Zang Shonang Yeesɔ 26:22 - Nyaa Shɔɔ Ɓɔɔ Laa a Ɓɛɛ

²² Làá kɔ yi m naa ka bii sasak, a nɛɛ mani ka lɛɛkɔ kɔ n kɔɔ rɛɛ zang bang nɛɛ wujɛ piti ɓee. N kɔɔ m doo vuu ɓɔɔ rɛɛ zang nyaa shonang Laa nɛɛ Musa ri kɔɔyi nɛɛ naa palɛ ɓɛɛ kɔ.

Zang Shonang Yeesɔ 26:22 ပူးပေါင်းရင်းမြစ်များ

Matiyu 26:24

Jaa Shɔnzang naa vɔ katɔ naa ɓɔɔ Labeenang Kpanti Laa kɔɔ ɓɛɛ. A jĩng dannang kagn yuu zang ɓɔɔ naa nyɔ yuu Jaa Shɔnzang ɓɛɛ. Zang nɛɛ yi zang kaɓa kpang kɔ gbã̀ágbãa, wukɔ nɛɛ daa wu.”

Luka 16:28

Jaa nàá mɛɛ zang varɛ kagn maani, wu daa shaarɛ ri nyaa, ka ruu ɓɔɔ, ri nɛ̀ɛ́ a jong ka nɔng jĩng dannang keɓe ɓɛɛ.’

Luka 24:27

A Yeesɔ kɔɔrɔ ri vuu ɓɔɔ zang bee ka labeenang Laa ka yuu ɓiɓɛ kati. Gaayu nɛɛ labeenang ɓɔɔ Musa beere ɓɛɛ, a à nɔng ka yuu ɓɔɔ rɛɛ zang nyaa shonang Laa nandon ri beere ɓɛɛ.

Luka 24:44

A rang yee nɛɛ ri tɔɔ, “Wee yee mɛɛ ɓɔɔ n ràng nɔɔ bɛ̀ɛ́ n doo nɛɛ nɔɔ ning ɓɛɛ. N kɔɔ nɔɔ nɛɛ, vuu ɓɔɔ zang bee ka yuu mɛɛ ka yeti labeenang nyaa dannang Laa ɓɔɔ Musa, nɛɛ labeenang rɛɛ zang nyaa shonang Laa, a ɓɔɔ labeenang kpanti Dawuda ɓɔɔ zang ɓaa nɛɛ Zabura ɓɛɛ, nwang ditɔ niizang nandon.”

Luka 24:46

A kɔɔ ri nɛɛ, “Wee vuu ɓɔɔ zang bee ɓɛɛ, Kirisi dang jĩng, wu ti vɔrɛ, diki nɛɛ daa tɔ taati, wu yupaa nɛɛ sàa.

Yɔhana 1:17

Naa ɓɔɔ nyaa dannang Laa a nɛɛ bii Musa, tɔ̃ɔ palɛnang Laa, nɛɛ ruu ɓɔɔ niizang, a ɓi kaa nɛɛ bii Yeesɔ Kirisi.

Yɔhana 1:45

Filibu ti naa ĩi Natanalu, a kɔɔ wu tɔɔ, “Ruu ĩi zang ɓɔɔ Musa bee vuu ka yuu ɓiɓɛ ka yeti labeenang nyaa dannang Laa, a zang nyaa shonang Laa ri ti bee jong tɔ. Zang keɓe, wukɔ Yeesɔ yɔɔ Nazara, jaa Yusufu.”

Yɔhana 5:39

Nɔɔ ĩi jĩng ka ɓɔɔ nɔɔ gã labeenang waasɛ̃, ka ruu ɓɔɔ, nɔɔ kɔɔ nɛɛ nɔɔ wàlɛ́ suru bii ɓɔɔ waa nyaa kpang katɔ kagn ɓɛɛ. Labeenang Laa keɓe, kɔɔ ruu ka yuu mɛɛ kɔ.

Yɔhana 5:46

Naa nɔɔ nɛɛ shing danggn katɔ ka bii Musa niizang, nɔɔ nɛɛ shíng danggn tɔ ka bii mɛɛ, ka ruu ɓɔɔ, Musa bèe vuu ka yuu mɛɛ kɔ ɓɛɛ.

Zang Shonang Yeesɔ 10:43

Zang nyaa shonang Laa ri kɔɔ ruu ka yuu ɓiɓɛ tɔɔ, zang ɓɔɔ nɛɛ shing danggn ka bii ɓiɓɛ, Laa yaa zang keɓe gbalang vuu shi kpang ɓɔɔ wu palɛ katɔ nandon, ka ruu nung ɓiɓɛ.”

Zang Shonang Yeesɔ 13:29

Ka ɓɔɔ ri palɛ vuu ɓɔɔ zang beeyi nɛɛ zang naa palɛ wu tɔ nandon, ri witi vɔrɔ ɓiɓɛ nɛɛ yuu laa, ri gbãa wu ka saa.

Zang Shonang Yeesɔ 24:14

N kàsɛ́ nyaa katɔ ka tĩng ɓaaɓɛ nɛɛ, n bang Làá rɛɛ dabang ɓuru ka gbalang kɔ ri ɓaa nɛɛ shi kpang ɓɛɛ kɔ. N ti shing danggn ka vuu ɓɔɔ zang bee ka yeti labeenang nyaa dannang Musa nɛɛ ɓɔɔ labeenang rɛɛ zang nyaa shonang Laa.

Zang Shonang Yeesɔ 26:17

N ta mɔɔ katɔ nɛɛ naa rɛɛ zang ɓaaɓɛ, a ɓɔɔ ti nɛɛ naa zang ɓɔɔ ri zang Isirela kpang, ɓɔɔ n shong mɔɔ ka bii ɓarɛ ɓɛɛ.

