Zang Shonang Yeesɔ 28:8 - Nyaa Shɔɔ Ɓɔɔ Laa a Ɓɛɛ

⁸ Daa Babiliya roo ka latãng bii nwãa wu, a yeti ti tɔ̃̀ɔrɔ wu katɔ. Bulu daa ka yeti gãa ɓɔɔ wu roo ɓɛɛ, gaa wu Laa, a shìng wu naa ka bii, a vuu yaa wu nɔng.

Zang Shonang Yeesɔ 28:8 ပူးပေါင်းရင်းမြစ်များ

Matiyu 10:1

A Yeesɔ ɓaa nyaa ka zang ɓɔɔ ri mantɛ vuu ka bii ɓiɓɛ ɓɔɔ ri kopi tu ziti ɓɛɛ, nɛɛ ri arɛ. A á ri naa suru shi kpang nwangsɛnang, nɛɛ zɔ̃ng kɔnang piti masɛnang, nɛɛ vuu ɓɔɔ palɛ zang ka bii nandon.

Matiyu 10:8

Nɔ́ɔ ti masɛ zang kɔnang, nɛɛ zang ɓɔɔ vuu bii shaa ri katɔ ɓɛɛ. Nɔ́ɔ ti wisi zang ɓɔɔ ri vɔ katɔ paa. Nɔ́ɔ ti nwangsɛ suru shi kpang. Nɔɔ tà waati, nɔɔ á zang doo waati kɔ.

Matiyu 12:13

A Yeesɔ kɔɔ zang ɓɔɔ náa ɓakɛ katɔ tɔɔ, “Dĩi náa ɓaaɓɛ ta.” A dĩi náa ɓiɓɛ, a náa ɓiɓɛ nwang tɔ̃ɔ kaa tɔkn naa ɓɔɔ dang gbete.

Matiyu 9:18

Yeesɔ rang yee doo naa ka nyaa nɛɛ ri, yɔɔ zang bang Yahudi arɛ naa tang nɛɛ gutu ka tĩng ɓiɓɛ. A kɔɔ Yeesɔ tɔɔ, “Jaa mɛɛ ɓɔɔ soro kɔng vɔrɔ doo kãntang, arɛ mɔɔ daa ĩi wu naa ɓaaɓɛ jong ka bii, tɔɔ wu gãntɛ jĩng kati.”

Maraku 16:18

Naa ri yi sɔkɔ nɛɛ naa, kɔ ri ɓoo zɔ̃pɔ ɓɔɔ nyɔ zang katɔ, palɛ ri vuu ɓɔɔ kpang. Ri naa shing naa ɓarɛ ka bii zang ɓɔɔ vuu palɛ ri katɔ, bii zang kɔnang, wu ti yaa ri nɔng.”

Maraku 5:23

a gaa wu tɔɔ, “Jaa mɛɛ zang soro ɓɔɔ tɔkɔlɔng, vuu palɛ katɔ nung vɔrɔ gbete. Arɛ mɔɔ daa ĩi wu naa ɓaaɓɛ jong ka bii, tɔ̀ɔ, bii wu yaa wu nɔng.”

Maraku 6:5

Yeesɔ walɛ gbalang ɓɔɔ wu palɛ vuu ɓɔɔ zang zirɛ zang mã naa ka danggn ka nɔngkɔ kpang. Masɛ zang tɔkɔlɔng ɓɔɔ wu shing ri naa ka yuu ɓɛɛ kɔ shɛ̃ɛning.

Maraku 7:32

A zang atɛ wu zang shoo nɔɔ katɔ, a ti ráng nyaa rũntung. A ri gaa Yeesɔ nɛɛ wu shing wu naa ka bii, tɔ̀ɔ, wu masɛ wu kati.

Luka 13:13

A shìng jaa soro naa ɓiɓɛ ka bii, a bii jaa soro shiiri kaa tantɛnang, a jaa soro dɔɔ Laa kati.

Luka 4:40

Laa daa tɔ ka nyaa vàa, zang piti ɓɔɔ zang kɔnang ɓarɛ kagn, ri atɛ ri ka bii Yeesɔ. A Yeesɔ shĩli ri naa ka yuu nandon, a masɛ ri kati.

Zang Shonang Yeesɔ 28:7

Ka nɔng kɛɓɛ, gãa yɔɔ ɓɔɔ zang ɓaa wu nɛɛ Babiliya, kpanti tipi Malita kagn nɔng naabm. Ta ruu waasɛ̃, ti a ruu vuu shaanang, a ruu nwang zanti ka gãa ɓiɓɛ diki taati.

Zang Shonang Yeesɔ 28:9

Ɓɔɔ Bulu palɛ naa weɓe, zang kɔnang ɓɔɔ ri ka gari ri a nandon, a Bulu masɛ ri.

Zang Shonang Yeesɔ 9:40

Bituru nwangsɛ ri nɛɛ yeti gãa nandon, a tang ka tipi, gaa Laa, a raa jĩng ka vɔrɔ, a kɔɔyi tɔɔ, “Tabita, yupaa ta.” A Tabita puu jĩng, ɓɔɔ zi Bituru, yupaa nwang doopaa.

1 Koranti 12:28

Ka teteng zang ɓɔɔ ri dũng Laa ɓɛɛ, Laa kɔɔyi, nɛɛ zang ɓu wu nwangnɛ, shonang ɓiɓɛ kagn. Gaayu zɔ̃ngkɔ zang ɓɔɔ nɛɛ ri nwang zang shonang Yeesɔ Kirisi. A naa zɔ̃ngkɔ zang ɓɔɔ nɛɛ ri kɔɔ zang ruu ɓɔɔ Laa tusu ri ɓɛɛ. Ri ɓang knti zang tĩng. A zɔ̃ngkɔ zang ɓɔɔ nɛɛ ri màsɛ̀ zang kɔnang, ri ɓang knti. Zɔ̃ngkɔ zang ɓɔɔ nɛɛ ri yi zang naa ka bii. Nɛɛ zang ɓɔɔ ri nwang ɓarɛ zang bang ɓɔɔ ri yiti zang ɓɛɛ. A zang ɓɔɔ ri rang yee nɛɛ nyaa zang ɓɔɔ ri kpɛ̃ɛrɛ katɔ kpang nɛɛ náa ɓɔɔ Suru Laa a ri ɓɛɛ.

1 Koranti 12:9

Suru Laa a zang ɓɔɔ naa, ri shing danggn ka bii kpanti Yeesɔ, wu ti a zang ɓɔɔ naa ri masɛ zang kɔɔnang.