Zang Shonang Yeesɔ 28:16 - Nyaa Shɔɔ Ɓɔɔ Laa a Ɓɛɛ

¹⁶ Ɓɔɔ ruu shɛ̃ɛ Rooma, zang yáa Bulu nɛɛ wu nwang ɓi ka bm nɛɛ sɔɔja ɓɔɔ gã wu ɓɛɛ.

Zang Shonang Yeesɔ 28:16 ပူးပေါင်းရင်းမြစ်များ

Zang Shonang Yeesɔ 18:2

Bulu ĩi yɔɔ Yahudi ɓɔɔ kagn ka gari Koranti zang ɓaa wu nɛɛ Akpiila nɛɛ ɓeeso Pirisila. Akpiila ɓi zang gari Pontu. Wee nɛ́ɛ a doo naa nɛɛ Italiya ɓɛɛ, ka ruu ɓɔɔ, kpanti Kaladiyu dang nyaa nɛɛ zang Yahudi nandon, ri yaa Rooma ta ɓɛɛ. Bulu daayi nɛɛ wu daa leng ri.

Zang Shonang Yeesɔ 19:21

Ka knti ɓɔɔ vuu keɓe palɛ tɔ nɔngkɔ, Bulu kɔɔ ka yeti ɓiɓɛ nɛɛ wu sɔɔ nɛɛ tipi Makidoniya nɛɛ tipi Akaya wu daa kaa Urushalima. A ti kɔɔyi nɛɛ, “N nɛɛ daa tɔ Urushalima, n daa katɔ, n daa zi Rooma.”

Zang Shonang Yeesɔ 2:10

nɛɛ tipi Fijiya, nɛɛ ɓɔɔ Pamfiliya, nɛɛ tipi Masara, nɛɛ ɓɔɔ kiiri Kiranɛ nyaa ka teteng ɓɔɔ ɓi tipi Libiya ɓɛɛ, nɛɛ zang zanti ɓɔɔ ri álɛ́ nɛɛ gari Rooma ɓɛɛ, ri ɓarɛ zang Yahudi a ɓɔɔ kaa zang ɓɔɔ ri risi yuu ɓarɛ nɛɛ ri kaa dòo zang Yahudi kɔ doori ɓɛɛ.

Zang Shonang Yeesɔ 23:11

Nɛɛ zĩi kpanti Yeesɔ naa shii ka kagn Bulu kɔɔ wu tɔɔ, “Mã danggn kagn. Mɔ̀ɔ kɔɔ zang ruu tɔ̃ɔ, ka yuu mɛɛ ka Urushalima keɓe, mɔɔ daa kɔɔ zang ditɔ nɔngkɔ tɔkn ka Rooma.”

Zang Shonang Yeesɔ 24:23

A kɔɔ zang bang sɔɔja ɓɔɔ Bulu ka naa ɓiɓɛ ɓɛɛ, nɛɛ wu shing zang, zang gã Bulu waasɛ̃, zang yaa wu katɔ wu palɛ vuu ɓɔɔ wu kasɛ ɓɛɛ. Zang ti yáa rɛɛ ɓeesang ri pàlɛ̀ wu vuu ɓɔɔ wu kasɛ ɓɛɛ katɔ.

Zang Shonang Yeesɔ 27:3

Ɓɔɔ nɔng naa gãntɛ, ruu shɛ̃ɛ gari Sidong. Yuliya palɛ Bulu tɔ̃ɔ. Yaa wu nɛɛ wu daa jee rɛɛ ɓeesang nyaa nɛɛ tɔɔ, ri a wu vuu ɓɔɔ wu kasɛ ɓɛɛ.

Zang Shonang Yeesɔ 27:31

A Bulu kɔɔ zang bang sɔɔja nɛɛ rɛɛ sɔɔja ɓɔɔ ri nɛɛ wu ɓɛɛ tɔɔ, “Zang ɓɔɔ ri zaa laana keɓe ri nɛɛ nwàng ka yeti laana kpang, nɔɔ wɔ kpang.”

Zang Shonang Yeesɔ 27:43

Zang bang sɔɔja kasɛ nɛɛ wu ta yuu Bulu, ka ruu nɔngkɔ, zãa ri nɛɛ ri nyɔkɔ zang bìí vɔrɔ kpang. Kɔɔ ɓi katɔ kɔ jong nɛɛ zang ɓɔɔ ri nɛɛ zunung zaa mii waanang tɔ, rikɔ ri gaayu shɔɔnang, ri zaa ka mii, ri waa zaa mii, ri daa nyaa gãnggãng.

Vuu ɓɔɔ zang nwangsɛ Yɔhana 17:18

“Jaa soro ɓɔɔ mɔɔ zi ɓɛɛ, wukɔ gari bang kaɓa, ɓɔɔ roo kpanti ka yuu rɛɛ kpanti ɓɔɔ ka koo ɓɛɛ.”

Vuu ɓɔɔ zang nwangsɛ Yɔhana 17:9

“Vuu keɓe ɓi zang ɓɔɔ zũng katɔ a ti zi vuu dɔɔli ɓɛɛ zirɛ. Rɛɛ yuu manziti kaɓa, ɓi rɛɛ jaa kɔpɔ manziti ɓɔɔ jaa soro kaɓa nwang kagn ɓɛɛ.