Zang Shonang Yeesɔ 4:34 - Nyaa Shɔɔ Ɓɔɔ Laa a Ɓɛɛ

³⁴ Ka ruu nɔngkɔ, zang ɓɔɔ kagn ka teteng ɓarɛ ɓɔɔ dang jĩng ɓɛɛ kpang. Ka ruu ɓɔɔ, zang nandon ɓɔɔ vuu naa ɓarɛ kagn naa tipi nɛɛ gãa, ri mãlɛ̀, ri atɛ saka vuu ɓɔɔ ri mãlɛ́ keɓe.

Zang Shonang Yeesɔ 4:34 ပူးပေါင်းရင်းမြစ်များ

Matiyu 19:21

A Yeesɔ kɔɔ wu tɔɔ, “Mɔɔ nɛɛ kasɛ nɛɛ mɔɔ nwang zang ɓɔɔ vuu shi kpang ɓi ka bii ɓiɓɛ gbete kpang, ka tĩng Laa, dita mɔɔ daa mãlɛ́ vuu naa ɓaaɓɛ nandon, mɔɔ basɛ zang ɓɔɔ vuu ka naa ɓarɛ kpang saka vuu ɓɔɔ mɔɔ malɛ ɓɛɛ kati. Mɔɔ naa walɛ vuu naa ditɔ ka lapa. Tɔ̀ɔ, mɔɔ arɛ mɔɔ dũng m.”

Maraku 10:21

Yeesɔ shu wu jĩng tɔ ka bii, kasɛ wu kati. A kɔɔ wu tɔɔ, “Mɔɔ shing jĩng tɔ ka nyaa ɓɔɔ Laa dang ɓɛɛ niizang, yaa mɔɔ vuu gbete. Dita, mɔɔ daa mãlɛ̀ vuu naa ɓaaɓɛ nandon, mɔɔ basɛ zang ɓɔɔ vuu ka naa ɓarɛ kpang, saka vuu ɓɔɔ mɔɔ mãlɛ́ ɓɛɛ. Mɔɔ naa walɛ vuu naa ditɔ ka lapa. Tɔ̀ɔ, mɔɔ arɛ mɔɔ dũng m.”

Luka 12:33

Nɔɔ mãlɛ́ vuu naa manɛ ta, nɔɔ a zang ɓɔɔ vuu ka naa kpang ɓɛɛ saka. Nɔɔ kpalɛ yuu manɛ vuu ɓɔɔ lasɛ kpang, ka nɔng Laa. Ka nɔng ɓɔɔ shaarɛ kpang, shɔngɓɔ daa ɓɔɔ kpang, tuuru ri ti daa lasɛ kpang ɓɛɛ.

Luka 16:9

A Yeesɔ kɔɔ ri nɛɛ “N kɔ̀ɔ́ nɔɔ, nɔɔ yiki wusang nɛɛ zɔɔ nɛɛ vuu naa manɛ, ka ruu ɓɔɔ, nɛɛ naa waa nyaa tɔ, zang naa ta nɔɔ ka nɔng ɓɔɔ nɔɔ naa nwang dòndòng ɓɛɛ.

Luka 22:35

Yeesɔ hɛ̃ɛ ri tɔɔ, “Ɓɔɔ n shong nɔɔ, nɔɔ tuu duku saka nɛɛ duku ɓɔɔ nɔɔ ti tɛ̃ɛ vuu kagn ka naa kpang, nɔɔ ti hãa koodoo kpang ɓɛɛ, vuu ɓɔɔgn nɔɔ walɛ kpang ya?” Ri kasɛ wu nyaa nɛɛ, “Kpang.”

Zang Shonang Yeesɔ 2:45

Ri mãlɛ́ vuu ɓarɛ ri bàsɛ̀ saka nɛɛ zɔɔ. Ri a zang ɓu naa ɓɔɔ daa wu katɔ ɓɛɛ.

Zang Shonang Yeesɔ 4:37

Mãlɛ́ tipi ɓiɓɛ, a atɛ saka, naa a rɛɛ zang shonang Yeesɔ.

2 Koranti 8:14

Wee vuu dòo kagn ka naa manɛ dɔɔli kãntang ɓee, naa nɔɔ yí zang ɓɔ̀ɔ ɓɔ̀ɔ́ ɓarɛ kagn kpang naa ka bii, wukɔ tɔ̃ɔ. Lee ɓɔ̀ɔ ɓɔ̀ɔ́ manɛ kagn kpang, ɓɔɔ ɓarɛ kagn dɔɔli, ri ti yi nɔɔ naa jong ka bii. Ka gbalang naa weɓe kɔ, nɔɔ palɛ zɔɔ vuu teetee.

1 Tesalonika 4:12

Ka naa weɓe kɔ, nɔɔ shing zang ɓɔɔ ri shing danggn gn kpang, ri seng nɔɔ. Nɔ̀ɔ ti shing jĩng tɔ̀ɔ́ ka bii zang ɓɔɔ, ka ruu vuu ɓɔɔ nɔɔ kasɛ ɓɛɛ kpang.

1 Timoti 6:19

Naa ri palɛ naa weɓe, ri kpàlɛ́ yuu ɓarɛ, vuu ɓɔɔ ri lòó ɓarɛ doo vuu ɓɔɔ naa yi ri naa ka bii ka tĩng ɓɛɛ. Tɔ̀ɔ, ri walɛ suru bii ɓɔɔ niizang ɓɛɛ kati.

Yakubu 1:27

Laa dũnnang ɓɔɔ Daa ɓuru Laa zirɛ nɛɛ wukɔ kalang kalang, a ti tɔ̃ɔ ka jĩng ɓiɓɛ keɓe, nɛɛ zang lengke jĩng ka rɛɛ javɔ, nɛɛ rɛɛ suvɔ ɓɔɔ ri dang jĩng ɓɛɛ. Zang wu lee naa ka vuu shi kpang ɓɔɔ ka koo keɓe kpang.