Zang Shonang Yeesɔ 27:20 - Nyaa Shɔɔ Ɓɔɔ Laa a Ɓɛɛ

²⁰ Diki bee tɔ, ruu zi làa kɔ rɛɛ sang kpang. Jasung ti ra ɓi doo naa gbãng gbãng. Ruu rɛ̃rɛ ɓuru takpang, nɛɛ ruu nwáng ditɔ ningkãari tɔkn kpang.

Zang Shonang Yeesɔ 27:20 ပူးပေါင်းရင်းမြစ်များ

Matiyu 24:29

“Jĩng dannang bang kaɓa nɛɛ waa nyaa tɔ hn, “ ‘laa kɔ ruu zi ka lapa ɓee, naa tɔ̀ɔ katɔ, shala ti naa yàkɛ̀ nɔng takpang sang ri ti naa shili nɛɛ lapa, vuu ɓɔɔ ka lapa piti naa rùutú katɔ.’

Zang Shonang Yeesɔ 27:19

Ka lee ɓɔɔ diki daa taati, ri vang vuu ɓɔɔ zang palɛ shonang nɛɛ mani nɛɛ naa ɓarɛ ka mii.

Zang Shonang Yeesɔ 27:21

Diki bee tɔ tɔkɔlɔng ri shaa vuu shaanang ka nyaa kpang, a Bulu shii ka tĩng ɓarɛ kɔɔ ri tɔɔ, “Rɛɛ masang naa nɔɔ nɛɛ ɓaa shoo ka nyaa mɛɛ, nɔɔ nɛɛ yupaa nɛɛ gari Karita kpang. Vuu kɔ ruu làsɛ́ a ruu looro ɓee, ruu nɛɛ palɛ kpang.

2 Koranti 11:25

Zang Rooma ri nyɔ m tɔ nɛɛ gbãa doo taati. Zang ti luku m nɛɛ tari doo gbete. Laana ɔ̃ɔ tɔ nɛɛ ruu doo taati. Diki ɓɔɔgn ɓɔɔ laana ɔ̃ɔyi, ruu yi naa laa ka mii, mii tuu ruu daa nɛɛ ruu, nɔng laagɛ̃ gbete nɛɛ nɔng zĩi gbete.

Afisa 2:12

Ka laa kaɓa, bɛ̀ɛ́ nɔɔ shing danggn gň ka bii Yeesɔ Kirisi kpang. Bɛɛ nɔɔ manɛ zang zanti, ka tipi Isirela, a nɔɔ manɛ ka teteng zang Laa kpang. Rɛɛ nyaa ɓɔɔ Laa mã nɛɛ zang ɓiɓɛ, a á ri nyaa kagn, ɓi ɓɔɔ manɛ kpang. Nɔɔ nwang manɛ ka koo keɓe, vuu ɓɔɔ zang shing gn kagn ɓɛɛ kpang, a Laa manɛ ti kagn kpang.

1 Tesalonika 4:13

Rɛɛ manzung ɓuru, ruu kasɛ nɛɛ nɔɔ zi vuu ɓɔɔ niizang ka yuu zang ɓɔɔ ri vɔlɔ tɔ ɓɛɛ. Tɔ̀ɔ, nɔɔ lasɛ yeti kaa tɔ̀ɔ́ sasak naa zang ɓɔɔ ri shing gn ka bii Laa kpang ɓɛɛ, ri lasɛ yeti ɓɛɛ kpang.