Zang Shonang Yeesɔ 28:20 - Nyaa Shɔɔ Ɓɔɔ Laa a Ɓɛɛ

²⁰ N ɓaa nɔɔ nyaa ka ruu ɓiɓɛ kɔ n tɔɔ n rang yee nɛɛ nɔɔ. Ka ruu ɓɔɔ, zang mã m nɛɛ saka keɓe, ka ruu zang ɓɔɔ zang Isirela ri shing gn ka bii ɓiɓɛ kɔ ɓɛɛ.”

Zang Shonang Yeesɔ 28:20 ပူးပေါင်းရင်းမြစ်များ

Zang Shonang Yeesɔ 10:29

Ka ruu nɔngkɔ, ɓɔɔ zang shong nyaa, n laa nyaa kpang, n tantɛ anang. Ń hɛ̃ɛ nɔɔ, nɔɔ shong nyaa ka ruu viya?”

Zang Shonang Yeesɔ 10:33

A n tantɛ nyaa kaa shonang ka bii ɓaaɓɛ. Mɔɔ ti pálɛ́ tɔ̃ɔ tɔ, ka ɓɔɔ mɔɔ arɛ ɓɛɛ. Wee ruu kpalɛ zɔɔ tɔ nandon ka tĩng Laa ɓee, kɔɔ ruu vuu ɓɔɔ Laa kɔɔ mɔɔ nɛɛ mɔɔ kɔɔ ruu ɓɛɛ ta.”

Zang Shonang Yeesɔ 21:33

Zang bang sɔɔja bìí daa ka bii Bulu naabm a yi wu. Kɔɔ zang nɛɛ zang ri mã wu nɛɛ soo saka ziti. A hɛ̃ɛ zang nɛɛ, “Yɔɔ keɓe ɓu wiya, á palɛ zang viya?”

Zang Shonang Yeesɔ 23:6

Bulu zirɛ nɛɛ zang ɓɔɔ ri jɛ̃ɛ ruu keɓe vaa ɓarɛ ziti. Nyaa dang gbete zang Saduki, nyaa dang gbete ɓi kaa rɛɛ Farisi. A mɛɛ nyaa ka nɔng ruu jɛ̃ɛnang tɔɔ, “Rɛɛ manzung, n zang Farisi, n ti jaa rɛɛ Farisi. Zang nɛɛ zang jɛ̃ɛ m ruu ka ruu danggn ɓɔɔ n shingnɛ nɛɛ zang nɛɛ vɔ tɔ zang naa seepaa ditɔ nɛɛ saa ɓɛɛ.”

Zang Shonang Yeesɔ 24:15

N ti shing danggn m doo nɔngkɔ, ka bii Laa, naa ɓɔɔ zang keɓe ri shing ɓɛɛ, nɛɛ zang tɔ̃ɔ, nɛɛ zang shi kpang, Laa naa wisi ri paa katɔ nɛɛ sàa.

Zang Shonang Yeesɔ 26:29

Bulu kasɛ wu nyaa tɔɔ, “Naa nwannang ɓuru bee katɔ kɔ tɔkɔlɔng, n gaa Laa m, n tɔɔ, mɔɔ nɛɛ zang kɔ ri ɓaa shoo, ri tãa m lɛ̀ɛ́kɔ keɓe, ri nwang naa ɓɔɔ n nwang ɓɛɛ nandon. Wu naa ɓɔɔ zang mã m nɛɛ soo saka keɓe kpang.”

Zang Shonang Yeesɔ 28:17

Diki ɓuru daa tɔ taati, a Bulu kpalɛ rɛɛ zang bang bang zang Yahudi ɓɔɔ ri ka gari ɓɛɛ. Ri kpalɛ zɔɔ, a kɔɔ ri tɔɔ, “Rɛɛ manzung, n pálɛ̀ rɛɛ zang ɓuru vuu ɓɔɔ kagn kpang. N ti shii bàng nɛɛ gbalang ɓɔɔ rɛɛ dabang ɓuru tusu ruu kpang. Zang mã m ka sãa ka Urushalima, a zang tuu m zang a zang Rooma.

Afisa 3:1

Ka ruu vuu keɓe kɔ, n gàá Laa, nkɔ Bulu ɓɔɔ zang mã m ka sãa ka ruu Yeesɔ Kirisi, ka ruu manɛ, zang ɓɔɔ ri zang Isirela kpang ɓɛɛ.

Afisa 4:1

Ka ruu nɔngkɔ, ǹ ɓɔɔ, zang mã m ka sãa ka ruu ɓɔɔ ǹ palɛ Kpanti Yeesɔ shonang ɓɛɛ, n kɔ̀ɔ́ nɔɔ, nɔɔ nwang nwannang ɓɔɔ daa naa nyaa ɓaanang ɓɔɔ Laa ɓàa nɔɔ ɓɛɛ.

Afisa 6:20

Zang shong m ka ruu Ruu Tɔ̃ɔ keɓe kɔ, a zang mã m ka sãa. Ka ruu nɔngkɔ, nɔɔ gaa m Laa, wu shingnɛ, n rang yee keɓe naa ɓɔɔ n kasɛ ɓɛɛ, n kaa vɔrɔ kpang.

Filipi 1:13

Vuu keɓe kɔ shingnɛ sɔɔja nandon ɓɔɔ ri gã gãa kpanti Rooma nɛɛ zang ɓɔɔ nandon, ri zi kati nɛɛ zang mã m ka sãa, ka ruu ɓɔɔ, n dũng Kirisi ɓɛɛ.

Kolosi 4:18

Nkɔ Bulu, n bèe nyaa jeerenang keɓe nɛɛ naa mɛɛ. Danggn wu ning nɔɔ kpang, nɔɔ gàa m Laa katɔ, ka ruu ɓɔɔ, n doo ka sãa ɓɛɛ. Laa wu pàlɛ̀ nɔɔ tɔ̃ɔ.

2 Timoti 1:10

A kãntang keɓe naa nwàngsɛ̀ rùu tɔ̃ɔ ɓiɓɛ kaa nɛɛ anang Yeesɔ Kirisi, zang ɓɔɔ wukɔ ta yuu ɓuru ɓɛɛ. Yeesɔ Kirisi ɓɔɔ wukɔ ɓa kaka vɔrɔ, a nwangsɛ ruu suru bii nɛɛ nwannang ɓɔɔ gbinggbing ɓɛɛ, ka gbalang Ruu Tɔ̃ɔ Laa.

2 Timoti 2:9

Ka ruu ɓɔɔ, n kɔɔrɔ zang Ruu Tɔ̃ɔ Laa, n dang jĩng, a zang ti mã m nɛɛ saka, mɔɔ kɔɔ nɛɛ ǹ zang ɓɔɔ palɛ vuu shi kpang ɓɛɛ. A zang mã Ruu Laa bìí, ɓi kaa tɔ̀ɔ́ katɔ kpang.

Filimon 1:10

N gaa mɔɔ ka ruu Onesimu ɓɔɔ nwang kaa naa jaa mɛɛ, ka wee zang mã m ka sãa ɓee.

Filimon 1:13

Bɛ̀ɛ́ n kasɛ n tɔɔ wu nwang nɛɛ n ka nihn, wu pàlɛ̀ m shonang ka nung ɓɔɔ mɔɔ nɛɛ pàlɛ̀ m ɓɛɛ. Ka wee n nwang ka sãa ka ruu Ruu Tɔ̃ɔ Laa ɓɔɔ n kɔɔrɔ ɓɛɛ ɓee.