Zang Shonang Yeesɔ 28:2 - Nyaa Shɔɔ Ɓɔɔ Laa a Ɓɛɛ

² Zang nɔng bìí ri palɛ ruu tɔ̃ɔ dɔɔli. Mii a kana, a sɔɔrɔ ti si katɔ, ka ruu nɔngkɔ, ri tee ruu waa. A ri ti jee ruu nyaa waasɛ̃.

Zang Shonang Yeesɔ 28:2 ပူးပေါင်းရင်းမြစ်များ

Matiyu 10:42

N kɔɔ nɔɔ ruu ɓɔɔ niizang kɔ nwani, zang piti ɓɔɔ a jaa gbete ka teteng wujɛ seseere keɓe mii valabm, ka ruu ɓɔɔ, jaa keɓe mantɛ vuu ka bii mɛɛ ɓɛɛ, zang kaɓa naa ta vuu tɔ̃ɔ ɓɔɔ Laa shing wu ɓɛɛ katɔ.”

Yɔhana 18:18

Sɔ̀ɔrɔ́ si katɔ, a rɛɛ zang ɓɔɔ ri palɛ zang shonang nɛɛ zang ɓɔɔ ri gã gãa, ri dɔɔ waa. Ri shiiri kaa nyaa waa nɛɛ waa wu nwãa ri bii. Bituru dàa kaa jong, dàa shii nɛɛ ri, nɛɛ waa wu nwãa wu bii jong.

Zang Shonang Yeesɔ 27:3

Ɓɔɔ nɔng naa gãntɛ, ruu shɛ̃ɛ gari Sidong. Yuliya palɛ Bulu tɔ̃ɔ. Yaa wu nɛɛ wu daa jee rɛɛ ɓeesang nyaa nɛɛ tɔɔ, ri a wu vuu ɓɔɔ wu kasɛ ɓɛɛ.

Zang Shonang Yeesɔ 28:3

Bulu kpalɛ sãnsãng laa a mãrɛ nɛɛ wu loo kaa waa. A sɔkɔ tãa waa, nwangnɛ yeti sãnsãng laa. A kengtɛ ka naa Bulu.

Zang Shonang Yeesɔ 28:4

Ɓɔɔ zang gari Malita ri zi sɔkɔ ka naa Bulu, ri kɔɔrɔ zɔɔ tɔɔ, “Yɔɔ kaɓa zang ɓɔɔ nyɔkɔ zang vɔrɔ ɓɛɛ. Wɔ tɔ nɛɛ waapo, shi kpang ɓɔɔ wu palɛ zang dṹng wu doo naa, vɔ ditɔ nɛɛ mani.”

Rooma 1:14

N m zang ɓɔɔ pàlɛ́ zang piti shonang ɓɛɛ, zang Heleni nɛɛ zang ɓɔɔ ri zang Heleni kpang ɓɛɛ, zang ɓɔɔ ri bèe laa katɔ nɛɛ zang ɓɔɔ ri bèe laa kpang ɓɛɛ.

Rooma 14:1

Zang ɓɔɔ nɛɛ shing danggn doo rɛ̃rɛkɛ, nɔɔ ta wu katɔ ka teteng manɛ. Nɔ́ɔ laa nyaa kaa tɔ̀ɔ́ nɛɛ wu ka ruu vuu ɓɔɔ nɔɔ kasɛ nɛɛ wu palɛ, nɛɛ vuu ɓɔɔ wu kasɛ nɛɛ wu palɛ ɓɛɛ kpang.

Rooma 14:3

Zang ɓɔɔ shaa vuu piti keɓe, wu tɔɔ kpang nɛɛ wu ɓa zang ɓɔɔ shaa ɓi sɔ̃ngkɔ keɓe katɔ kpang. Zang ɓɔɔ shaa ɓi sɔ̃ngkɔ, wu ti dɔng zang ɓɔɔ shaa vuu piti ruu kpang, nɛɛ wu palɛ vuu shi kpang tɔ, ka ruu ɓɔɔ, wu bɛ̃ɛ vuu ɓi gbete kpang ɓɛɛ kpang. Ka ruu ɓɔɔ, Laa tá wu ɓi tɔ ɓɛɛ.

Rooma 2:27

Ka ruu nɔngkɔ, zang ɓɔɔ ri yee shaa ɓarɛ kpang, ri naa ɓa nɔɔ ditɔ zang Yahudi, ri nɛɛ dũng nyaa ɓɔɔ Laa dang katɔ ɓɛɛ. Ka ruu ɓɔɔ, nɔkɔ zi nyaa ɓɔɔ Laa dangnɛ, a zang ti yee nɔɔ shaa katɔ, a nɔɔ tá nyaa ɓɔɔ Laa dang ɓɛɛ katɔ ɓɛɛ.

1 Koranti 14:11

N nɛɛ tãa nyaa ɓɔɔ zang rang m kpang, n nwang kaa naa zang zanti ka bii zang ɓɔɔ rang m yee bii ɓɛɛ, a zang ɓɔɔ rang m yee kɛɓɛ ti nwang kaa naa zang zanti kɔ doori ka nɔng mɛɛ.

2 Koranti 11:27

N lee tɔ, ka nɔng ɓɔɔ n palɛ shonang gbãng gbãng ɓɛɛ. Diki mɛɛ dɔɔli n roo hingro kpang. Lee ɓɔɔ n shaa vuu kpang, n ti ɓoo mii kpang. Diki mɛɛ dɔɔli vuu shaanang daa nyaa mɛɛ kpang. Sɔ̀ɔrɔ́ ti si m, a fɔ̃ɔrɔ ɓɔɔ n hãa ka bii kpang.

Kolosi 3:11

Ka ruu nɔngkɔ, Laa basɛ teteng zang ɓɔɔ ri zang Isirela nɛɛ zang ɓɔɔ ri zang Isirela kpang kpàng. Zang ɓɔɔ ri yee shaa katɔ, nɛɛ zang ɓɔɔ ri yee shaa kpang, kpang, zang ɓɔɔ jĩng ɓarɛ puu gn kpang, nɛɛ zang ɓɔɔ ri shaa yɔpɔ shɔnzang ɓɛɛ kpang, basɛ teteng jaafoo nɛɛ zang ɓɔɔ ri jaa gãa ɓɛɛ kpang. Yeesɔ Kirisi kɔ, ɓi kaa vuu piti, wukɔ ɓi ka yeti vuu piti.

Yahudi 13:2

Nɔɔ yaa zang zanti tanang ka gãa manɛ kpang, Ka ruu ɓɔɔ, zang ɓɔɔ ri pálɛ́ nɔngkɔ, a ri ta zang nyaa shonang Laa ɓɔɔ ri ka lapa ɓɛɛ tɔ̃ɔ, ri zi kpang.