Zang Shonang Yeesɔ 3:11 - Nyaa Shɔɔ Ɓɔɔ Laa a Ɓɛɛ

¹¹ Ɓɔɔ bɛ̀ɛ́ yɔɔ yi rɛɛ Bituru nɛɛ Yɔhana dòo ka naa, zang dɔɔli ri mã naa ka danggn. A ri yuku ri daa ka bii ɓarɛ, ka nɔng ɓɔɔ zang ɓaa nɛɛ putali Sulemanu ɓɛɛ.

Zang Shonang Yeesɔ 3:11 ပူးပေါင်းရင်းမြစ်များ

Luka 22:8

Yeesɔ shɔng rɛɛ Bituru nɛɛ Yɔhana, a kɔɔ ri nɛɛ, “Nɔɔ daayi, nɔɔ daa shĩili ruu vuu shaanang nyaalaa ɓɔɔ zang kpaa danggn diki ɓɔɔ Laa tɛɛ ɓɛɛ. Naa ɓɔɔ ruu naa shaa ɓɛɛ.”

Luka 8:38

A yɔɔ ɓɔɔ suru shi kpang nwangnɛ bii ɓiɓɛ, gàa Yeesɔ tɔɔ, wu daa nɛɛ wu ning. Yeesɔ kasɛ kpang, a kɔɔ wu tɔɔ,

Yɔhana 10:23

a Yeesɔ rakɛ ɓi ka nɔng ɓɔɔ zang nwalɛ gn, ɓɔɔ zang ɓaa ka nung kpanti Sulemanu ɓɛɛ.

Zang Shonang Yeesɔ 2:6

Ɓɔɔ ri tãa yee keɓe, zang dɔɔli ri kpalɛ zɔɔ. Vuu keɓe kpãa ri dɔɔli, ka ruu ɓɔɔ, ri tãa zang ɓɔɔ ri shíng danggn tɔ keɓe ri rangkɛ yee nɛɛ nyaa ɓarɛ ɓɛɛ.

Zang Shonang Yeesɔ 3:12

Ɓɔɔ Bituru zi zang, kɔɔ ri tɔɔ, “Rɛɛ manzung, zang Isirela nɔɔ mã naa ka danggn ka ruu vuu keɓe ka ruu viya, a nɔɔ tɛ̃ɛ rùu jĩ́ng ka bii nɔngkɔ viya? Nɔɔ kɔɔ nɛɛ ruu masɛ yɔɔ keɓe nɛɛ naa vuu palɛnang yuu ɓuru, kɔ́ ka ruu vuu tɔ̃ɔ ɓɔɔ ruu pálɛ̀ Laa ɓɛɛ ya?

Zang Shonang Yeesɔ 3:3

Ɓɔɔ yɔɔ bìí zi Bituru nɛɛ Yɔhana, ri hãa nyaa kaa yeti Gãa Laa, a gaa vuu ka naa ɓarɛ.

Zang Shonang Yeesɔ 3:4

Ri shu yɔɔ jĩng ka bii, a Bituru kɔɔ wu tɔɔ, “Pɛ̃ɛrɛ ruu karɛ”

Zang Shonang Yeesɔ 5:12

Rɛɛ zang shonang Yeesɔ, ri palɛ vuu ɓɔɔ zang zirɛ zang mã naa ka danggn dɔɔli ka teteng zang. A zang ɓɔɔ ri shíng danggn tɔ ri kpálɛ́ zɔɔ diki diki ka nɔng gbete, ka nɔng ɓɔɔ zang ɓaa nɛɛ Putali Sulemanu ɓɔɔ ka Gãa Laa ɓɛɛ.