Zang Shonang Yeesɔ 5:36 - Nyaa Shɔɔ Ɓɔɔ Laa a Ɓɛɛ

³⁶ Diki ɓɔ̀ɔ́gn yɔɔ ɓɔɔ zang ɓaa wu nɛɛ Tuuda nwang nyaa, kɔɔrɔ zang nɛɛ wu ɓi zang bang. Zang ɓɔɔ ri dũng wu, ri daa nung laa maani dakn dɛ̃ɛti katɔ. Zang naa nyɔ wu vɔrɔ a zang tantɛ zang ɓɔɔ ri dũng wu ɓɛɛ, a ri shaarɛ.

Zang Shonang Yeesɔ 5:36 ပူးပေါင်းရင်းမြစ်များ

Matiyu 24:24

Ka ruu ɓɔɔ, zang ɓɔɔ ri ɓaa yuu ɓarɛ nɛɛ Kirisi, nɛɛ zang ɓɔɔ ri suu sèé nɛɛ ri zang nyaa shonang Laa naa alɛ ditɔ, ri tusu vuu bang bang ɓɔɔ zang zirɛ, zang mã naa ka danggn, nɛɛ tɔɔ ri nwãarɛ zang kati. Naa ri zunung zang ɓɔɔ Laa shɛ̃ɛrɛ ri nwãarɛnang katɔ, ri nɛɛ nwáarɛ̀ ri katɔ.

Matiyu 24:26

“Ka ruu nɔngkɔ, zang nɛɛ naa kɔɔ nɔɔ nɛɛ, Kirisi ka jĩngti, nɔɔ daa kpang. Ri nɛɛ ti kɔɔyi nɛɛ, wee ka yeti jaka tĩng ɓee, nɔɔ yee láa kagn kpang,

Matiyu 24:5

Ka ruu ɓɔɔ, zang dɔɔli naa a nɛɛ nung mɛɛ, nɛɛ rikɔ Kirisi ɓɛɛ. Ri naa nwãarɛ zang dɔɔli.

Zang Shonang Yeesɔ 21:38

“Wu mɔkɔ yɔɔ tipi Masara ɓɔɔ sɔɔ zang tĩng zang haa nyaa ka nihn, a mɔɔ see zang ɓɔɔ ri haa nyaa labang dɛ̃ɛti mɔɔ daa nɛɛ ri ka jĩngti kpang ya?”

Zang Shonang Yeesɔ 5:35

A rang rɛɛ zang ɓɔɔ ri jɛ̃ɛ zang ruu ɓɔɔ nimbang yee tɔɔ, “Ɓɔɔ nɔɔ zang Isirela ɓɛɛ, nɔɔ palɛ waasɛ̃, nɛɛ vuu kɔ nɔɔ mangnɛ, nɛɛ nɔɔ palɛ rɛɛ zang keɓe ɓee.

Zang Shonang Yeesɔ 8:9

Yɔɔ ɓɔɔ kagn ka gari kaɓa, zang ɓaa wu nɛɛ Siman. Bɛ̀ɛ́ hɛ̃ɛ paa. Palɛ vuu ɓɔɔ zang zirɛ zang mã naa ka danggn dɔɔli, a kɔɔrɔ zang nɛɛ wu ɓi zang bang.

Galati 2:6

A zang ɓɔɔ zang tɔɔ ri ɓarɛ zang bang ɓɛɛ (ruu mɛɛ hãa kagn nɛɛ naa ɓɔɔ ɓeleng ri nwang ka tĩng ɓɛɛ kpang. Laa palɛ vuu ɓi jong gn dang gbete kpang). Rɛɛ zang bang kaɓa ri kɔ̀ɔ m vuu ɓɔɔ kagn shɔɔ kpang.

Galati 6:3

Naa zang ɓɔɔ tuu yuu ɓiɓɛ nɛɛ wu vuu ɓɔɔ, a ɓeekpang wu ɓi vuu ɓɔɔ kpang, zang keɓe nwãarɛ ɓi yuu ɓiɓɛ.

2 Bituru 2:18

Ri rangkɛ yee bang bang ɓɔɔ waati ka yuu ɓarɛ. Ri ti kasɛ ri nwãarɛ zang ɓɔɔ ri kasɛ nɛɛ ri yaa vàá zang ɓɔɔ ri zi gbalang Laa kpang ɓɛɛ. Maalang ɓɔɔ ri tusu zang vuu sèé keɓe, ri kasɛ nɛɛ ri shing zang, zang ri palɛ zɔ̃ng dũndũng piti nɛɛ vuu shi kpang, shi kpang ɓɔɔ ri tãa tĩnang palɛnang doo katɔ kɔ ɓɛɛ.

2 Bituru 2:2

Zang dɔɔli ri naa palɛ dũndũng ɓɔɔ maalang keɓe ri palɛ ɓɛɛ. Tɔ̀ɔ, ri shing zang kati zang ri rang ruu shi kpang ka yuu gbalang Laa ɓɔɔ niizang ɓɛɛ.

Yahuza 1:16

Zang keɓe ri gɔ̃ɔrɔ ɓarɛ yee diki diki, a ri kɔɔyi nɛɛ zang ɓɔɔ kɔ, wu palɛ vuu. Ri dũng ɓarɛ vuu shi kpang ɓɔɔ yeti ɓarɛ kasɛ ɓɛɛ. Ri rangkɛ yee bang bang ka yuu ɓarɛ, ri nyɔ zang nɛɛ nyaa nɛɛ tɔ̀ɔ, ri walɛ vuu.

Vuu ɓɔɔ zang nwangsɛ Yɔhana 17:3

A Suru Laa a kaa bii mɛɛ, a zang nyaa shonang Laa ɓɔɔ ka lapa ɓɛɛ kaɓa, tuu m daa nɛɛ n ka jĩngti. A n zi jaa soro ka nɔng, nwáng kaa yɔpɔ jĩngti ɓɔɔ ta bii nwɛ̃ɛri ɓɛɛ. Yɔpɔ bìí zang beere nung shi kpang ɓɔɔ zang dãlɛ Laa nɛɛ mani ka bii ɓiɓɛ nandon. Yɔpɔ bìí yuu ɓiɓɛ manziti, a takɛ jee kagn kopi.

Vuu ɓɔɔ zang nwangsɛ Yɔhana 17:5

Ka nyaating jaa soro bìí, zang bèe nung ɓɔɔ kagn, zang waasɛ vuu ɓɔɔ nung bìí kɔɔ ɓɛɛ katɔ. Zang bee nɛɛ, “Gari Babila ɓɔɔ bang dɔɔli ɓɛɛ, mɔɔ nwang nàá rɛɛ zang ɓɔɔ rakɛ wàázaa, nɛɛ ɓɔɔ vuu gn bàanang ɓɔɔ ka koo keɓe nandon ɓɛɛ.”