Zang Shonang Yeesɔ 6:9 - Nyaa Shɔɔ Ɓɔɔ Laa a Ɓɛɛ

⁹ A zang ɓɔɔ ri ka gãa zɔɔ kpalɛnang ɓɔɔ zang ɓaa nɛɛ gãa zɔɔ kpalɛnang “Zang ɓɔɔ zang yaa ri naa tɔ”, ɓɔɔ ri ɓarɛ zang Yahudi nɛɛ gari Kiranɛ nɛɛ gari Alezandiriya, a ɓɔɔ nɛɛ tipi Silisiya nɛɛ tipi Asiya ri kasɛ ruu ɓiɓɛ kaa takpang. Zang keɓe ri gaayu nyaa laanang kaa nɛɛ wu.

Zang Shonang Yeesɔ 6:9 ပူးပေါင်းရင်းမြစ်များ

Matiyu 10:17

Nɔɔ gãng jĩng kagn, ka ruu ɓɔɔ, zang naa yi nɔɔ ditɔ, zang daa nɛɛ nɔɔ ka tĩng zang ɓɔɔ ri jɛ̃ɛ zang ruu ɓɛɛ, ri ti naa nyɔ nɔɔ nɛɛ gbãa ka gãa zɔɔ kpalɛnang ɓarɛ.

Matiyu 23:34

Ka ruu nɔngkɔ, n shong nɔɔ zang nyaa shonang Laa ditɔ, nɛɛ zang ɓɔɔ zũng katɔ nɛɛ zang ɓɔɔ tusu zang vuu ɓɛɛ. Nɔɔ naa nyɔkɔ ɓɔɔ ditɔ, nɔɔ ti ɓaarɛ ɓɔɔ naa ka laa. Nɔɔ ti naa nyɔkɔ ɓɔɔ nɛɛ gbãa ka gãa zɔɔ kpalɛnang manɛ. Nɔɔ ti naa hingki ɓɔɔ nɛɛ rɛɛ gari manɛ piti.

Matiyu 27:32

Ri nwang tɔ, ri daa kana ka gbalang, a ri naa ɓee yuu nɛɛ yɔɔ gari Kiranɛ ɓɔɔ zang ɓaa nɛɛ Siman. A ri yi wu nɛɛ gbãng gbãng ning, nɛɛ wu tuu laa ɓɔɔ zang daa ɓaa Yeesɔ naa kagn ɓɛɛ.

Maraku 13:9

Nɔɔ shing yuu manɛ tɔ̃ɔ tɔ̃ɔ, ka ruu ɓɔɔ, zang naa a nɔɔ zang ɓɔɔ ri jɛ̃ɛ ruu ditɔ ɓɛɛ. Zang naa nyɔ nɔɔ ditɔ ka gãa zɔɔ kpalɛnang zang Yahudi. Zang naa atɛ nɔɔ ditɔ ka tĩng rɛɛ gɔmna nɛɛ rɛɛ kpanti ka ruu mɛɛ, tɔ̀ɔ, nɔ́ɔ kɔɔ ri Ruu Laa kati.

Luka 21:12

Ɓɔɔ diki keɓe à gn kpang, zang yi nɔɔ zang ti dang nɔɔ jĩng. Zang a nɔɔ rɛɛ zang bang bang gãa zɔɔ kpalɛnang, ri jɛ̃ɛ nɔɔ ruu, ri loo nɔɔ ka sãa. Zang daa nɛɛ nɔɔ ka bii kpanti, nɛɛ bii gɔmna, ka ruu ɓɔɔ, nɔɔ ráng yee mɛɛ ɓɛɛ.

Zang Shonang Yeesɔ 11:20

A zang ɓɔɔ kagn teteng ɓarɛ zang Kuburu nɛɛ ɓɔɔ Kiranɛ, ri daa ka Antakiya ri daa kɔɔ zang ɓɔɔ ri zang Isirela kpang Ruu Tɔ̃ɔ Laa jong, ka yuu Kpanti Yeesɔ.

Zang Shonang Yeesɔ 13:1

Ka teteng zang ɓɔɔ ri dũng Laa ka Antakiya ɓɛɛ rɛɛ zang nyaa shonang Laa kagn nɛɛ rɛɛ maalang. Zang keɓe ɓi rɛɛ Baranaba, nɛɛ Simiyon ɓɔɔ zang ɓaa wu nɛɛ “Zang vĩiri” ɓɛɛ. Nɛɛ Lukiyu yɔɔ Kiranɛ, a ɓɔɔ Manaya ɓɔɔ báng ka yeti gãa gbete nɛɛ Hiridu ɓɛɛ, a ɓɔɔ Shaawulu.

Zang Shonang Yeesɔ 13:45

Ɓɔɔ rɛɛ zang Yahudi ri zi zang ɓɔɔ ri kpalɛ dɔɔli ri kaa sũnyaa gbãng gbãng. Ri laa nyaa vuu ɓɔɔ Bulu kɔɔrɔ ɓɛɛ ri ti dãlɛ wu.

Zang Shonang Yeesɔ 15:23

A zang shong ri nɛɛ labeenang keɓe tɔɔ, “Rukɔ zang shonang Yeesɔ, ruu nɛɛ rɛɛ zang bang bang, ɓɔɔ ruu manzung manɛ ɓɛɛ, ruu shong nyaa nɛɛ zang jèe ruu rɛɛ manzung ɓuru ɓɔɔ ri ɓarɛ zang Isirela kpang, a ri zi Laa ɓarɛ tɔ kati ɓɛɛ. Ɓɔɔ ri nwang ka Antakiya nɛɛ tipi Siriya nɛɛ Silisiya ɓɛɛ.

