Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Zang Shonang Yeesɔ 6:1 - Nyaa Shɔɔ Ɓɔɔ Laa a Ɓɛɛ

1 Ka diki kaɓa, zang ɓɔɔ ri shing danggn ka bii Laa ri shang kana dɔɔli, rɛɛ zang Yahudi ɓɔɔ ri ráng nyaa Heleni ri gɔ̃ɔrɔ yee ka yuu rɛɛ zang Yahudi ka ruu ɓɔɔ, zang nɛ́ɛ bàsɛ́ vuu shaanang diki diki, zang yee laa ka rɛɛ suvɔ ɓarɛ kpang ɓɛɛ.

အခန်းကိုကြည့်ပါ။ ကော်ပီ




Zang Shonang Yeesɔ 6:1
38 ပူးပေါင်းရင်းမြစ်များ  

“Vuu gn kɔnang kagn yuu manɛ zang ɓɔɔ tusu zang vuu nɛɛ zang Farisi, nɔɔ ɓɔɔ nɔɔ nwãarɛ zang nɛɛ vuu palɛnang ɓɛɛ. Ka ruu ɓɔɔ nɔɔ nɔ̀ɔ́ zang gbalang ɓɔɔ zang zi kagn nɛɛ Laa wukɔ Kpanti ɓɛɛ. Nɔɔ ta wu kpang, a nɔɔ ti yàa zang ɓɔɔ ri kasɛ wu tanang katɔ gbalang kpang ɓɛɛ.


A zang ɓɔɔ kagn teteng ɓarɛ zang Kuburu nɛɛ ɓɔɔ Kiranɛ, ri daa ka Antakiya ri daa kɔɔ zang ɓɔɔ ri zang Isirela kpang Ruu Tɔ̃ɔ Laa jong, ka yuu Kpanti Yeesɔ.


Daa ĩi wu, a atɛ wu ka Antakiya. Ri ziti ri nwalɛ nɛɛ zang, ɓɔɔ ri dũng Laa, a ri ti tusu zang dɔɔli vuu, saa gbete. Zang gaayu zang ɓɔɔ ri dũng Laa ɓaanang ka Antakiya kɔ nɛɛ Kirista.


Rɛɛ zang ɓɔɔ ri dũng Laa ri mang ka yeti ɓarɛ nɛɛ rí kpalɛ vuu naa ɓɔɔ zang ɓu walɛ katɔ ɓɛɛ, ri yi rɛɛ manzung ɓuru ɓɔɔ ri dũng doo Laa kɔ doori ka tipi Yahudi ɓɛɛ naa ka bii.


Zang dɔɔli ri ta ruu ɓiɓɛ, a zang palɛ ri batizima. Ka diki kaɓa, zang ɓɔɔ gisi ka yuu zang ɓɔɔ ri shing danggn tɔ ka bii Laa ɓɛɛ ri daa nung zang labang taati katɔ.


Ri mãlɛ́ vuu ɓarɛ ri bàsɛ̀ saka nɛɛ zɔɔ. Ri a zang ɓu naa ɓɔɔ daa wu katɔ ɓɛɛ.


Ri dɔɔ Laa, a zang piti ti rang yee tɔ̃ɔ ka yuu ɓarɛ, Laa ti gìsí ri zang ɓɔɔ wu ta yuu ɓarɛ tɔ ka zɔɔ diki diki.


Ri naa atɛ ka tĩng rɛɛ zang shonang Yeesɔ. Zang basɛ, zang a zang ɓu naa ɓɔɔ daa wu katɔ ɓɛɛ.


Zang dɔɔli ka teteng zang ɓɔɔ ri tãa ruu ɓɔɔ Bituru nɛɛ Yɔhana ri kɔɔyi, ri shing danggn. Zang varɛ ɓɔɔ ri shing danggn tɔ, ri daa kaa nung labang maani.


Zang ɓɔɔ ri shing danggn ka bii Laa, ri shangnɛ diki diki. Ri shang dɔɔli zang varɛ nɛɛ zang soro nandon.


“Ruu dàng nɔɔ nyaa gbãng gbãng nɛɛ nɔɔ tusu zang vuu tɔ̀ɔ́ nɛɛ nung yɔɔ keɓe kpang. Nɔɔ zi vuu ɓɔɔ nɔɔ palɛ ɓɛɛ ta, nɔɔ baa gari Urushalima tɔ nɛɛ vuu ɓɔɔ nɔɔ tusu ɓɛɛ. Nɔɔ kasɛ nɛɛ zang zirɛ nɛɛ rukɔ nyɔ wu vɔrɔ.”


A rɛɛ zang shonang Yeesɔ kopi tu ziti keɓe, ri ɓaa nyaa ka rɛɛ zang ɓɔɔ ri mantɛ vuu ka bii ɓarɛ nandon, a ri kɔɔyi tɔɔ, “Daa naa ɓɔɔ ruu yaa Ruu Laa rangkɛnang nɛɛ ruu basɛ vuu shaanang kpàng.


