Zang Shonang Yeesɔ 5:40 - Nyaa Shɔɔ Ɓɔɔ Laa a Ɓɛɛ

⁴⁰ Zang ɓɔɔ ri jɛ̃ɛ zang ruu, ri ɓaa shoo ka nyaa Gamaliyel. Ri ɓaa rɛɛ zang shonang Yeesɔ nyaa tɔkn ka yeti gãa. Ri kɔɔ zang nɛɛ zang nyɔ zang shonang Yeesɔ keɓe nɛɛ gbãa. A zang dang ri nyaa, nɛɛ ri rang zang yee tɔ̀ɔ́ nɛɛ nung Yeesɔ kpang. A zang yaa ri, ri daayi.

Zang Shonang Yeesɔ 5:40 ပူးပေါင်းရင်းမြစ်များ

Matiyu 10:17

Nɔɔ gãng jĩng kagn, ka ruu ɓɔɔ, zang naa yi nɔɔ ditɔ, zang daa nɛɛ nɔɔ ka tĩng zang ɓɔɔ ri jɛ̃ɛ zang ruu ɓɛɛ, ri ti naa nyɔ nɔɔ nɛɛ gbãa ka gãa zɔɔ kpalɛnang ɓarɛ.

Matiyu 20:19

Tɔ̀ɔ, ri naa tuu m, ri a zang ɓɔɔ ri dũng Laa kpang, nɛɛ tɔ̀ɔ ri kpaa m, ri nyɔ m nɛɛ gbãa, tɔ̀ɔ ri daa ɓaa m naa ka laa. A Kpanti Laa naa wisi m paa ka lee ɓɔɔ diki daa taati ɓɛɛ.”

Matiyu 23:34

Ka ruu nɔngkɔ, n shong nɔɔ zang nyaa shonang Laa ditɔ, nɛɛ zang ɓɔɔ zũng katɔ nɛɛ zang ɓɔɔ tusu zang vuu ɓɛɛ. Nɔɔ naa nyɔkɔ ɓɔɔ ditɔ, nɔɔ ti ɓaarɛ ɓɔɔ naa ka laa. Nɔɔ ti naa nyɔkɔ ɓɔɔ nɛɛ gbãa ka gãa zɔɔ kpalɛnang manɛ. Nɔɔ ti naa hingki ɓɔɔ nɛɛ rɛɛ gari manɛ piti.

Maraku 13:9

Nɔɔ shing yuu manɛ tɔ̃ɔ tɔ̃ɔ, ka ruu ɓɔɔ, zang naa a nɔɔ zang ɓɔɔ ri jɛ̃ɛ ruu ditɔ ɓɛɛ. Zang naa nyɔ nɔɔ ditɔ ka gãa zɔɔ kpalɛnang zang Yahudi. Zang naa atɛ nɔɔ ditɔ ka tĩng rɛɛ gɔmna nɛɛ rɛɛ kpanti ka ruu mɛɛ, tɔ̀ɔ, nɔ́ɔ kɔɔ ri Ruu Laa kati.

Luka 20:10

Ka ɓɔɔ làá jaa inabi hãnang arɛ, shong zang shonang ɓiɓɛ ka bii zang ɓɔɔ ri lang wu jaa ɓɛɛ, nɛɛ zang shonang wu daa ta wu jaa inabi ka naa ɓarɛ. Zang ɓɔɔ ri lang wu jaa, ri nyɔ zang shonang keɓe zɛ̃ɛzɛ̃ɛ, ri sɔɔrɔ wu naa waati.

Zang Shonang Yeesɔ 5:28

“Ruu dàng nɔɔ nyaa gbãng gbãng nɛɛ nɔɔ tusu zang vuu tɔ̀ɔ́ nɛɛ nung yɔɔ keɓe kpang. Nɔɔ zi vuu ɓɔɔ nɔɔ palɛ ɓɛɛ ta, nɔɔ baa gari Urushalima tɔ nɛɛ vuu ɓɔɔ nɔɔ tusu ɓɛɛ. Nɔɔ kasɛ nɛɛ zang zirɛ nɛɛ rukɔ nyɔ wu vɔrɔ.”

2 Koranti 11:24

Zang Yahudi ri nyɔ m tɔ nɛɛ gbãa, naa bmati tu kopi tu mandɛ̃ɛti, doo maani.