Zang Shonang Yeesɔ 4:27 - Nyaa Shɔɔ Ɓɔɔ Laa a Ɓɛɛ

²⁷ Kpanti Hiridu nɛɛ kpanti Pontu Bilatu, ri kpalɛ yuu niizang ka gari keɓe nɛɛ zang ɓɔɔ ri zang Yahudi kpang, nɛɛ rɛɛ zang Isirela ka yuu Yeesɔ, zang shonang ɓaaɓɛ ɓɔɔ shi kpang kagn bii ɓiɓɛ kpang ɓɛɛ. Wukɔ Kirisi, zang ɓɔɔ mɔɔ zɔ̃ng ɓɛɛ.

Zang Shonang Yeesɔ 4:27 ပူးပေါင်းရင်းမြစ်များ

Matiyu 14:1

Ka diki kaɓa, Hiridu ɓɔɔ roo kpanti ka Galili tãa nyaa Yeesɔ ɓɔɔ sãlɛ nɔng,

Matiyu 14:3

Hiridu kɔ kɔɔ zang nɛɛ zang yi Yɔhana, zang mãrɛ. Zang loo ka sãa ka ruu Hirodiya, soro jaa niiɓɛ Filibu ɓɔɔ wu ta ɓɛɛ.

Matiyu 14:6

Diki ɓɔɔ zang yi Hiridu kagn naa raa bii. A kpanti Hiridu gaarɛ zang nɛɛ zang naa shaa vuu shaanang. A Jaa Hirodiya ɓɔɔ soro sɔ dãng ka tĩng zang ɓɔɔ ri kpalɛ zɔɔ ɓɛɛ. Dãng ɓɔɔ jaa sɔrɛ, daa Hiridu ka yeti dɔɔli,

Matiyu 21:28

“Nɔɔ zi ɓu bɛ̀ɛ́ ka yeti manɛ viya? Yɔɔ ɓɔɔ kagn, wujɛ ɓiɓɛ zang varɛ ziti. Daa kɔɔ ɓeejaa ɓɔɔ bang tɔɔ, ‘Jaa mɛɛ, daayi mɔɔ daa palɛ shonang, lɛ̀ɛ́ ka jaa laa inabi.’

Matiyu 23:37

“Zang Urushalima, zang Urushalima, nɔkɔ nyɔkɔ zang nyaa shonang Laa. A nɔɔ ti luku zang ɓɔɔ zang shong ka bii manɛ nɛɛ tari. Diki ɓɔɔ n tɔɔ, n kpalɛ nɔɔ yuu ka zɔɔ, naa ɓɔɔ nàá kn kpalɛ jaa seseere ɓiɓɛ ka dii nasãng daa kaa nɛya? A nɔɔ kasɛ kpang.

Matiyu 27:2

A ri mã wu, ri daa nɛɛ wu ka bii gɔmna Bilatu.

Maraku 10:33

Yeesɔ kɔɔ ri tɔɔ, “Nɔɔ ɓaa shoo ta nɔɔ tãayi. Ruu dáa kana Urushalima, zang ɓɔɔ naa a zang bang bang, zang ɓɔɔ ri dɔɔ vuu ka Gãa Laa, nɛɛ zang ɓɔɔ ri tusu zang vuu ɓɛɛ Jaa Shɔnzang ditɔ. Ri naa jɛ̃ɛ wu ruu, ri kɔɔ zang nɛɛ zang nyɔ wu vɔrɔ. Tɔ̀ɔ, ri tuu wu ri a zang ɓɔɔ ri dũng Laa kpang kati.

Maraku 15:31

Zang bang bang zang ɓɔɔ ri dɔɔ vuu ka Gãa Laa, nɛɛ zang ɓɔɔ ri tusu zang vuu, ri ráng Yeesɔ ka naa ɓarɛ, ri ti kpaa wu jong. Ri kɔɔ zɔɔ, ri tɔɔ, “Ta yuu zang ɓɔɔgn, zunung ɓɔɔ wu ta yuu ɓiɓɛ ɓi kpang.

Luka 1:35

A zang nyaa shonang Laa kɔɔ wu tɔɔ, “Suru Laa naa a ditɔ ka bii ɓaaɓɛ. Náa bannang Laa naa zuu mɔɔ ditɔ. Ka ruu nɔngkɔ, jaa ɓɔɔ vuu shi kpang ɓi ka yeti ɓiɓɛ kpang kɔ mɔɔ naa yi ɓee, zang naa ɓaa wu nɛɛ Jaa Laa.

Luka 22:63

Zang ɓɔɔ ri gãng jĩng ka wu, ri kpaa wu, ri ti nyɔkɔ wu.

Luka 23:1

Zang ɓɔɔ ri kpalɛ yuu, ri yupaa nandon, ri atɛ Yeesɔ ka bii Gɔmna Bilatu.

