Zang Shonang Yeesɔ 3:13 - Nyaa Shɔɔ Ɓɔɔ Laa a Ɓɛɛ

¹³ Làá rɛɛ dabang ɓuru Ibirayi, nɛɛ Ishaaku, nɛɛ Yakubu kɔ a zang shonang ɓiɓɛ Yeesɔ bannang ɓɔɔ waa nyaa kpang ɓɛɛ. A nɔɔ a zang bang bang Yahudi wu nɛɛ zang nyɔ wu vɔrɔ. Nɔɔ bɛ̃ɛ wu ka tĩng kpanti Bilatu, ka ɓɔɔ Bilatu kɔ̀ɔ́yi tɔ nɛɛ wu yaa wu naa kaa tɔ ɓɛɛ.

Zang Shonang Yeesɔ 3:13 ပူးပေါင်းရင်းမြစ်များ

Matiyu 11:27

A Yeesɔ naa risi nyaa, kɔɔ ri tɔkn tɔɔ, “Daa mɛɛ, a m vuu piti tɔ ka naa. Zang ɓɔɔ zi m Jaa Laa, kagn gbete kpang, ɓi Daa mɛɛ kɔ gbete. Zang ɓɔɔ ti zi Daa mɛɛ kagn gbete kpang, ɓi nkɔ Jaa ɓiɓɛ n zirɛ, nɛɛ zang ɓɔɔ n kasɛ nɛɛ n tusu ri Daa mɛɛ ɓɛɛ.

Matiyu 20:19

Tɔ̀ɔ, ri naa tuu m, ri a zang ɓɔɔ ri dũng Laa kpang, nɛɛ tɔ̀ɔ ri kpaa m, ri nyɔ m nɛɛ gbãa, tɔ̀ɔ ri daa ɓaa m naa ka laa. A Kpanti Laa naa wisi m paa ka lee ɓɔɔ diki daa taati ɓɛɛ.”

Matiyu 22:32

Kpanti Laa tɔɔ, ‘Nkɔ Laa Ibirayi, nɛɛ ɓɔɔ Ishaaku, nɛɛ ɓɔɔ Yakubu.’ Zang keɓe ri vɔlɔ tɔ doo tɛ̃ɛ tɛ̃ɛ. Wee Laa ɓaa yuu ɓiɓɛ nɛɛ wu Laa ɓarɛ ɓɛɛ, ruu zi ka wukɔ nɛɛ zang wisi ri paa tɔ nɛɛ sàa. Ka ruu ɓɔɔ, Laa ɓi Làá zang ɓɔɔ vɔ katɔ kpang, ɓi Laa zang ɓɔɔ ningkãari ɓɛɛ.”

Matiyu 27:2

A ri mã wu, ri daa nɛɛ wu ka bii gɔmna Bilatu.

Matiyu 28:18

A Yeesɔ arɛ naa kɔɔ ri tɔɔ, “Laa a m naa tɔ ka yuu vuu ɓɔɔ ka lapa, nɛɛ ɓɔɔ ka tipi nandon.

Maraku 15:11

A zang bang bang zang ɓɔɔ ri dɔɔ vuu ka Gãa Laa, ri dɔ̃lɔ zang ɓɔɔ ri kpalɛ zɔɔ nyaa nɛɛ, ri kɔɔyi nɛɛ Bilatu wu yaa ri Baraba kɔ naa jong.

Luka 22:57

A Bituru laa nyaa tɔɔ, “Jaa soro, n zi zang keɓe m kpang.”

Luka 23:4

A Bilatu kɔɔ zang bang bang zang ɓɔɔ ri dɔɔ vuu ka Gãa Laa, nɛɛ rɛɛ zang dɔɔli ɓɔɔ ri dũng ri ɓɛɛ, tɔɔ, “N zi vuu shi kpang ɓɔɔ yɔɔ keɓe palɛ ɓɛɛ kpang.”

Luka 6:37

“Nɔ́ɔ jɛ̃̀ɛ zang ruu kpang, Kpanti Laa wu ti naa jɛ̃ɛ nɔɔ ruu kpang kɔ doori. Nɔ́ɔ kɔɔ kpang nɛɛ zang keɓe palɛ vuu shi kpang tɔ kpang. Tɔɔ Kpanti Laa wu ti naa kɔɔ kaa takpang nɛɛ nɔɔ palɛ vuu shi kpang tɔ kpang. Nɔɔ yaa zang gbalang vuu shi kpang ɓɔɔ zang palɛ nɔɔ ɓɛɛ katɔ, tɔ̀ɔ Laa wu ti naa yaa nɔɔ gbalang vuu shi kpang ɓɔɔ nɔɔ palɛ ɓɛɛ.