Zang Shonang Yeesɔ 15:41

Bulu daa ka Siriya nɛɛ Silisiya ri mã zang ɓɔɔ ri dũng Laa danggn.

Zang Shonang Yeesɔ 16:6

Suru Laa zãa ri Ruu Laa kɔɔnang ka tipi Asiya ka ruu nɔngkɔ, ri tɛ̀ɛrɛ̀ tipi Fijiya nɛɛ ɓɔɔ Galatiya.

Zang Shonang Yeesɔ 18:24

Ka diki kaɓa, yɔɔ Yahudi ɓɔɔ kagn zang ɓaa wu nɛɛ Apolo, zang yi wu ka gari Alezandiriya, a à kaa Afisa. Zunung yee rannang dɔɔli, a ti zi labeenang Laa gbãng gbãng.

Zang Shonang Yeesɔ 19:10

Pálɛ́ nɔngkɔ, saa ziti ka ruu nɔngkɔ, zang ɓɔɔ ri ka tipi Asiya ri tãa Ruu Laa, zang Yahudi nɛɛ zang ɓɔɔ ri zang Isirela kpang ɓɛɛ nandon.

Zang Shonang Yeesɔ 19:26

Nɔɔ zi tɔ nɛɛ jĩng manɛ, nɔɔ ti tãa vuu ɓɔɔ Bulu palɛ tɔ. Kɔɔyi nɛɛ vuu gãnti ɓɔɔ shɔnzang pálɛ̀ ɓi vuu ɓɔɔ kpang tingkiring. Zang dɔɔli ri ta ruu ɓiɓɛ tɔ ka Afisa keɓe nɛɛ tipi Asiya nandon.

Zang Shonang Yeesɔ 21:27

Diki manziti bìí yaa ka tɔkɔlɔng waa nyaa kaa tɔ, a zang Yahudi tipi Asiya, ri zi Bulu ka yeti Gãa Laa. Ri zàrɛ̀ zang ɓɔɔ ri kpalɛ ɓɛɛ nandon, a ri yi wu.

Zang Shonang Yeesɔ 21:39

A Bulu kasɛ wu nyaa tɔɔ, “N m zang Yahudi, zang yi m ka gari Taasu ka tipi Silisiya. Zang zi gari ɓuru tɔ dɔɔli. Yàa m gbalang jong n ràng zang kɔ ri kpalɛ ɓee yee.”

Zang Shonang Yeesɔ 22:19

N kɔɔ wu n tɔɔ, ‘Kpanti, ri zi naa ɓɔɔ n daarɛ ka gãa zɔɔ kpalɛnang n yiki zang, a n ti nyɔkɔ zang ɓɔɔ ri shing danggn ka bii ɓaaɓɛ ɓɛ̀ɛ́ tɔ.

Zang Shonang Yeesɔ 22:3

“N zang Yahudi. Zang yi m ka gari Taasu ka tipi Silisiya, n bang kaa Urushalima ka nihn. N bee laa ka bii Gamaliyel, zang tusu m nyaa dannang rɛɛ dabang ɓuru gbãng gbãng. N ti kasɛ nɛɛ n pàlɛ́ Laa shonang gbãng gbãng naa wee nɔɔ palɛ lɛɛkɔ ɓee.

Zang Shonang Yeesɔ 23:34

Gɔmna gã labeenang bìí, a hɛ̃ɛ Bulu nɛɛ wu zang tipi kiya? Zang kɔɔ wu nɛɛ wu yɔɔ tipi Silisiya.

Zang Shonang Yeesɔ 24:18

N palɛ vuu keɓe kɔ, a ri naa ĩi m ka yeti Gãa Laa, bɛ̀ɛ́ n hangsɛ vuu ɓɔɔ zang palɛ, tɔ̀ɔ, zang nwang zang tɔ̃ɔ ka tĩng Laa tɔkn ɓɛɛ tɔ. Bɛɛ zang kpalɛ ka bii mɛɛ kpang. Zang ti haa nyaa kpang.

Zang Shonang Yeesɔ 26:11

N shingnɛ zang dang ri jĩng ka rɛɛ gãa zɔɔ kpalɛnang diki diki. N pálɛ̀ ri nɔngkɔ nɛɛ tɔ̀ɔ, ri kɔɔ vuu shi kpang ka yuu danggn ɓɔɔ ri shing ka bii Laa ɓɛɛ kati. Yeti mɛɛ lasɛ nɛɛ ri gbãng gbãng, ka ruu nɔngkɔ, n dàarɛ́ ka rɛɛ gari ɓɔɔgn, n daa dang ri jĩng ka nɔngkɔ.

Zang Shonang Yeesɔ 6:10

Suru Laa á Istifanu zũnang dɔɔli naa ɓɔɔ nɛ́ɛ ràng yee, zang keɓe ri zunung ɓɔɔ ri kasɛ wu nyaa kpang ɓɛɛ.

1 Koranti 1:20

Nɛɛ nɔngkɔ, zang ɓɔɔ ri zũng katɔ ka koo keɓe, zũnang ɓarɛ kaa waati, zang ɓɔɔ ri tusu zang nyaa dannang zang Yahudi zũnang ɓarɛ ti waati, zang ɓɔɔ ri ti làá zang nyaa ka koo keɓe zũnang ɓarɛ doo waati kɔ. Laa tusu ruu tɔ nɛɛ zũnang zang koo keɓe, ɓi naa ɓɔɔ shoko waati.

Galati 1:21

Nɛɛ knti, n naa daarɛ ka nɔng ɓɔɔ ka tipi Siriya nɛɛ tipi Silisiya.