Zang Shonang Yeesɔ 4:29 - Nyaa Shɔɔ Ɓɔɔ Laa a Ɓɛɛ

²⁹ Kpanti, kãntang keɓe, zi nyaa ɓɔɔ ri dang ta, mɔ́ɔ mã ruu danggn jong, ruu rang Ruu ɓaaɓɛ, ruu kaa vɔrɔ kpang.

Zang Shonang Yeesɔ 4:29 ပူးပေါင်းရင်းမြစ်များ

Zang Shonang Yeesɔ 13:46

A Bulu nɛɛ Baranaba ri rang yee, ri kaa vɔrɔ kpang, tɔɔ, “Ruu nɛɛ rang nɔkɔ Ruu Laa shɔɔnang. Ka ruu ɓɔɔ, nɔɔ bɛ̃ɛyi, nɔɔ tusu yuu manɛ naa nɔɔ daa naa ɓɔɔ nɔɔ walɛ suru bii ɓɔɔ waa nyaa kpàng kpang, ruu raa jĩng kaa bii zang ɓɔɔ ri zang Isirela kpang ɓɛɛ.

Zang Shonang Yeesɔ 14:3

Bulu nɛɛ Baranaba ri nwang ka nihn diki ɓarɛ bee katɔ. Ri rang yee Laa ri kaa vɔrɔ kpang a Laa tusu zang nɛɛ yee tɔ̃ɔ ɓiɓɛ niizang kɔ nwani, ka ɓɔɔ yaa rɛɛ Bulu nɛɛ Baranaba ri palɛ vuu ɓɔɔ zang zirɛ zang mã naa ka danggn ɓɛɛ.

Zang Shonang Yeesɔ 19:8

Bulu daa ka yeti gãa zɔɔ kpalɛnang, kɔɔ zang Ruu Laa nɛɛ gbãng gbãng ning. Nwang nɛɛ ri ka nɔngkɔ shala taati. Làá nyaa nɛɛ zang, kasɛ nɛɛ ri ta ruu ɓɔɔ wu kɔ̀ɔ́ ri ka yuu Kpanti roonang Laa ɓɛɛ.

Zang Shonang Yeesɔ 26:26

Kpanti Agiripa n kɔɔ mɔɔ ruu keɓe nyaa mɛɛ zaa kpang, ka ruu ɓɔɔ, mɔɔ zi vuu keɓe tɔ nandon ɓɛɛ. N ti zi tɔ vuu ɓɔɔ ɓa shoo ɓaaɓɛ kagn gbete ka yeti ruu keɓe kpang. Ka ruu ɓɔɔ, zang wáa katɔ zang palɛ vuu keɓe kpang ɓɛɛ.

Zang Shonang Yeesɔ 28:31

Kɔɔ zang ruu ka yuu Kpanti roonang Laa. Ti tusu zang vuu ka yuu Kpanti Yeesɔ Kirisi, kaa vɔrɔ kpang. Zang ɓɔɔ ti zãa wu ruu keɓe kɔɔnang kpang.

Zang Shonang Yeesɔ 4:13

Zang ɓɔɔ ri jɛ̃ɛ zang ruu, ri zi naa ɓɔɔ Bituru nɛɛ Yɔhana ri rang yee ri kaa vɔrɔ kpang ɓɛɛ. A zang ti kɔɔ ri nɛɛ Bituru nɛɛ Yɔhana ɓarɛ zang waati, ri bee laa gngn kpang ɓɛɛ, ri mã naa ka danggn. Ri naa zi kati nɛɛ zang keɓe ri nwáng ɓarɛ nɛɛ Yeesɔ.

Zang Shonang Yeesɔ 4:21

Zang ɓɔɔ ri jɛ̃ɛ zang ruu, ri dàng ri nyaa gbãng gbãng, a ri yaa ri naa. Ri zi vuu ɓɔɔ ri dang ri jĩng kagn kpang, ka ruu ɓɔɔ, zang nandon ri dɔɔ Laa kana ka ruu vuu ɓɔɔ Laa palɛ ɓɛɛ.

Zang Shonang Yeesɔ 4:31

Ri hangsɛ nyaa Laa gaanang tɔ, a nɔng ɓɔɔ ri kpalɛ yuu, ruutu. Suru Laa a ka bii ɓarɛ, a ri gaa tɔɔsung Ruu Laa kɔɔnang, ri kaa vɔrɔ kpang.

Zang Shonang Yeesɔ 9:27

A Baranaba atɛ wu ka bii rɛɛ zang shonang Yeesɔ. Naa kɔɔ ri naa ɓɔɔ Shaawulu zi Kpanti Yeesɔ ka gbalang, a Kpanti rang wu yee ɓɛɛ. A ti kɔɔ ri náa ɓɔɔ rang zang ruu ka yuu nung Yeesɔ ka Damasiku, kaa vɔrɔ kpang ɓɛɛ.

Zang Shonang Yeesɔ 9:28

A Shaawulu nwang kaa nɛɛ ri, rakɛ ka Urushalima nandon. Kɔ̀ɔ́ zang ruu ka yuu nung Kpanti Yeesɔ ti kaa vɔrɔ kpang.

1 Koranti 14:13

Ka ruu nɔngkɔ, zang ɓɔɔ rang yee nɛɛ nyaa ɓɔɔ wu kpɛ̃ɛrɛ katɔ kpang ɓɛɛ, wu gaayi Suru Laa wu a wu naa ɓɔɔ wu nwàngsɛ́ zang dĩiri ruu bìí nɛɛ mani ɓɛɛ.

2 Koranti 3:12

Ka ruu ɓɔɔ, ruu shing gn naa weɓe, ruu rang yee, nyaa zàa ruu kpang.

Filipi 1:14

Mãnang kɔ zang mã m ka sãa ɓee, mã̀ rɛɛ manzung mɛɛ ɓɔɔ ri dũng doo Laa kɔ danggn tɔ ka gbalang kpanti Yeesɔ. Ri kɔɔrɔ zang Ruu Laa kana gbãng gbãng ri kaa vɔrɔ takpang.

1 Tesalonika 2:2

Nɔɔ zi naa ɓɔɔ zang dang ruu jĩng, a zang dãlɛ ruu ka Filipi tɔ, a ruu naa a ka bii manɛ ka Tesalonika. Zang dɔɔli nɛɛ ri zãa ruu Ruu Tɔ̃ɔ kɔɔnang ka gari manɛ, a Laa mã ruu danggn doo nɛɛ mani, a ruu kɔɔ nɔɔ Ruu Tɔ̃ɔ ɓɔɔ a nɛɛ bii ɓiɓɛ ɓɛɛ.

2 Timoti 4:17

A Yeesɔ Kirisi yáa m kaa takpang, a m kaka, a n zunung ɓɔɔ n kɔɔrɔ zang Ruu Laa nandon. Tɔ̀ɔ, zang ɓɔɔ ri zang Yahudi kpang, ri tãa kati. A Laa tá m nɛɛ naa zang ɓɔɔ nɛɛ ri nyɔ m vɔrɔ ɓɛɛ.