Yɔhana 12:16

Bɛɛ rɛɛ zang ɓɔɔ ri mantɛ vuu ka bii ɓiɓɛ, ri zi vuu ɓɔɔ zang bee keɓe gn kpang. Ri naa zi kaa nɛɛ knti ka ɓɔɔ bɛ̀ɛ́ zang wisi Yeesɔ paa tɔ, Laa ti a wu bannang tɔ ɓɛɛ. Ri naa kpaa danggn kati nɛɛ zang bee vuu keɓe katɔ ka yuu ɓiɓɛ, a zang ti pàlɛ̀ wu vuu bìí tɔ.

Yɔhana 18:40

Ri mɛ́ɛ nyaa nabm ka lapa nandon nɛɛ, “Wu yɔɔ keɓe kpang. Ruu kasɛ mɔɔ yaa ruu ɓuru Baraba naa.” Baraba keɓe, ɓi ka teteng zang ɓɔɔ ri hàá nyaa ka gari a zang nyɔ zang vɔrɔ ɓɛɛ.

Yɔhana 19:11

Yeesɔ kasɛ wu nyaa tɔɔ, “Mɔɔ nɛ̀ɛ́ zunung ɓɔɔ mɔɔ pàlɛ́ m vuu ɓɔɔ kpang, naa Laa nɛ̀ɛ́ a mɔɔ naa kpang ɓɛɛ. Ka ruu nɔngkɔ, vuu shi kpang zang ɓɔɔ ri a mɔɔ n ka naa kɔ, ɓa ɓɔɔ ɓaaɓɛ.”

Yɔhana 19:12

Ɓɔɔ Bilatu tãa naa weɓe, kãa gbalang nɛɛ wu yaa Yeesɔ naa. Zang Yahudi ri gòo nyaa, ri kɔɔ Bilatu tɔɔ, “Mɔɔ nɛɛ yaa wu naa tɔ, mɔɔ ɓáa Kayisa ɓeesang kpang. Zang ɓɔɔ ɓaa yuu ɓiɓɛ nɛɛ wu kpanti, ɓi zang ɓɔɔ shing jĩng nɛɛ Kayisa kpang ɓɛɛ.”

Yɔhana 19:15

Ri goo nyaa tɔɔ, “Nyɔ wu vɔrɔ ta, Nyɔ wu vɔrɔ ta. Ɓaa wu naa ka laa.” Bilatu hɛ̃ɛ ri tɔɔ, “Nɔɔ kasɛ tɔ n ɓaa kpanti manɛ naa ka laa ya?” Zang bang bang zang ɓɔɔ ri dɔɔ vuu ka Gãa Laa ri kasɛ wu nyaa tɔɔ, “Kpanti ɓuru ɓi Kayisa kɔ gbete.”

Yɔhana 7:39

Yeesɔ kɔɔ ruu keɓe, ɓi ka yuu Suru Laa ɓɔɔ Laa naa a zang ɓɔɔ ri shing danggn ka bii Yeesɔ ɓɛɛ. Ka laa kaɓa, bɛ̀ɛ́ Laa a ri Suru bii gn kpang, ka ruu ɓɔɔ bɛ̀ɛ́ zang wisi Yeesɔ paa gn nɛɛ sàa, zang a wu bannang kpang ɓɛɛ.

Zang Shonang Yeesɔ 22:14

Kɔɔ m tɔɔ, ‘Làá rɛɛ dabang ɓuru zɔ̃ng mɔɔ nɛɛ mɔɔ zi vuu ɓɔɔ wu kasɛ ɓɛɛ, nɛɛ mɔɔ zi zang shonang ɓiɓɛ ɓɔɔ tɔ̃ɔ ɓɛɛ, nɛɛ mɔɔ ti tãa ruu nɛɛ nyaa ɓiɓɛ.

Zang Shonang Yeesɔ 24:14

N kàsɛ́ nyaa katɔ ka tĩng ɓaaɓɛ nɛɛ, n bang Làá rɛɛ dabang ɓuru ka gbalang kɔ ri ɓaa nɛɛ shi kpang ɓɛɛ kɔ. N ti shing danggn ka vuu ɓɔɔ zang bee ka yeti labeenang nyaa dannang Musa nɛɛ ɓɔɔ labeenang rɛɛ zang nyaa shonang Laa.

Zang Shonang Yeesɔ 3:12

Ɓɔɔ Bituru zi zang, kɔɔ ri tɔɔ, “Rɛɛ manzung, zang Isirela nɔɔ mã naa ka danggn ka ruu vuu keɓe ka ruu viya, a nɔɔ tɛ̃ɛ rùu jĩ́ng ka bii nɔngkɔ viya? Nɔɔ kɔɔ nɛɛ ruu masɛ yɔɔ keɓe nɛɛ naa vuu palɛnang yuu ɓuru, kɔ́ ka ruu vuu tɔ̃ɔ ɓɔɔ ruu pálɛ̀ Laa ɓɛɛ ya?

