Zang Shonang Yeesɔ 27:24 - Nyaa Shɔɔ Ɓɔɔ Laa a Ɓɛɛ

²⁴ A kɔɔ m tɔɔ, ‘Bulu, mɔɔ kaa vɔrɔ kpang, mɔɔ daa shii ditɔ ka tĩng Kayisa. Laa ɓɔɔ palɛ ɓi tɔ̃ɔ ɓɛɛ, ti ta yuu rɛɛ zang ɓɔɔ mɔɔ daa nɛɛ ri ka yeti laana nandon ri vɔ kpang.’

Zang Shonang Yeesɔ 27:24 ပူးပေါင်းရင်းမြစ်များ

Matiyu 10:18

Zang ti naa gɔ̃ nɔɔ, zang daa nɔng ka tĩng rɛɛ gɔmna nɛɛ rɛɛ Kpanti, ka ruu mɛɛ. Nɔɔ ti naa rǎng ri yee Laa ditɔ nɛɛ zang ɓarɛ nandon.

Matiyu 10:28

Nɔ́ɔ kaa vɔrɔ zang ɓɔɔ ri nyɔ gãmpãng bii, a ri zunung ɓɔɔ ri nyɔ suru bii kpang ɓɛɛ kpang. Nɔɔ Kaa vɔrɔ Kpanti Laa ɓɔɔ nyɔ gãmpãng bii nɛɛ suru bii piti, ka nɔng ɓɔɔ waa ning ɓi jong kpang ɓɛɛ.

Yɔhana 11:9

Yeesɔ kɔɔ ri tɔɔ, “Laa nɛɛ nwáng tɔ, palɛ saka kopi tu ziti tɔɔ wu hãa nyaa kpang ya? Zang ɓɔɔ rakɛ nɛɛ laagɛ̃, kpaa doo ɓi kpang, ka ruu ɓɔɔ, vuu ɓɔɔ yakɛ koo, yakɛ nɔng katɔ ɓɛɛ.

Zang Shonang Yeesɔ 19:21

Ka knti ɓɔɔ vuu keɓe palɛ tɔ nɔngkɔ, Bulu kɔɔ ka yeti ɓiɓɛ nɛɛ wu sɔɔ nɛɛ tipi Makidoniya nɛɛ tipi Akaya wu daa kaa Urushalima. A ti kɔɔyi nɛɛ, “N nɛɛ daa tɔ Urushalima, n daa katɔ, n daa zi Rooma.”

Zang Shonang Yeesɔ 23:11

Nɛɛ zĩi kpanti Yeesɔ naa shii ka kagn Bulu kɔɔ wu tɔɔ, “Mã danggn kagn. Mɔ̀ɔ kɔɔ zang ruu tɔ̃ɔ, ka yuu mɛɛ ka Urushalima keɓe, mɔɔ daa kɔɔ zang ditɔ nɔngkɔ tɔkn ka Rooma.”

Zang Shonang Yeesɔ 25:11

Naa n ta nyaa dannang, kɔ́ n palɛ vuu ɓɔɔ daa naa ɓɔɔ zang nyɔ m vɔrɔ tɔ, n tɔ́ɔ kpàng nɛɛ n yuu vɔrɔ kpang. Nyaavaa kɔ ri ɓaa m nɛɛ niizang kpang, n zi zang ɓɔɔ a ri n kpang. N kasɛ nɛɛ zang daa nɛɛ ruu mɛɛ ka tĩng Kayisa.”

Zang Shonang Yeesɔ 27:31

A Bulu kɔɔ zang bang sɔɔja nɛɛ rɛɛ sɔɔja ɓɔɔ ri nɛɛ wu ɓɛɛ tɔɔ, “Zang ɓɔɔ ri zaa laana keɓe ri nɛɛ nwàng ka yeti laana kpang, nɔɔ wɔ kpang.”

Zang Shonang Yeesɔ 27:37

Ɓɔɔ ruu ka yeti laana nandon, ruu laa maani dakn ziti, tu laa taati tu kopi, tu mangbete.

Zang Shonang Yeesɔ 27:42

Sɔɔja ri tɔ̀ng zɔɔ nɛɛ ri nyɔkɔ zang ɓɔɔ zang mãlɛ ka sãa, ɓɔɔ ri ka yeti laana ɓɛɛ vɔrɔ, ka ruu ɓɔɔ, ri nɛɛ zaarɛ ka mii, ri waa zaa mii, ri daa nyaa gãnggãng, ri yuku ɓɛɛ.

Zang Shonang Yeesɔ 27:44

Zang ɓɔɔ ri yaa knti ri yiki naa ɓarɛ kaa laa yeenang, a zang ɓɔɔ ri yiki laa ɓɔɔ sãkɛ nɛɛ bii laana ri nwáng nyaa gãnggãng ɓarɛ kati ka knti ɓarɛ. Wee naa ɓɔɔ ruu nwang nyaa gãnggãng nandon, vuu ɓɔɔ lee ruu naa bii kpang ɓɛɛ kɔ.

Zang Shonang Yeesɔ 9:15

A Kpanti Yeesɔ kɔɔ wu tɔɔ, “Dita ka ruu ɓɔɔ n zɔ̃́ng wu tɔ, nɛɛ wu pàlɛ̀ m shonang ɓɛɛ. Wu daa kɔɔrɔ zang ɓɔɔ ri zang Isirela kpang, nɛɛ rɛɛ kpanti ɓarɛ, nɛɛ zang Isirela, ruu mɛɛ kati ɓɛɛ.

Filimon 1:22

Shĩli m yeti gãa katɔ gbete, ka ruu ɓɔɔ, n shing gn mɔ̀ɔ kɔɔ nɛɛ Laa kàsɛ́ nɔɔ nyaa ɓɔɔ nɔɔ gaa wu katɔ. Wu a nɔɔ n tɔkn.

Yakubu 5:16

Ka ruu nɔngkɔ, nɔɔ kɔɔ zɔɔ vuu shi kpang manɛ katɔ, nɔ́ɔ gaa zɔɔ Laa, tɔɔ nɔ́ɔ valɛ. Laa gaanang zang ɓɔɔ ɓi zang tɔ̃ɔ ka tĩng Laa palɛ vuu bang bang dɔɔli.

Vuu ɓɔɔ zang nwangsɛ Yɔhana 1:17

Ɓɔɔ n zi wu, n watɛ ka tĩng ɓiɓɛ naa zang ɓɔɔ vɔ katɔ ɓɛɛ. A arɛ shing nakn ɓiɓɛ ka bii mɛɛ, a kɔɔ m nɛɛ “Mɔɔ kaa vɔrɔ kpang, Nkɔ zang tĩng shɔɔnang, nkɔ ti gɔɔ zang nyaa.