Zang Shonang Yeesɔ 5:14 - Nyaa Shɔɔ Ɓɔɔ Laa a Ɓɛɛ

¹⁴ Zang ɓɔɔ ri shing danggn ka bii Laa, ri shangnɛ diki diki. Ri shang dɔɔli zang varɛ nɛɛ zang soro nandon.

Zang Shonang Yeesɔ 5:14 ပူးပေါင်းရင်းမြစ်များ

Zang Shonang Yeesɔ 11:24

Baranaba ɓi zang tɔ̃ɔ, Suru Laa kagn bii ɓiɓɛ, ti shing danggn ka bìí Laa dɔɔli, ka ruu nɔngkɔ, zang dɔɔli ri a ka bii Laa.

Zang Shonang Yeesɔ 2:41

Zang dɔɔli ri ta ruu ɓiɓɛ, a zang palɛ ri batizima. Ka diki kaɓa, zang ɓɔɔ gisi ka yuu zang ɓɔɔ ri shing danggn tɔ ka bii Laa ɓɛɛ ri daa nung zang labang taati katɔ.

Zang Shonang Yeesɔ 2:47

Ri dɔɔ Laa, a zang piti ti rang yee tɔ̃ɔ ka yuu ɓarɛ, Laa ti gìsí ri zang ɓɔɔ wu ta yuu ɓarɛ tɔ ka zɔɔ diki diki.

Zang Shonang Yeesɔ 22:4

N dang zang ɓɔɔ ri dũng gbalang keɓe jĩng, n nyɔ̀kɔ̀ ri ɓɔɔ vɔrɔ. N yiki zang varɛ nɛɛ zang soro n mã ri, n looro ri ka sãa.

Zang Shonang Yeesɔ 4:4

Zang dɔɔli ka teteng zang ɓɔɔ ri tãa ruu ɓɔɔ Bituru nɛɛ Yɔhana ri kɔɔyi, ri shing danggn. Zang varɛ ɓɔɔ ri shing danggn tɔ, ri daa kaa nung labang maani.

Zang Shonang Yeesɔ 6:7

Ruu Laa ti bàá nɔng ɓi kana. Zang ɓɔɔ ri mantɛ vuu, ri ti shang kana diki diki ka Urushalima. Zang ɓɔɔ ri dɔɔ vuu ka Gãa Laa ɓɔɔ ri shing danggn ka bìí Laa ri shang kana jong diki diki.

Zang Shonang Yeesɔ 8:12

Ɓɔɔ ri shing danggn ka Ruu Tɔ̃ɔ kpanti roonang Laa ɓɔɔ Filibu kɔɔ ri, a ɓɔɔ kaa nung Yeesɔ Kirisi, zang palɛ ri batizima, zang varɛ nɛɛ zang soro nandon.

Zang Shonang Yeesɔ 8:3

Shaawulu kãa ɓi gbalang ɓɔɔ nɛɛ wu ningsi zang ɓɔɔ ri dũng Laa ɓɛɛ, dɔ̃ɔ gbete. Dàarɛ́ ka gãa gãa, yiki zang varɛ nɛɛ zang soro, wu daa looro ri ka sãa.

Zang Shonang Yeesɔ 9:2

a gaa wu nɛɛ wu bee wu labeenang ɓɔɔ wu daa a zang ka rɛɛ gãa zɔɔ kpalɛnang ɓɔɔ ka gari Damasiku ɓɛɛ. Wu nɛɛ daa ĩi zang ɓɔɔ ri dũng Gbalang keɓe kagn nɔng, zang varɛ nɛɛ zang soro, wu yiki ri, wu mãlɛ naa ɓarɛ, wu a nɛɛ ri ka gari Urushalima.

Zang Shonang Yeesɔ 9:31

Ka diki kaɓa, zang ɓɔɔ ri dũng Laa ɓɔɔ ri ka tipi Yahudi, nɛɛ tipi Galili, nɛɛ tipi Samariya nandon, ri tãa tĩnang nwannang ɓarɛ kati. Suru Laa yi ri naa kagn, a mã ri danggn. Ri shang kaa jong ka ɓɔɔ ri nwangnɛ ri a Laa bannang ɓɛɛ.

Zang Shonang Yeesɔ 9:35

Zang ɓɔɔ ri roo gãa ka Liida nɛɛ tipi Sharong ri zi wu katɔ nandon. Ri ti raa zang ɓɔɔ ri dũng Laa kaa nandon.

Zang Shonang Yeesɔ 9:42

Ruu keɓe baa gari Joopa nandon, a zang dɔɔli ri shing danggn kaa bii Laa.

2 Koranti 6:15

Nyaa Yeesɔ Kirisi nɛɛ ɓɔɔ Sheetang daa gbete ɓi jong kpang. Vuu kagn gbete ɓɔɔ ɓakɛ zang ɓɔɔ dũ̀ng Laa kpang, nɛɛ zang ɓɔɔ dũng wu katɔ ɓɛɛ kpang.

Galati 3:28

A vuu ɓɔɔ bàsɛ̀ teteng zang Yahudi nɛɛ zang ɓɔɔ ri zang Yahudi kpang, a jaafoo nɛɛ zang ɓɔɔ jaafoo kpang, a zang varɛ nɛɛ zang soro, ɓi tɔɔ kagn kpang. Nɔɔ nandon nɔɔ manɛ kaa gbete ka yuu ɓɔɔ nɔɔ ɓakɛ nɛɛ Yeesɔ Kirisi ɓɛɛ.