Zang Shonang Yeesɔ 4:21 - Nyaa Shɔɔ Ɓɔɔ Laa a Ɓɛɛ

²¹ Zang ɓɔɔ ri jɛ̃ɛ zang ruu, ri dàng ri nyaa gbãng gbãng, a ri yaa ri naa. Ri zi vuu ɓɔɔ ri dang ri jĩng kagn kpang, ka ruu ɓɔɔ, zang nandon ri dɔɔ Laa kana ka ruu vuu ɓɔɔ Laa palɛ ɓɛɛ.

Zang Shonang Yeesɔ 4:21 ပူးပေါင်းရင်းမြစ်များ

Matiyu 15:31

Zang ɓɔɔ ri kpalɛ zɔɔ ka bìí Yeesɔ, ri mã naa ka danggn, ka ruu ɓɔɔ ri zi zang ɓɔɔ nyaa nɔɔ katɔ ri rang yee kana ɓɛɛ. Zang ɓɔɔ kàa katɔ, ri lakɛ, zang ɓɔɔ doo shãa katɔ, ri ti ra kana, a zang jĩng ringtang ri ti zi nɔng. Ɓɔɔ zang nimbang ri zi naa weɓe, ri dɔ̀ɔ Làá zang Isirela kati.

Matiyu 21:46

Ka ruu nɔngkɔ, ri nɛɛ ri yi Yeesɔ katɔ, a ri kaa vɔrɔ zang. Ka ruu ɓɔɔ zang dɔɔli shing danggn nɛɛ Yeesɔ ɓi zang nyaa shonang Kpanti Laa ɓɛɛ.

Matiyu 26:5

Ri kɔɔ zɔɔ tɔɔ, “Rúu palɛ ka diki ɓɔɔ zang shaa nyaalaa Pasika kpang, ka ruu ɓɔɔ zang nɛɛ pálɛ̀ nyaa ɓɛɛ.”

Matiyu 9:33

Yeesɔ nwangsɛ suru shi kpang tɔ, a zang ɓɔɔ nyaa nɔɔ katɔ naa rang yee kati. Ɓɔɔ zang ɓɔɔ ri kpalɛ zɔɔ ka bii Yeesɔ ri zi naa weɓe, ri mã naa ka danggn, a ri kɔɔyi tɔɔ, “Ruu zi vuu ɓɔɔ naa weɓe gngn ka tipi Isirela kpang.”

Matiyu 9:8

Zang dɔɔli ɓɔɔ ri kpalɛ zɔɔ, ri zi naa weɓe, ri mã naa ka danggn, a ri dɔɔ Kpanti Laa kati. Kaa ruu ɓɔɔ, wukɔ a zang naa vuu keɓe palɛnang ɓɛɛ.

Luka 13:17

Ɓɔɔ Yeesɔ kɔɔ naa weɓe, yusɛ̃ɛ tuu zang ɓɔɔ ri shing jĩng nɛɛ wu kpang ɓɛɛ, nandon. Zang ɓɔɔ ri kpalɛ zɔɔ ri tãa tĩnang vuu ɓɔɔ zang mã naa ka danggn piti ɓɔɔ Yeesɔ palɛ ɓɛɛ.”

Luka 20:19

Zang ɓɔɔ ri zi labeenang Laa dɔɔli, nɛɛ zang bang bang zang ɓɔɔ ri dɔɔ vuu ka Gãa Laa ɓɔɔ ri tãa ruu keɓe, nɛɛ ri yi Yeesɔ kaa tɔ tantɛnang, ka ruu ɓɔɔ, ri zi tɔ nɛɛ Yeesɔ kɔɔ ruu keɓe ka yuu ɓarɛ kɔ ɓɛɛ. Ri yi wu kaa takpang, ka ruu ɓɔɔ, ri kaa vɔrɔ zang ɓɔɔ ka nɔng ɓɛɛ.

Luka 20:6

Ruu nɛɛ ti kɔɔ nɛɛ, ‘Shɔnzang a wu naa.’ Zang kɔ nihn ɓee, nandon ri luku ruu katɔ nɛɛ tari ka ruu ɓɔɔ, ri shing danggn tɔ nɛɛ bɛ̀ɛ́ Yɔhana ɓi zang nyaa shonang Laa ɓɛɛ.”

Luka 22:2

Rɛɛ kpanti zang ɓɔɔ ri dɔɔ vuu ka Gãa Laa, nɛɛ rɛɛ zang ɓɔɔ ri tusu zang labeenang Laa, ri kãa gbalang ɓɔɔ nɛɛ ri nyɔ wu vɔrɔ nɛɛ nwĩiri ɓɛɛ. Ka ruu ɓɔɔ, ri kaa vɔrɔ zang ɓɛɛ.

Luka 5:26

Zang piti ri mã naa ka danggn, a ri dɔɔ Laa kati. Bii kaa ri vɔrɔ, ri tɔɔ, “Ruu zi vuu ɓɔɔ naa ɓɔɔgn lɛ̀ɛ́ tɔ.”

Zang Shonang Yeesɔ 4:17

Ruu nɛɛ tɔɔ ruu zãa ruu keɓe nɔng bàanang, rúu ɓáa nyaa ka rɛɛ zang keɓe, ruu dàng ri nyaa nɛɛ ri rang zang ɓɔɔ yee tɔ̀ɔ́ ka nung Yeesɔ kpang.”

Zang Shonang Yeesɔ 4:22

Yɔɔ ɓɔɔ zang pálɛ̀ vuu ɓɔɔ zang zirɛ zang mã naa ka danggn, ɓɔɔ zang masɛ wu keɓe, sáa ɓiɓɛ ɓá laa ziti katɔ.

Zang Shonang Yeesɔ 5:13

Zang rang yee tɔ̃ɔ ka yuu ɓarɛ, a zang biling ɓɔɔ shɛ̃ɛ teteng ɓarɛ kaa tɔ̀ɔ́ kagn gbete kpang.

Zang Shonang Yeesɔ 5:26

A rɛɛ kpanti zang ɓɔɔ ri gã Gãa Laa nɛɛ zang ɓiɓɛ, ri daayi nɛɛ ri daa atɛ ri. Ri atɛ ri wu nɛɛ bàng kpang, ka ruu ɓɔɔ, ri kaa vɔrɔ, zang nɛɛ luku ri nɛɛ tari ɓɛɛ.

Zang Shonang Yeesɔ 5:40

Zang ɓɔɔ ri jɛ̃ɛ zang ruu, ri ɓaa shoo ka nyaa Gamaliyel. Ri ɓaa rɛɛ zang shonang Yeesɔ nyaa tɔkn ka yeti gãa. Ri kɔɔ zang nɛɛ zang nyɔ zang shonang Yeesɔ keɓe nɛɛ gbãa. A zang dang ri nyaa, nɛɛ ri rang zang yee tɔ̀ɔ́ nɛɛ nung Yeesɔ kpang. A zang yaa ri, ri daayi.