Zang Shonang Yeesɔ 3:22 - Nyaa Shɔɔ Ɓɔɔ Laa a Ɓɛɛ

²² “Musa kɔɔyi tɔɔ, ‘Laa naa zɔ̃ng zang nyaa shonang ɓiɓɛ ditɔ, nɛɛ teteng rɛɛ manzung manɛ, naa ɓɔɔ wu zɔ̃ng m ɓɛɛ. Nɔɔ ɓaa shoo, ka vuu ɓɔɔ, wu kɔɔ nɔɔ ɓɛɛ nandon.

Zang Shonang Yeesɔ 3:22 ပူးပေါင်းရင်းမြစ်များ

Matiyu 21:11

A zang kɔɔ ri tɔɔ, “Wee ɓi Yeesɔ zang nyaa shonang Laa ɓɔɔ a nɛɛ Nazara, ɓɔɔ ka tipi Galili ɓɛɛ kɔ.”

Luka 13:33

N daa m kana Urushalima lɛɛkɔ, nɛɛ ɓuru nɛɛ diki. Ka ruu ɓɔɔ, zang nyɔ zang nyaa shonang Laa ka nɔng ɓɔɔgn kpang ɓɛɛ.

Luka 24:19

A hɛ̃ɛ ri nɛɛ “Ɓu vi palɛ viya?” A ri kasɛ wu nyaa nɛɛ, “Vuu ɓɔɔ zang palɛ Yeesɔ yɔɔ Nazara, zang nyaa shonang Laa. Ɓɔɔ Laa a wu naa, nɛɛ wu palɛ vuu bang bang, nɛɛ wu ti rang zang piti yee, wu kaa vɔrɔ kpang ɓɛɛ. Zang piti a wu bannang katɔ.

Yɔhana 1:17

Naa ɓɔɔ nyaa dannang Laa a nɛɛ bii Musa, tɔ̃ɔ palɛnang Laa, nɛɛ ruu ɓɔɔ niizang, a ɓi kaa nɛɛ bii Yeesɔ Kirisi.

Yɔhana 12:46

N a ka koo keɓe, tɔ̀ɔ n yakɛ zang nɔng, tɔ̀ɔ zang ɓɔɔ nɛɛ shing danggn ka bii mɛɛ wu nwang tɔ̀ɔ́ nɔng ɓɔɔ tɔ̀ɔ katɔ kpang.

Yɔhana 5:24

“N kɔ̀ɔ́ nɔɔ ruu ɓɔɔ niizang kɔ nwani, zang ɓɔɔ nɛɛ tãa ruu ɓɔɔ n kɔɔ ɓɛɛ, nɛɛ ti shing danggn ka bii zang ɓɔɔ shong m, wàlɛ́ suru bii ɓɔɔ waa nyaa kpang katɔ. Laa ti naa dɔng wu ruu ɓi takpang. Ɓa yuu vɔrɔ ɓɔɔ suru tɔ, wɔ ɓi tɔ.

Yɔhana 8:12

A Yeesɔ rang zang Farisi yee tɔkn tɔɔ, “Nkɔ yakɛ koo, zang ɓɔɔ nɛɛ dũ̀ng m ra ka nɔng ɓɔɔ tɔɔ katɔ kpang. Walɛ ɓi nɔng yakɛnang ɓɔɔ a zang suru bii ɓɛɛ kɔ jong.”

Zang Shonang Yeesɔ 7:37

“Musa kɔ, kɔɔ zang Isirela tɔɔ, ‘Laa naa zɔ̃̌ng nɔɔ zang nyaa shonang ɓiɓɛ ditɔ, naa ɓɔɔ wu zɔ̃ng m ɓɛɛ. Zang nyaa shonang keɓe, naa a ɓi doo nɛɛ teteng zang manɛ kɔ.’

Rooma 8:3

Vuu ɓɔɔ nyaa dannang Laa zunung palɛnang kpang, ka ruu ɓɔɔ, bii shɔnzang lakɛ naa bii kpang, Laa palɛ tɔ. Laa ningsi vuu shi kpang ka bii shɔnzang, ka ɓɔɔ wu shong nyaa nɛɛ Jaa ɓiɓɛ ɓɔɔ arɛ, tuu bii naa bii shɔnzang ɓɔɔ palɛ vuu shi kpang ɓɛɛ.

Rooma 9:5

Ri ɓarɛ zɔ̃ng rɛɛ dabang ɓɔɔ ka tĩng tɛ̃ɛ tɛ̃ɛ ɓɛɛ. Kirisi ka bii shɔnzang ɓiɓɛ, nwangnɛ doo laa ɓarɛ kɔ. Zang wu dɔɔ Laa ta dòndòng, ɓɔɔ wukɔ kpanti ka yuu vuu piti ɓɛɛ. Nɔngkɔ.

Galati 4:4

A ka ɓɔɔ laa ɓɔɔ Laa shingnɛ naa arɛ, Laa naa shong nyaa nɛɛ Jaa ɓiɓɛ. Jaa keɓe jaa soro yi wu, a ti dũng nyaa ɓɔɔ Laa dang zang Yahudi nɛɛ ri dũngnɛ.

Yahudi 2:1

Ka ruu nɔngkɔ, ruu shing nɔɔ jĩng gbãng gbãng ka vuu ɓɔɔ ruu tãarɛ ɓɛɛ, vuu keɓe nɛɛ wɔ̀ ruu nɛɛ naa kpang ɓɛɛ.

Yahudi 5:9

Ka ɓɔɔ hangsɛ shonang ɓiɓɛ tɔ ɓɛɛ, nwàng zang ɓɔɔ ta yuu zang nandon, ɓɔɔ ri dũng nyaa ɓiɓɛ ɓɛɛ. Tɔ̀ɔ, yuu ɓarɛ ɓɔɔ zang tarɛ, wu nwang kaa ɓɔɔ gbinggbing ɓɛɛ.

Vuu ɓɔɔ zang nwangsɛ Yɔhana 1:1

Wee vuu ɓɔɔ Yeesɔ Kirisi nwangsɛ zang, ɓɔɔ Laa á wu nɛɛ wu tusu zang ɓɔɔ ri pàlɛ́ Laa shonang nɛɛ tɔ̀ɔ, ri zi vuu ɓɔɔ naa palɛ diki bee takpang ɓɛɛ. A Yeesɔ shong zang nyaa shonang Laa ɓɔɔ ka lapa ɓɛɛ, ka bii zang shonang ɓiɓɛ Yɔhana nɛɛ tɔ̀ɔ wu tusu wu rɛɛ vuu keɓe.