Zang Shonang Yeesɔ 6:14 - Nyaa Shɔɔ Ɓɔɔ Laa a Ɓɛɛ

¹⁴ Ruu ti tãayi kɔ̀ɔ́yi nɛɛ Yeesɔ yɔɔ gari Nazara keɓe, jili Gãa Laa keɓe ka tipi, wu ti kɔ̃sɔ vuu daa ɓɔɔ daa ɓuru ri tusu, ɓɔɔ Musa a ri ɓɛɛ.”

Zang Shonang Yeesɔ 6:14 ပူးပေါင်းရင်းမြစ်များ

Matiyu 26:61

Ri tɔɔ, “Yɔɔ keɓe kɔɔyi tɔɔ, wu zunung ɓɔɔ wu jili Gãa Laa ka tipi, wu mãa ɓɔɔgn ka diki taati katɔ.”

Maraku 14:58

“Ruu tãayi, kɔɔyi tɔɔ, ‘N jili Gãa Laa kɔ zang mãa nɛɛ naa ɓɛɛ ditɔ, n mãa ɓɔɔgn ɓɔɔ zang mãa nɛɛ naa kpang, ka yeti diki taati.’ ”

Luka 21:24

Zang nyɔkɔ ɓɔɔ vɔrɔ nɛɛ yere bang. Zang ti yiki ɓɔɔ ka nyaa sĩiri, zang daa nɛɛ ri, ka koo piti piti. Zang ɓɔɔ ri zi Laa kpang, ri naa jili gari Urushalima. Ri nwang nɔngkɔ sasak, diki ɓɔɔ Laa ka ri, waa nyaa nɛɛ mani.

Luka 21:6

A Yeesɔ kɔɔ ri tɔɔ, “Gãa Laa kɔ nɔɔ zi, nɛɛ vuu kɔ zang gbarɛ bii ɓiɓɛ nɛɛ mani ɓee, diki a ditɔ ɓɔɔ zang naa jili Gãa keɓe, zang yaa tari gbete ɓɔɔ pã́ng ka yuu zɔɔ kpang ɓɛɛ.”

Yɔhana 2:19

Yeesɔ kasɛ ri nyaa tɔɔ, “Nɔɔ jili Gãa Laa keɓe ta, n wisi paa tɔkn n hangsɛ nyaa ka diki taati.”

Yɔhana 4:21

Yeesɔ kɔɔ wu tɔɔ “Jaa soro, n kɔɔ mɔɔ ruu ɓɔɔ niizang, diki a kana, ɓɔɔ nɔɔ bang Daa ka nihn kpang, nɔɔ, ti bang wu ka Urushalima kpang ɓɛɛ.

Zang Shonang Yeesɔ 15:1

Zang ɓɔɔgn, ri a nɛɛ tipi Yahudi ka Antakiya, a ri tusu zang ɓɔɔ ri shing danggn tɔ nɛɛ, “Nɔɔ nɛɛ yee shaa naa ɓɔɔ Musa dang nyaa ɓɛɛ kpang, Laa ta yuu manɛ kpang.”

Zang Shonang Yeesɔ 21:21

Ri ti tãa nyaa nɛɛ mɔɔ tusu zang Yahudi ɓɔɔ ri nwang ka teteng zang ɓɔɔ ri zang Isirela kpang ɓɛɛ, nɛɛ ri dũ̀ng nyaa ɓɔɔ Musa dang ɓɛɛ takpang. Mɔɔ nɛɛ ri yee wujɛ ɓarɛ shaa kpang, nɛɛ ri dũ̀ng vuu ɓɔɔ dabang ɓuru ri kpɛ̃ɛrɛ ruu kpang.

Zang Shonang Yeesɔ 25:8

Bulu ta yuu ɓiɓɛ, a kɔɔyi tɔɔ, “N palɛ vuu shi kpang ɓɔɔ kagn ɓɔɔ ta nyaa dannang zang Yahudi kpang, wu ti ɓɔɔ lasɛ Gãa Laa kpang, n pàlɛ̀ wu kpanti Rooma vuu shi kpang, kpang.”

Zang Shonang Yeesɔ 26:3

Ti nɔngkɔ, ka ruu ɓɔɔ, mɔɔ nɛɛ yuu ɓaaɓɛ mɔɔ zi gbalang zang Yahudi nɛɛ vuu ɓɔɔ ri tusu tɔ nandon ɓɛɛ. Ka ruu nɔngkɔ, n gaa mɔɔ mɔ́ɔ mã danggn, mɔɔ ɓaa shoo ka ruu mɛɛ waasɛ̃.

Zang Shonang Yeesɔ 28:17

Diki ɓuru daa tɔ taati, a Bulu kpalɛ rɛɛ zang bang bang zang Yahudi ɓɔɔ ri ka gari ɓɛɛ. Ri kpalɛ zɔɔ, a kɔɔ ri tɔɔ, “Rɛɛ manzung, n pálɛ̀ rɛɛ zang ɓuru vuu ɓɔɔ kagn kpang. N ti shii bàng nɛɛ gbalang ɓɔɔ rɛɛ dabang ɓuru tusu ruu kpang. Zang mã m ka sãa ka Urushalima, a zang tuu m zang a zang Rooma.

Galati 3:19

Zang dang nyaa ɓu ka ruu viya? Nɛɛ zang zi vuu ɓɔɔ zang ɓaa nɛɛ vuu shi kpang palɛnang kati. Zɔ̃ng Ibirayi keɓe, ɓɔɔ Laa a nyaa ka yuu ɓiɓɛ nɛɛ a tɔ, nyaa dannang ti di nyaa ɓi kaa tɔ. Zang nyaa shonang Laa ɓɔɔ ka lapa ɓɛɛ rikɔ atɛ nyaa dannang keɓe, a á shɔnzang gbete ɓɔɔ nwang ɓi kaa naa zang ɓɔɔ shii ka teteng Laa nɛɛ zang piti ɓɛɛ.

Galati 3:23

Ka ruu ɓɔɔ, bɛ̀ɛ́ làá danggn shinnang a gn kpang, nyaa dannang mã ruu ɓuru nandon ka sãa, tɔ̀ɔ, danggn shinnang wu naa nwangsɛ bii nɛɛ mani.