Zang Shonang Yeesɔ 5:33 - Nyaa Shɔɔ Ɓɔɔ Laa a Ɓɛɛ

³³ Ɓɔɔ rɛɛ zang ɓɔɔ ri jɛ̃ɛ zang ruu, ri tãa ruu keɓe gnvɔ shaa ri dɔɔli, ri kasɛ nɛɛ ri nyɔ rɛɛ zang shonang Yeesɔ keɓe kaa vɔrɔ.

Zang Shonang Yeesɔ 5:33 ပူးပေါင်းရင်းမြစ်များ

Matiyu 1:19

Ɓeevɛ Yusufu ɓi zang tɔ̃ɔ, zi tɔ nɛɛ wu gee Marayamu takpang. Kasɛ nɛɛ wu palɛ wu vuu yusɛ̃ɛ kpang, ka ruu nɔngkɔ, nɛɛ wu bɛ̃ɛ wu kaa nɛɛ nwĩiri.

Matiyu 10:21

“Shɔnzang ti naa a zang ɓeezung ditɔ, zang nyɔ vɔrɔ. Daa jaa ti naa a zang jaa ɓiɓɛ ditɔ zang nyɔ vɔrɔ. Wujɛ ri ti naa shíi varɛ ditɔ nɛɛ daa ɓarɛ, ri ti a zang daa ɓarɛ, zang nyɔ vɔrɔ.

Matiyu 10:25

A zang ɓɔɔ mantɛ vuu ka bii zang, nɛ̀ɛ́ nwàng naa zang ɓɔɔ tusu wu vuu, wukɔ tɔ̃ɔ. Zang shonang nɛɛ ti nwáng tɔ naa dabang gãa ɓiɓɛ wukɔ tɔ̃ɔ. Naa zang ɓàa zang bang gãa nɛɛ Bahazabu, kpanti suru shi kpang, zang naa ɓáa zang ɓɔɔ ka gãa ɓiɓɛ ɓi ka biya? (Ɓɔ̀ɔ́ ɓarɛ naa ɓá ɓɔɔ ɓiɓɛ ɓi katɔ.)

Matiyu 24:9

“Zang ti naa yiki nɔɔ ditɔ, zang a zang ɓɔɔ ri dang nɔɔ jĩng, tɔɔ ri nyɔ nɔɔ vɔrɔ kati. Zang koo keɓe piti naa bɛ̃ɛ nɔɔ ditɔ ka ruu nung mɛɛ.

Luka 20:19

Zang ɓɔɔ ri zi labeenang Laa dɔɔli, nɛɛ zang bang bang zang ɓɔɔ ri dɔɔ vuu ka Gãa Laa ɓɔɔ ri tãa ruu keɓe, nɛɛ ri yi Yeesɔ kaa tɔ tantɛnang, ka ruu ɓɔɔ, ri zi tɔ nɛɛ Yeesɔ kɔɔ ruu keɓe ka yuu ɓarɛ kɔ ɓɛɛ. Ri yi wu kaa takpang, ka ruu ɓɔɔ, ri kaa vɔrɔ zang ɓɔɔ ka nɔng ɓɛɛ.

Luka 6:11

Gnvɔ shaa rɛɛ Farisi nɛɛ zang ɓɔɔ ri tusu zang vuu, ri daa hɛ̃ɛlɛ zɔɔ naa vuu ɓɔɔ ri palɛ Yeesɔ ɓɛɛ.

Yɔhana 15:20

Danggn wu ning nɔɔ vuu ɓɔɔ n kɔɔ nɔɔ ɓee kpang. N kɔɔ nɔɔ nɛɛ, ‘Zang shonang ɓɔɔ ɓa dabang gãa ɓiɓɛ katɔ ɓi kagn kpang.’ Zang ɓɔɔ ri dang m jĩng, ri naa dang nɔɔ jĩng doo katɔ kɔ. Ri nɛɛ ɓaa shoo ka vuu ɓɔɔ n tùsù ri, ri naa ɓaa shoo katɔ ka ɓɔɔ manɛ kɔ doori.

Yɔhana 16:2

Zang naa nwangsɛ nɔɔ ditɔ kaa gãa zɔɔ kpalɛnang. Diki a kana, ɓɔɔ zang ɓɔɔ nɛɛ nyɔ nɔɔ vɔrɔ, kɔ̀ɔ́ ɓi nɛɛ wu palɛ vuu ɓɔɔ Laa kasɛ ɓɛɛ.

Zang Shonang Yeesɔ 2:37

Ɓɔɔ zang ri tãa ruu keɓe, kpãa ri ka yeti dɔɔli, a ri hɛ̃ɛ Bituru nɛɛ rɛɛ zang shonang ɓɔɔ nimbang tɔɔ, “Rɛɛ manzung, rúu palɛ ɓu kaa viya?”

Zang Shonang Yeesɔ 22:22

Zang ɓɔɔ ri kpalɛ zɔɔ ri ɓàa Bulu shoo sasak, ɓɔɔ naa kɔɔ ruu keɓe, ri mɛɛ nyaa ka lapa nabm tɔɔ, “Nɔɔ dita nɛɛ wu, nɔɔ daa nyɔ wu vɔrɔ. Daa naa ɓɔɔ zɔ̃ng zang ɓɔɔ naa weɓe nwang ningkãari kpàng.”

Zang Shonang Yeesɔ 7:54

Ɓɔɔ zang ɓɔɔ ri jɛ̃ɛ zang ruu, ri tãa vuu ɓɔɔ Istifanu kɔɔ ɓɛɛ, gnvɔ shaa ri, ri shaa tãri.

Zang Shonang Yeesɔ 9:23

Diki naa bee tɔ, a rɛɛ zang Yahudi ri tɔ̀ng zɔɔ ri kãa gbalang ɓɔɔ naa ri nyɔ Shaawulu vɔrɔ ɓɛɛ.