Ruu Laa ti bàá nɔng ɓi kana. Zang ɓɔɔ ri mantɛ vuu, ri ti shang kana diki diki ka Urushalima. Zang ɓɔɔ ri dɔɔ vuu ka Gãa Laa ɓɔɔ ri shing danggn ka bìí Laa ri shang kana jong diki diki.


Ti rang yee, a ri làa zɔɔ nyaa nɛɛ rɛɛ zang Yahudi ɓɔɔ ri ráng ɓarɛ nyaa Heleni ɓɛɛ. A zang Yahudi keɓe, ri kãa gbalang ɓɔɔ naa ri nyɔ wu vɔrɔ ɓɛɛ.


A Bituru kpalɛ bii a daa kaa nɛɛ rɛɛ zang ɓɔɔ zang shong ri ɓɛɛ. Daa shɛ̃ɛ nɔng tɔ, a zang vang nɛɛ wu ka gãa lapa. Rɛɛ suvɔ ri kpalɛ zɔɔ ka bii ɓiɓɛ nandon ri kaa nyavɔ. Ri ti tusu wu rɛɛ fɔ̃ɔrɔ ɓɔɔ Dorika haarɛ bɛ̀ɛ́ wu doo ningkãari ɓɛɛ.


Bituru yì wu naa ka bii, a shii kaa nɛɛ doo. Bituru, ɓaa nyaa kaa rɛɛ zang ɓɔɔ ri dũng Laa, nɛɛ rɛɛ suvɔ a á ri Tabita kaa ningkãari.


Nɛɛ tɔɔ, ruu palɛ zɔɔ shonang, ruu palɛ shonang. Zang ɓɔɔ nɛɛ tusu zang vuu, ka vuu ɓɔɔ wu tusu ɓɛɛ.


Zang ɓɔɔ ka teteng ɓarɛ, ri gɔ̃ɔrɔ yee, a zang nyaa shonang Laa ɓɔɔ ka lapa ɓɔɔ wukɔ nyɔkɔ zang vɔrɔ, arɛ naa nyɔ̀kɔ̀ ri vɔrɔ. Ruu gɔ̃ɔrɔ yee naa ɓɔɔ ri palɛ ɓɛɛ kpang.


Ri zang Yahudi ya? N m dòo nɔngkɔ. Ri zang Isirela ya? N m dòo nɔngkɔ. Ri zang zɔ̃ng Ibirayi ya? N m dòo nɔngkɔ.


Zang yee m shaa, bɛ̀ɛ́ zang yi m tɔ diki mɛɛ daa mantaati. N zang Isirela kirik. N zang zɔ̃ng Biliyaminu. N ti zang Yahudi kɔ nandon. Ka gbalang nyaa ɓɔɔ zang Yahudi ri dang ɓɛɛ, bɛ̀ɛ́ n ka vaa rɛɛ Farisi.


Seng rɛɛ suvɔ ɓɔɔ zang ɓɔɔ yǐ ri naa ka bii kpang tingkiring ɓɛɛ.


Suvɔ ɓɔɔ sáa ɓiɓɛ nɛɛ ɓa laa taati gn kpang nɛɛ ti gee varɛ dòo dóo gbete kɔ nwani kpang, mɔɔ bèe nung ɓiɓɛ ka yeti labeenang ɓɔɔ mɔɔ bée nung rɛɛ suvɔ kpang.


Nɔɔ yi tĩng nɛɛ zɔɔ kasɛnang, wee nɔɔ manzung zɔɔ ka gbalang Laa dũnnang ɓee.


Laa dũnnang ɓɔɔ Daa ɓuru Laa zirɛ nɛɛ wukɔ kalang kalang, a ti tɔ̃ɔ ka jĩng ɓiɓɛ keɓe, nɛɛ zang lengke jĩng ka rɛɛ javɔ, nɛɛ rɛɛ suvɔ ɓɔɔ ri dang jĩng ɓɛɛ. Zang wu lee naa ka vuu shi kpang ɓɔɔ ka koo keɓe kpang.


Nɔɔ kɔɔ ɓu nɛɛ, Labeenang Laa kɔ̀ɔ waati nɛɛ, “Suru bii ɓɔɔ Laa shingnɛ nɛɛ wu nwang ka yeti ɓuru, kaa sũnyaa dɔɔli” ya?


Manzung nɔ́ɔ gɔ̃ɔrɔ yee ka yuu zɔɔ kpang, ka ruu ɓɔɔ zang nɛɛ jɛ̃ɛ nɔɔ ruu ɓɛɛ. Zang ɓɔɔ naa jɛ̃ɛ ruu rúu, kɔ shii tɔ ka nyaa gãa ɓee.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