Zang Shonang Yeesɔ 3:12 - Nyaa Shɔɔ Ɓɔɔ Laa a Ɓɛɛ

¹² Ɓɔɔ Bituru zi zang, kɔɔ ri tɔɔ, “Rɛɛ manzung, zang Isirela nɔɔ mã naa ka danggn ka ruu vuu keɓe ka ruu viya, a nɔɔ tɛ̃ɛ rùu jĩ́ng ka bii nɔngkɔ viya? Nɔɔ kɔɔ nɛɛ ruu masɛ yɔɔ keɓe nɛɛ naa vuu palɛnang yuu ɓuru, kɔ́ ka ruu vuu tɔ̃ɔ ɓɔɔ ruu pálɛ̀ Laa ɓɛɛ ya?

Zang Shonang Yeesɔ 3:12 ပူးပေါင်းရင်းမြစ်များ

Yɔhana 7:18

Zang ɓɔɔ rang yee ɓɔɔ yuu ɓiɓɛ, kã̀á ɓi yuu ɓiɓɛ bannang. Zang ɓɔɔ kã̀á zang ɓɔɔ shong wu bannang, ɓi zang ɓɔɔ palɛ vuu ɓɔɔ niizang ɓɛɛ. Nwáarɛ̀ zang ɓi kpang.

Zang Shonang Yeesɔ 13:26

“Rɛɛ manzung zɔ̃ng Ibirayi, nɛɛ rɛɛ zang ɓɔɔ nɔɔ zi Laa kpang, ɓɔɔ nɔɔ kaa vɔrɔ Laa kaa tɔ ɓɛɛ, zang shong rùu kɔ nyaa nɛɛ ruu, ɓɔɔ ta yuu ɓuru keɓe.

Zang Shonang Yeesɔ 2:22

“Nɔɔ ɓaa shoo ka ruu keɓe, rɛɛ manzung zang Isirela. Yeesɔ yɔɔ Nazara, zang ɓɔɔ Laa tùsù nɔɔ wu ka vuu bang bang ɓɔɔ zang zirɛ zang mã naa ka danggn, ɓɔɔ Laa palɛ nɛɛ naa ɓiɓɛ ka teteng manɛ ɓɛɛ. Naa ɓɔɔ nɔɔ ti zi tɔ ɓɛɛ.

Zang Shonang Yeesɔ 3:11

Ɓɔɔ bɛ̀ɛ́ yɔɔ yi rɛɛ Bituru nɛɛ Yɔhana dòo ka naa, zang dɔɔli ri mã naa ka danggn. A ri yuku ri daa ka bii ɓarɛ, ka nɔng ɓɔɔ zang ɓaa nɛɛ putali Sulemanu ɓɛɛ.

Zang Shonang Yeesɔ 3:13

Làá rɛɛ dabang ɓuru Ibirayi, nɛɛ Ishaaku, nɛɛ Yakubu kɔ a zang shonang ɓiɓɛ Yeesɔ bannang ɓɔɔ waa nyaa kpang ɓɛɛ. A nɔɔ a zang bang bang Yahudi wu nɛɛ zang nyɔ wu vɔrɔ. Nɔɔ bɛ̃ɛ wu ka tĩng kpanti Bilatu, ka ɓɔɔ Bilatu kɔ̀ɔ́yi tɔ nɛɛ wu yaa wu naa kaa tɔ ɓɛɛ.

Rooma 11:1

N hɛ̃ɛyi ɓɛɛ, Laa bɛ̃ɛ zang ɓiɓɛ tɔ ya? Kpang. N nɛɛ yuu mɛɛ, n zang Isirela, zɔ̃ng Ibirayi. N m nɛɛ doo laa Biliyaminu.

Rooma 9:4

Rikɔ zang Isirela, Laa shing ri, ri ràa wujɛ ɓiɓɛ, a tusu ri bannang ɓiɓɛ. Laa mã nyaa nɛɛ ri, a ri nyaa ɓɔɔ wu dangnɛ ɓɛɛ. Rikɔ zunung Laa bannang ka gbalang ɓɔɔ tɔ̃ɔ ɓɛɛ. A Laa ti a rikɔ nyaa.

2 Koranti 3:5

Vuu ɓɔɔ kagn ka bii ɓuru, ɓɔɔ shingnɛ ruu kɔɔyi nɛɛ, ruu zunung shonang keɓe palɛnang katɔ kpang. Kaka ɓuru a ɓi nɛɛ bii Laa.

Vuu ɓɔɔ zang nwangsɛ Yɔhana 7:13

A zang bang gbete hɛ̃ɛ m nɛɛ, “Zang kɔ ri hãlɛ fɔ̃ɔrɔ puru ɓee, mɔɔ zi ri nung tɔ ya? Mɔɔ ti zi nɔng ɓɔɔ ri alɛ nɛɛ mani tɔ ya?”