Zang Shonang Yeesɔ 6:12 - Nyaa Shɔɔ Ɓɔɔ Laa a Ɓɛɛ

¹² Ɓɔɔ ri tãa ruu keɓe naa weɓe, yeti zang nɛɛ ɓɔɔ zang bang bang zang Yahudi, nɛɛ zang ɓɔɔ ri tusu zang labeenang Laa ɓɛɛ, lasɛ dɔɔli. Ri arɛ, ri naa yi Istifanu ri daa nɛɛ wu ka bii zang ɓɔɔ ri jɛ̃ɛ zang ruu ɓɛɛ.

Zang Shonang Yeesɔ 6:12 ပူးပေါင်းရင်းမြစ်များ

Matiyu 26:57

A zang ɓɔɔ ri yi Yeesɔ ri daa kaa nɛɛ wu ka bii Kayifa, kpanti zang ɓɔɔ ri dɔɔ vuu ka Gãa Laa ɓɛɛ. Zang ɓɔɔ ri tusu zang vuu nɛɛ zang bang bang zang Yahudi ri kpalɛ zɔɔ tɔ ka nɔngkɔ.

Matiyu 5:22

A kãntang keɓe, n kɔɔ nɔɔ, naa shɔnzang ɓɔɔ tuu gnvɔ nɛɛ ɓeezung, zang naa jɛ̃ɛ wu ruu katɔ. Naa shɔnzang ɓɔɔ ti kɔɔ ɓeezung nɛɛ ‘Rang waati keɓe.’ Zang daa nɛɛ wu ka dabang kpanti. Naa zang ɓɔɔ ti ɓaa ɓeezung nɛɛ ‘Shoko.’ Zang tasɛ wu ka waa.

Luka 20:1

Diki ɓɔɔgn Yeesɔ tusu zang vuu, a ti kɔɔ zang Ruu Tɔ̃ɔ Laa ka Gãa Laa, a rɛɛ zang bang bang zang ɓɔɔ ri dɔɔ vuu ka Gãa Laa, nɛɛ rɛɛ zang ɓɔɔ ri zi labeenang Laa dɔɔli ɓɛɛ, nɛɛ rɛɛ zang bang bang, ri a ka bii ɓiɓɛ.

Zang Shonang Yeesɔ 13:50

Rɛɛ zang Yahudi ri dɔ̃lɔ rɛɛ zang soro ɓɔɔ ri bang Laa ɓɛɛ, ɓɔɔ zang a ri bannang katɔ ɓɛɛ, nɛɛ rɛɛ zang bang gari kaɓa. Ri shing zang nɛɛ zang ri dang rɛɛ Bulu nɛɛ Baranaba jĩng. Ri hing ri nɛɛ tipi kaɓa.

Zang Shonang Yeesɔ 14:2

Rɛɛ Yahudi ɓɔɔ ri bɛ̃ɛ danggn shinnang katɔ, ri dɔ̃lɔ rɛɛ zang ɓɔɔ ri zang Isirela kpang, a ri lasɛ zɔɔ nɛɛ rɛɛ zang ɓɔɔ ri shing danggn tɔ ɓɛɛ.

Zang Shonang Yeesɔ 17:13

Zang Yahudi ɓɔɔ ka Tesalonika ri tãa nyaa nɛɛ Bulu nɛɛ Siila ri kɔɔ zang ruu tɔ jong ka Beriya, a ri daayi ri daa zàrɛ̀ zang nɛɛ zang ri haa nyaa.

Zang Shonang Yeesɔ 18:12

Ka ɓɔɔ zang Rooma naa yi Gaaliyo gɔmna tipi Akaya, zang Yahudi ri kpalɛ zɔɔ, a ri yi Bulu ri daa nɛɛ wu ka nɔng ɓɔɔ zang jɛ̃ɛ zang ruu kagn ɓɛɛ.

Zang Shonang Yeesɔ 21:27

Diki manziti bìí yaa ka tɔkɔlɔng waa nyaa kaa tɔ, a zang Yahudi tipi Asiya, ri zi Bulu ka yeti Gãa Laa. Ri zàrɛ̀ zang ɓɔɔ ri kpalɛ ɓɛɛ nandon, a ri yi wu.

Zang Shonang Yeesɔ 5:18

Ri yiki rɛɛ zang shonang Yeesɔ, ri loo ri ka sãa.

Zang Shonang Yeesɔ 5:27

Zang atɛ zang shonang Yeesɔ ka tĩng rɛɛ zang ɓɔɔ ri jɛ̃ɛ zang ruu ɓɛɛ, ri shi ka tĩng ɓarɛ ka nɔngkɔ. A kpanti zang ɓɔɔ ri dɔɔ vuu ka Gãa Laa rang ri yee tɔɔ,

Zang Shonang Yeesɔ 6:11

Ka ruu nɔngkɔ, ri dɔ̃̀lɔ̀ zang ɓɔɔ nyaa nɛɛ nwĩiri nɛɛ ri kɔɔyi nɛɛ, “Ruu tãayi kɔɔrɔ ruu shi kpang ka yuu Laa, a ti dãlɛ Musa.”