaa tɔɔ, “Kpanti ɓuru ɓi Kayisa kɔ gbete.”

Zang Shonang Yeesɔ 2:36

“Ka ruu nɔngkɔ, zang Isirela, nɔɔ zi ta tɔ̃ɔ tɔ̃ɔ nɛɛ Yeesɔ ɓɔɔ nɔɔ ɓaa wu naa ka laa keɓe, Laa shing kaa wukɔ nwàng Kpanti, wukɔ ti Kirisi zang ɓɔɔ Laa tɔɔ, wu naa a ɓɛɛ.”

Zang Shonang Yeesɔ 3:22

“Musa kɔɔyi tɔɔ, ‘Laa naa zɔ̃ng zang nyaa shonang ɓiɓɛ ditɔ, nɛɛ teteng rɛɛ manzung manɛ, naa ɓɔɔ wu zɔ̃ng m ɓɛɛ. Nɔɔ ɓaa shoo, ka vuu ɓɔɔ, wu kɔɔ nɔɔ ɓɛɛ nandon.

Zang Shonang Yeesɔ 5:31

Laa a wu bannang, a shing wu ka nakn ɓiɓɛ, nɛɛ wu nwang zang bang, á wu ti nwáng zang ɓɔɔ ta yuu zang ɓɛɛ. Tɔ̀ɔ, Isirela ri walɛ gbalang ɓɔɔ ri kɔ̃sɔ yeti ɓarɛ, zang wu yaa ri gbalang vuu shi kpang ɓarɛ kati.

Zang Shonang Yeesɔ 7:30

“Saa ɓa tɔ laa ziti, a zang nyaa shonang Laa ɓɔɔ ka lapa nwang nyaa ka wu, ka jaa laa ɓɔɔ waa shaayi ka yeti jĩngti, ka doo kɔpɔ Sinayi naabm ɓɛɛ.

Zang Shonang Yeesɔ 7:51

“Nɔɔ taarɛ yuu dɔɔli. Yeti manɛ nɛɛ shoo manɛ nɔɔ dòo katɔ. Nɔɔ kàsɛ̀ nɛɛ nɔɔ tãa vuu ɓɔɔ Suru Laa kɔ̀ɔ́ nɔɔ kpang. Nɔɔ pálɛ̀ dòó vuu ɓɔɔ rɛɛ dáa manɛ ri palɛ ɓɛɛ kɔ.

Kolosi 1:15

Ruu zi nwannang Laa ɓɔɔ ruu zi nɛɛ jĩng kpang ka bii Yeesɔ kɔ. Wukɔ jamari rɛɛ vuu ɓɔɔ Laa mãarɛ ɓɛɛ,

Yahudi 2:2

Naa rúu ɓɔɔ zang nyaa shonang Laa ɓɔɔ ri ka lapa kɔɔyi, nwang tɔ nɔngkɔ niizang. Zang ɓɔɔ nɛɛ tà kpang, nɛɛ ti dũ̀ng kpang, zang dang wu jĩng katɔ ka naa ɓɔɔ daa naa katɔ ɓɛɛ.

Vuu ɓɔɔ zang nwangsɛ Yɔhana 15:3

Ri gaa soo ɓɔɔ Musa zang nyaa shonang Laa ri gaa ɓɛɛ, a Jaa Mɛ̀ɛrɛ́ ti gáa jong ɓɛɛ, ri kɔɔyi nɛɛ, “Laa ɓɔɔ mɔkɔ kpanti ɓuru ɓɛɛ, ɓɔɔ mɔɔ ɓa zang piti katɔ ɓɛɛ. Shonang ɓaaɓɛ bang dɔɔli, ti shing zang, zang mã naa ka danggn. Mɔkɔ kpanti zang ɓɔɔ ri ka koo nandon Vuu ɓɔɔ mɔɔ palɛ ɓɛɛ, ɓi tɔ̃ɔ, a mɔɔ ti zang ɓɔɔ palɛ vuu ɓɔɔ niizang.