Zang Shonang Yeesɔ 3:26

Laa wisi zang shonang ɓiɓɛ paa tɔ, a shong wu kaa bii manɛ kɔ shɔɔnang, tɔ̀ɔ, wu a nɔɔ tĩnang tãanang ka ɓɔɔ wu shing nɔɔ nandon, nɔɔ yaa gbalang vuu shi kpang manɛ ɓɛɛ.”

Zang Shonang Yeesɔ 4:27

Kpanti Hiridu nɛɛ kpanti Pontu Bilatu, ri kpalɛ yuu niizang ka gari keɓe nɛɛ zang ɓɔɔ ri zang Yahudi kpang, nɛɛ rɛɛ zang Isirela ka yuu Yeesɔ, zang shonang ɓaaɓɛ ɓɔɔ shi kpang kagn bii ɓiɓɛ kpang ɓɛɛ. Wukɔ Kirisi, zang ɓɔɔ mɔɔ zɔ̃ng ɓɛɛ.

Zang Shonang Yeesɔ 4:30

Dĩi naa ɓaaɓɛ mɔɔ masɛ zang. Mɔɔ a ruu naa, rúu palɛ vuu ɓɔɔ zang zirɛ zang mã naa ka danggn, nɛɛ nung Yeesɔ, zang shonang ɓaaɓɛ ɓɔɔ shi kpang ɓi kagn bii ɓiɓɛ kpang ɓɛɛ.”

Zang Shonang Yeesɔ 7:32

‘Nkɔ Làá rɛɛ dabang ɓaaɓɛ, Làá Ibirayi nɛɛ Ishaaku, nɛɛ Yakubu.’ Bii zàá Musa kana, ka ruu vɔrɔ ɓɔɔ wu kaa ɓɛɛ, a pɛ̃ɛrɛ nɔng bìí takpang.

Rooma 9:5

Ri ɓarɛ zɔ̃ng rɛɛ dabang ɓɔɔ ka tĩng tɛ̃ɛ tɛ̃ɛ ɓɛɛ. Kirisi ka bii shɔnzang ɓiɓɛ, nwangnɛ doo laa ɓarɛ kɔ. Zang wu dɔɔ Laa ta dòndòng, ɓɔɔ wukɔ kpanti ka yuu vuu piti ɓɛɛ. Nɔngkɔ.

Yahudi 2:9

A ruu zirɛ, Yeesɔ ɓɔɔ zang shíng wu zang nyaa shonang Laa ɓɔɔ ri ka lapa ri ɓá wu, a diki bee kaa takpang ɓee, zang a wu bannang nɛɛ dɔɔnang ka ruu jĩng ɓɔɔ wu dangnɛ a vɔrɛ ɓɛɛ. Vuu keɓe piti ɓi ka ruu tɔ̃ɔ ɓɔɔ Laa palɛ zang ɓɛɛ, shingnɛ Yeesɔ tãa naa ɓɔɔ vɔrɔ nwang ɓɛɛ ka nung zang piti.

Vuu ɓɔɔ zang nwangsɛ Yɔhana 1:18

Nkɔ ti zang ɓɔɔ ningkãari ɓɛɛ. Bɛ̀ɛ́ n vɔ katɔ, a kãntang keɓe, n kaa ningkãari dòndòng. Saka ɓɔɔ zang puu nyaa gãa zang ɓɔɔ daa nɔng vɔrɔ nɛɛ ɓɔɔ koo rɛɛ suru, ka naa mɛɛ kɔ.

Vuu ɓɔɔ zang nwangsɛ Yɔhana 1:5

Yeesɔ Kirisi ɓɔɔ kɔ̀ɔ́ ɓi ruu ɓɔɔ niizang diki diki ɓɛɛ, ɓɔɔ Laa wisi wukɔ paa shɔɔnang nɛɛ sàa, a wukɔ ti nwang kpanti ka yuu rɛɛ kpanti ɓɔɔ ka koo keɓe, wu palɛ nɔɔ tɔ̃ɔ jong, wu ti shingnɛ yeti manɛ wu valɛ katɔ. Yeesɔ ɓɔɔ kasɛ ruu katɔ, a vɔ ka ruu ɓuru nɛɛ, tɔ̀ɔ, zĩi ɓiɓɛ wu ta ruu kaa nɛɛ naa vuu shi kpang ɓɔɔ ruu palɛ ɓɛɛ.