Luka 4:18

“Suru Kpanti Laa kagn bii mɛɛ, Laa zɔ̃̀ng m nɛɛ n rang zang ɓɔɔ vuu ka naa kpang yee tɔ̃ɔ ɓiɓɛ. Shong m nɛɛ n kɔɔ zang ɓɔɔ zang mã ri ka sãa, nɛɛ zang yaa ri naa tɔ. Nɛɛ n ti kɔɔ zang jĩng ringtang nɛɛ ri zi nɔng ta. Nɛɛ n ti yaa zang ɓɔɔ zang dang ri jĩng ɓɛɛ, naa.

Luka 9:22

A ti kɔɔ ri tɔɔ, “Jaa shɔnzang naa dang jĩng ditɔ dɔɔli. Zang bang, bang zang Yahudi, nɛɛ zang bang bang zang ɓɔɔ ri dɔɔ vuu ka Gãa Laa, nɛɛ zang ɓɔɔ ri tusu zang vuu, ri ti bɛ̃ɛ wu, ri nyɔ wu vɔrɔ. Laa naa wisi wu paa ka lee ɓɔɔ diki daa taati ɓɛɛ.”

Yɔhana 1:11

Á ka bii zang laa gãa ɓiɓɛ, a zang ɓiɓɛ ti ta wu kpang.

Yɔhana 10:36

a zang ɓɔɔ Daa zɔ̃ngnɛ, a shong wu ka koo ɓɛɛ, nɔɔ kɔɔ ka ruu vi nɛɛ n kɔɔrɔ ruu shi kpang ka ruu ɓɔɔ n kɔɔyi nɛɛ n Jaa Laa viya?

Yɔhana 18:28

Nɛɛ gãndi zang zang, zang nwangsɛ Yeesɔ nɛɛ gãa Kayifa, zang daa nɛɛ wu ka gãa gɔmna. Zang Yahudi ri daa yeti gãa kpang, ka ruu ɓɔɔ, ri kasɛ nɛɛ ri palɛ vuu ɓɔɔ nyaa dannang ɓarɛ zãa ri palɛnang katɔ kpang, tɔɔ ri naa shaa vuu shaanang nyaalaa ɓɔɔ zang kpaa danggn diki ɓɔɔ Laa tɛɛ kagn kati.

Yɔhana 18:29

Ka ruu nɔngkɔ, Bilatu nwang kaa biling, daa ĩi ri, a hɛ̃ɛyi tɔɔ, “Nɔɔ nɛɛ, vuu shi kpang ɓɔɔ yɔɔ keɓe palɛ ɓu viya?”

Yɔhana 19:34

Yɔɔ sɔɔja gbete shu kagň buru ɓiɓɛ nɛɛ shalang, zĩi nɛɛ mii tɛ̃ɛ nɛɛ nɔng ɓɔɔ yɔɔ shu ɓɛɛ.

Zang Shonang Yeesɔ 10:38

Ruu keɓe ɓi ruu Yeesɔ yɔɔ Nazara. Ɓɔɔ Laa a wu Suru ɓiɓɛ, nɛɛ naa vuu palɛnang ɓɛɛ. Yeesɔ keɓe daarɛ nɛɛ nɔng piti piti, pàlɛ́ zang tɔ̃ɔ, ti masɛ zang ɓɔɔ suru shi kpang ka bii ɓarɛ nandon, ka ruu ɓɔɔ, Laa nɛɛ wu ɓɛɛ.

Zang Shonang Yeesɔ 2:27

Ka ruu ɓɔɔ, mɔɔ yaa m ka nɔng vɔrɔ kpang ɓɛɛ, mɔɔ ti yaa vɔrɔ zang tɔ̃ɔ ɓaaɓɛ wu pũng ka sàa kpang.

Zang Shonang Yeesɔ 4:30

Dĩi naa ɓaaɓɛ mɔɔ masɛ zang. Mɔɔ a ruu naa, rúu palɛ vuu ɓɔɔ zang zirɛ zang mã naa ka danggn, nɛɛ nung Yeesɔ, zang shonang ɓaaɓɛ ɓɔɔ shi kpang ɓi kagn bii ɓiɓɛ kpang ɓɛɛ.”

Yahudi 7:26

Zɔ̃ng kpanti zang ɓɔɔ ri dɔɔ vuu ka Gãa Laa keɓe, ɓɔɔ ruu kasɛ ɓɛɛ kɔ. Zang ɓɔɔ shi kpang ka bii ɓiɓɛ kpang, ɓɔɔ zang dãa wu kpang, ɓɔɔ ɓi kankalang ɓɛɛ, a zang zɔ̃ng wu katɔ nɛɛ teteng zang ɓɔɔ ri palɛ vuu shi kpang, zang shing wu dang gbete, ɓɔɔ zang a wu nɔng nwannang ka lapa kpala kpala.