Zang Shonang Yeesɔ 28:22 - Nyaa Shɔɔ Ɓɔɔ Laa a Ɓɛɛ

²² Ruu kasɛ ruu tɔɔ ruu tãa vuu ɓɔɔ ka yeti ɓaaɓɛ ɓɛɛ. Ka ruu ɓɔɔ, ruu zi tɔ zang ráng ruu nɛɛ nɔng piti piti ka ruu gbalang keɓe.”

Zang Shonang Yeesɔ 28:22 ပူးပေါင်းရင်းမြစ်များ

Luka 2:34

Simiyon shìng ri naa ka yuu ɓarɛ, a gaa ri Laa kati. Kɔɔ Marayamu nàá Yeesɔ tɔɔ, “Laa zɔ̃ng jaa keɓe nɛɛ wu naa nwáng zang ɓɔɔ zang Isirela dɔɔli naa shaarɛ ka ruu ɓiɓɛ. Zang dɔɔli ti naa ta yuu ɓarɛ, ka ruu ɓiɓɛ. Wu ti naa nwáng zang ɓɔɔ zang rang wu katɔ ɓɛɛ.

Zang Shonang Yeesɔ 15:5

A zang ɓɔɔ ri shing danggn tɔ, ɓɔɔ ri ɓarɛ ka vaa zang Farisi ɓɛɛ, ri yupaa ri kɔɔyi tɔɔ, “Zang ɓɔɔ ri zang Isirela kpang ɓɔɔ ri shing danggn tɔ, ri yée shaa katɔ. Zang ti kɔɔ ri nɛɛ ri dũng nyaa ɓɔɔ Musa dang ɓɛɛ.”

Zang Shonang Yeesɔ 24:14

N kàsɛ́ nyaa katɔ ka tĩng ɓaaɓɛ nɛɛ, n bang Làá rɛɛ dabang ɓuru ka gbalang kɔ ri ɓaa nɛɛ shi kpang ɓɛɛ kɔ. N ti shing danggn ka vuu ɓɔɔ zang bee ka yeti labeenang nyaa dannang Musa nɛɛ ɓɔɔ labeenang rɛɛ zang nyaa shonang Laa.

Zang Shonang Yeesɔ 26:5

Naa ri tɔɔ ri kɔɔ ruu tɔ̃ɔ kɔ nwani, ri zi tɔ nɛɛ ɓɔɔ tĩng shɔɔnang n m zang Farisi, vàá zang ɓɔɔ ɓa rɛɛ vaa zang piti ɓɔɔ ka teteng zang ɓuru ka jĩng ɓɔɔ ri shing ka gbalang Laa dũnnang ɓuru gbãng gbãng ɓɛɛ.

Zang Shonang Yeesɔ 5:17

Kpanti zang ɓɔɔ ri dɔɔ vuu ka Gãa Laa, nɛɛ rɛɛ zang ɓɔɔ ri nɛɛ wu ɓɛɛ nandon, ɓɔɔ ri ɓarɛ zang Saduki ɓɛɛ, ri kaa sũnyaa, a gnvɔ shaa ri dɔɔli.

Rooma 1:8

N gaayu, n zãa Laa mɛɛ nɛɛ bii Yeesɔ Kirisi, ka ruu ɓɔɔ, zang koo nandon, ri rang ruu ka yuu danggn shinang manɛ ɓɛɛ.

1 Koranti 11:19

Nɔɔ basɛ zɔɔ katɔ, ka ruu ɓɔɔ, naa nɔngkɔ kpang, zang zi zang ɓɔɔ ri dũng Yeesɔ Kirisi nɛɛ yeti gbete kpang ɓɛɛ.

1 Bituru 2:12

Nɔɔ nwáng nwannang tɔ̃ɔ, tɔ̀ɔ, zang ɓɔɔ ri zi Laa kpang ri zirɛ. Ka ruu ɓɔɔ, naa ri rang yee shi kpang doo ka yuu manɛ, ri zili vuu tɔ̃ɔ ɓɔɔ nɔɔ palɛ ɓɛɛ, ri naa dɔ̀ɔ Laa ditɔ, ka diki ɓɔɔ wu naa a ka bii ɓarɛ ɓɛɛ.

1 Bituru 3:16

Ka ɓɔɔ nɔɔ kɔɔ zang Ruu Laa ɓɛɛ, nɔɔ tuu yuu manɛ katɔ kpang, nɔɔ seng zang katɔ. Nɔɔ ti pálɛ́ vuu ɓɔɔ nɔɔ zi ka yeti manɛ nɛɛ tɔ̃ɔ ɓɛɛ. Ka ruu ɓɔɔ, zang ɓɔɔ ri nɛɛ tɔɔ ri rang yee shi kpang ka yuu manɛ, yusɛ̃ɛ wu tuu ri ka ɓɔɔ ri dãlɛ nɔɔ ɓɛɛ. Ka ruu ɓɔɔ, ri naa zǐ nwannang manɛ ɓɔɔ daa naa ɓɔ̀ɔ́ zang ɓɔɔ ri dũng Kirisi ditɔ ɓɛɛ.