Zang Shonang Yeesɔ 4:19 - Nyaa Shɔɔ Ɓɔɔ Laa a Ɓɛɛ

¹⁹ Bituru nɛɛ Yɔhana kasɛ ri nyaa tɔɔ, “Nɔɔ sée karɛ ka yeti manɛ nɔɔ zirɛ, wi tɔ̃ɔ ka tĩng Laa wiya? Naa rùu ɓaa shoo ka nyaa manɛ ya, kɔ ruu ɓaa shoo ka nyaa Laa?

Zang Shonang Yeesɔ 4:19 ပူးပေါင်းရင်းမြစ်များ

Matiyu 22:21

Ri kasɛ wu nyaa tɔɔ, “Ɓɔɔ Kayisa.” A Yeesɔ kɔɔ ri tɔɔ, “Nɔɔ a Kayisa vuu ɓiɓɛ ta, nɔɔ ti a Kpanti Laa ɓɔɔ ɓiɓɛ.”

Luka 22:8

Yeesɔ shɔng rɛɛ Bituru nɛɛ Yɔhana, a kɔɔ ri nɛɛ, “Nɔɔ daayi, nɔɔ daa shĩili ruu vuu shaanang nyaalaa ɓɔɔ zang kpaa danggn diki ɓɔɔ Laa tɛɛ ɓɛɛ. Naa ɓɔɔ ruu naa shaa ɓɛɛ.”

Yɔhana 7:24

Nɔ́ɔ jɛ̃ɛ zang ruu nɛɛ vuu ɓɔɔ nɔɔ zì nɛɛ jĩng waati kpang, nɔɔ jɛ̃ɛ zang ruu ka vuu ɓɔɔ niizang ɓɛɛ.”

Zang Shonang Yeesɔ 4:13

Zang ɓɔɔ ri jɛ̃ɛ zang ruu, ri zi naa ɓɔɔ Bituru nɛɛ Yɔhana ri rang yee ri kaa vɔrɔ kpang ɓɛɛ. A zang ti kɔɔ ri nɛɛ Bituru nɛɛ Yɔhana ɓarɛ zang waati, ri bee laa gngn kpang ɓɛɛ, ri mã naa ka danggn. Ri naa zi kati nɛɛ zang keɓe ri nwáng ɓarɛ nɛɛ Yeesɔ.

Zang Shonang Yeesɔ 5:28

“Ruu dàng nɔɔ nyaa gbãng gbãng nɛɛ nɔɔ tusu zang vuu tɔ̀ɔ́ nɛɛ nung yɔɔ keɓe kpang. Nɔɔ zi vuu ɓɔɔ nɔɔ palɛ ɓɛɛ ta, nɔɔ baa gari Urushalima tɔ nɛɛ vuu ɓɔɔ nɔɔ tusu ɓɛɛ. Nɔɔ kasɛ nɛɛ zang zirɛ nɛɛ rukɔ nyɔ wu vɔrɔ.”

Zang Shonang Yeesɔ 5:29

Bituru nɛɛ rɛɛ zang shonang Yeesɔ ɓɔɔ nɛɛ wu ri kasɛ wu nyaa tɔɔ, “Ruu ɓáa shoo ɓuru ka nyaa Laa, ɓa ɓɔɔ ruu ɓaa shoo ka nyaa shɔnzang katɔ.

1 Koranti 10:15

Nɔɔ manɛ zang ɓɔɔ yàa nɔɔ shoo kagn ɓɛɛ. Nɔɔ jɛ̃ɛ ta ka yeti manɛ naa vuu kɔ n kɔɔrɔ ɓee tɔ̃ɔ ya?

2 Koranti 4:2

Rùu dɔ̃ vuu ɓɔɔ zang waasɛ katɔ, nɛɛ vuu yusɛ̃ɛ tɔ piti nɛɛ kaa. Ruu palɛ vuu tɔ̀ɔ́ nɛɛ sèé kpang. Ruu ti risi Ruu Laa tɔ̀ɔ́ wu raa sèé kpang. Ruu kɔɔ rúu ɓɔɔ niizang ka dalɛ, ka tĩng Laa. Ruu kasɛ nɛɛ zang ɓu wu zi ka yeti ɓiɓɛ nɛɛ ruu ɓuru zang tɔ̃ɔ.

Afisa 6:1

Wujɛ, nɔɔ ɓaa shoo ka nyaa zang ɓɔɔ ri yiki nɔɔ ɓɛɛ, ka Ruu Laa. Wee vuu ɓɔɔ dàa náa palɛnang katɔ ɓɛɛ.

1 Timoti 2:3

Zɔ̃̌ng Laa gaanang keɓe, wukɔ tɔ̃ɔ. Laa ɓɔɔ wukɔ ta yuu ɓuru kasɛ zɔ̃ng gaanang keɓe kɔ.

Yahudi 11:23

Danggn shinnang rɛɛ zang ɓɔɔ ri yi Musa, shingnɛ, ri waasɛ wu shala taati ka knti ɓɔɔ zang yi wu ɓɛɛ. Ka ruu ɓɔɔ, ri zirɛ jaa bìí shi dɔɔli ɓɛɛ, ri kaa vɔrɔ ɓɔɔ ri ta nyaa ɓɔɔ kpanti tipi kaɓa dangnɛ ɓɛɛ kpang.

Yakubu 2:4

Nɔɔ nɛɛ palɛ tɔ naa weɓe, nɔɔ palɛ vuu gn dang gbete. Nɔɔ jɛ̃̀ɛ zang ruu tɔ shi kpang.