Zang Shonang Yeesɔ 4:13 - Nyaa Shɔɔ Ɓɔɔ Laa a Ɓɛɛ

¹³ Zang ɓɔɔ ri jɛ̃ɛ zang ruu, ri zi naa ɓɔɔ Bituru nɛɛ Yɔhana ri rang yee ri kaa vɔrɔ kpang ɓɛɛ. A zang ti kɔɔ ri nɛɛ Bituru nɛɛ Yɔhana ɓarɛ zang waati, ri bee laa gngn kpang ɓɛɛ, ri mã naa ka danggn. Ri naa zi kati nɛɛ zang keɓe ri nwáng ɓarɛ nɛɛ Yeesɔ.

Zang Shonang Yeesɔ 4:13 ပူးပေါင်းရင်းမြစ်များ

Matiyu 11:25

Ka laa kaɓa, Yeesɔ naa risi nyaa gàa Laa tɔɔ, “N zãa mɔɔ tɔ Dada, Kpanti Laa ɓɔɔ mãa lapa nɛɛ tipi ɓɛɛ. Ka ruu ɓɔɔ, mɔɔ wàasɛ̀ zang ɓɔɔ zũng katɔ nɛɛ zang ɓɔɔ ri zi labeenang dɔɔli vuu keɓe, a mɔɔ naa tusu zang ɓɔɔ ri zi vuu kpang kɔ jong ɓɛɛ.

Matiyu 26:71

Bituru naa seepaa daa nwang kaa nyaa gãa naabm, a jaa shonang zang soro tɔkɔlɔng ɓɔɔgn ti naa zi wu. A kɔɔ zang ɓɔɔ ri shiiri ɓɛɛ tɔɔ, “Bɛ̀ɛ́ yɔɔ keɓe nwang ɓi doo nɛɛ Yeesɔ yɔɔ Nazara kɔ.”

Matiyu 26:73

Laa nɛɛ tɔɔ wu ɓa tɔkɔlɔng, zang ɓɔɔ ri shiiri ka nɔng kaɓa, ri arɛ. Ri kɔɔ Bituru tɔɔ, “Mɔɔ doo zang ɓiɓɛ kɔ niizang. Náa yee ɓɔɔ mɔɔ rang ka yeti nyaa ɓaaɓɛ, wukɔ nwangsɛ mɔɔ yuu.”

Luka 22:8

Yeesɔ shɔng rɛɛ Bituru nɛɛ Yɔhana, a kɔɔ ri nɛɛ, “Nɔɔ daayi, nɔɔ daa shĩili ruu vuu shaanang nyaalaa ɓɔɔ zang kpaa danggn diki ɓɔɔ Laa tɛɛ ɓɛɛ. Naa ɓɔɔ ruu naa shaa ɓɛɛ.”

Yɔhana 19:26

Yeesɔ zi niiɓɛ, nɛɛ yɔɔ ɓɔɔ mantɛ vuu ka bii ɓiɓɛ, ɓɔɔ wu kasɛ wu dɔɔli ka nɔng ɓɔɔ ri shii ɓɛɛ. A Yeesɔ kɔ̀ɔ nàá ɓiɓɛ tɔɔ, “Maanaa, Jaa ɓaaɓɛ kiɓi kɔ.”

Yɔhana 7:15

Zang Yahudi ri mã naa ka danggn, a ri kɔɔyi nɛɛ, “Yɔɔ keɓe pálɛ̀ biya zi vuu nɔngkɔ, ti mantɛ vuu gngn kpang viya?”

Yɔhana 7:49

Zang ɓɔɔ ri kpàlɛ́ zɔɔ kaɓa, ɓɔɔ ri zi nyaa ɓɔɔ Musa dangnɛ ɓarɛ kpang kɔ ri shing danggn shɛ̃ɛning. Ri shaarɛ ɓarɛ katɔ kɔ nwani.”

Zang Shonang Yeesɔ 4:14

Ka ɓɔɔ ri zi yɔɔ ɓɔɔ zang masɛ wu shìi nɛɛ Bituru nɛɛ Yɔhana, vuu ɓɔɔ ri kɔɔ takpang.

Zang Shonang Yeesɔ 4:19

Bituru nɛɛ Yɔhana kasɛ ri nyaa tɔɔ, “Nɔɔ sée karɛ ka yeti manɛ nɔɔ zirɛ, wi tɔ̃ɔ ka tĩng Laa wiya? Naa rùu ɓaa shoo ka nyaa manɛ ya, kɔ ruu ɓaa shoo ka nyaa Laa?

Zang Shonang Yeesɔ 4:29

Kpanti, kãntang keɓe, zi nyaa ɓɔɔ ri dang ta, mɔ́ɔ mã ruu danggn jong, ruu rang Ruu ɓaaɓɛ, ruu kaa vɔrɔ kpang.

Zang Shonang Yeesɔ 4:31

Ri hangsɛ nyaa Laa gaanang tɔ, a nɔng ɓɔɔ ri kpalɛ yuu, ruutu. Suru Laa a ka bii ɓarɛ, a ri gaa tɔɔsung Ruu Laa kɔɔnang, ri kaa vɔrɔ kpang.

Zang Shonang Yeesɔ 9:27

A Baranaba atɛ wu ka bii rɛɛ zang shonang Yeesɔ. Naa kɔɔ ri naa ɓɔɔ Shaawulu zi Kpanti Yeesɔ ka gbalang, a Kpanti rang wu yee ɓɛɛ. A ti kɔɔ ri náa ɓɔɔ rang zang ruu ka yuu nung Yeesɔ ka Damasiku, kaa vɔrɔ kpang ɓɛɛ.

Zang Shonang Yeesɔ 9:28

A Shaawulu nwang kaa nɛɛ ri, rakɛ ka Urushalima nandon. Kɔ̀ɔ́ zang ruu ka yuu nung Kpanti Yeesɔ ti kaa vɔrɔ kpang.

1 Koranti 1:27

Zang ɓɔɔ zang koo ri zi ri naa ri shoko, Laa shɛ̃ɛrɛ rikɔ nɛɛ ri nwang zang ɓiɓɛ, nɛɛ tɔ̀ɔ yusɛ̃ɛ wu tuu zang ɓɔɔ nɛɛ ri zũng katɔ ɓɛɛ kati. Ti shɛ̃ɛrɛ zang ɓɔɔ ri lakɛ naa ka bii kpang, ka koo keɓe kɔ jong, nɛɛ tɔɔ yusɛ̃ɛ wu tuu zang ɓɔɔ ri lakɛ dɔɔli ɓɛɛ.

1 Koranti 14:25

Ruu kaɓa nwàngsɛ́ wu rɛ̃rɛnang ɓɔɔ bɛ̀ɛ́ ka yeti ɓiɓɛ ɓɛɛ. Ruu kaɓa shing wu, wu tang ka tĩng Laa, wu bang Laa. Wu ti kɔɔyi nɛɛ, Laa kagn nɔng ɓɔɔ nɔɔ kpalɛ zɔɔ ɓɛɛ niizang.

2 Koranti 3:12

Ka ruu ɓɔɔ, ruu shing gn naa weɓe, ruu rang yee, nyaa zàa ruu kpang.