Zang Shonang Yeesɔ 26:6

Wee n shii ɓee, zang jɛ̃ɛ m ruu, ka ruu ɓɔɔ, n shing danggn ka nyaa ɓɔɔ Laa a rɛɛ dabang ɓuru doo tɛ̃ɛ tɛ̃ɛ ɓɛɛ.

Zang Shonang Yeesɔ 28:23

Ka ruu nɔngkɔ, ri kà zɔɔ diki nɛɛ Bulu. Ɓɔɔ diki ɓɔɔ ri ka zɔɔ naa arɛ zang dɔɔli ri kpalɛ zɔɔ ka nɔng ɓɔɔ Bulu nwàng kagn ɓɛɛ. Bulu nwangsɛ ri dĩiri ruu a ti kɔɔ ri ruu ka yuu Kpanti roonang Laa nɛɛ gãndi sasak nɔng tɔɔ nɛɛ mani. Kasɛ nɛɛ ri ta ruu ɓɔɔ wu kɔɔ ri ka yuu Yeesɔ ɓɛɛ, ka ruu nɔngkɔ, rang ri yee ka yuu ɓiɓɛ ka yeti labeenang Musa nɛɛ ɓɔɔ rɛɛ zang nyaa shonang Laa.

Rooma 3:21

Kãntang keɓe, Laa nwangsɛ gbalang ɓɔɔ wu shing zang, zang nwang zang tɔ̃ɔ ka tĩng ɓiɓɛ tɔ. Ruu gbalang keɓe, hãa ɓi kagn nɛɛ nyaa ɓɔɔ Laa dang ɓɛɛ kpang. Nyaa ɓɔɔ Laa dangnɛ, nɛɛ rɛɛ zang nyaa shonang Laa ri kɔɔ ruu ka yuu gbalang keɓe.

1 Koranti 15:3

N kɔɔ nɔɔ Ruu Tɔ̃ɔ keɓe tɔ ka tĩng, ɓɔɔ Yeesɔ Kirisi kɔɔ m ka tĩng ɓɛɛ. Ruu Tɔ̃ɔ keɓe ɓa vuu piti katɔ, Ruu Tɔ̃ɔ keɓe, kɔɔ ruu nɛɛ Kirisi vɔ ka ruu vuu shi kpang ɓɔɔ ruu palɛ ɓɛɛ. Naa ɓɔɔ zang bée ka yeti labeenang Laa ka tĩng tɛ̃ɛ tɛ̃ɛ nɛɛ wu naa palɛ ɓɛɛ.

1 Koranti 15:4

Zang nɛɛ Yeesɔ vɔrɛ, zang gbãa wu, Laa wisi wu paa ka lee ɓɔɔ diki ɓiɓɛ daa taati ka sàa ɓɛɛ. Naa ɓɔɔ zang bée ka labeenang Laa ka tĩng nɛɛ naa palɛ ɓɛɛ.

2 Timoti 3:11

Mɔɔ ti zi naa ɓɔɔ zang dang m jĩng ɓɛɛ nɛɛ jĩng dannang ɓɔɔ n dang ɓɛɛ. Mɔɔ zi vuu ɓɔɔ palɛ m ka Antakiya, nɛɛ Ikoniya, nɛɛ Lisitira tɔ, jĩng ɓɔɔ zang dang m, a n mã danggn ɓɛɛ. Laa ta yuu mɛɛ ka vuu keɓe nandon.

Vuu ɓɔɔ zang nwangsɛ Yɔhana 11:18

Zang koo ɓɔ̀ɔ́gn, ɓɔɔ ri ɓarɛ zang Laa kpang, ri lasɛ yeti tɔ nɛɛ mɔɔ gbãng gbãng, a diki ɓɔɔ mɔɔ lasɛ yeti jong nɛɛ ri ti a tɔ. Diki ɓɔɔ mɔɔ dɔng zang ɓɔɔ ri vɔlɔ tɔ ruu kagn, mɔɔ ti sɔ̀ɔrɔ̀ rɛɛ zang nyaa shonang ɓaaɓɛ nɛɛ rɛɛ zang ɓaaɓɛ doo, ka ruu shonang ɓɔɔ ri palɛ ɓɛɛ. Nɛɛ rɛɛ zang bang, nɛɛ wujɛ ɓɔɔ ri a nung ɓaaɓɛ bannang katɔ ɓɛɛ. Zang ti ningsi zang ɓɔɔ bɛ̀ɛ́ ri ningsi koo ɓɛɛ.”

Vuu ɓɔɔ zang nwangsɛ Yɔhana 15:3

Ri gaa soo ɓɔɔ Musa zang nyaa shonang Laa ri gaa ɓɛɛ, a Jaa Mɛ̀ɛrɛ́ ti gáa jong ɓɛɛ, ri kɔɔyi nɛɛ, “Laa ɓɔɔ mɔkɔ kpanti ɓuru ɓɛɛ, ɓɔɔ mɔɔ ɓa zang piti katɔ ɓɛɛ. Shonang ɓaaɓɛ bang dɔɔli, ti shing zang, zang mã naa ka danggn. Mɔkɔ kpanti zang ɓɔɔ ri ka koo nandon Vuu ɓɔɔ mɔɔ palɛ ɓɛɛ, ɓi tɔ̃ɔ, a mɔɔ ti zang ɓɔɔ palɛ vuu ɓɔɔ niizang.

Vuu ɓɔɔ zang nwangsɛ Yɔhana 20:12

N ti zi zang ɓɔɔ ri vɔlɔ tɔ ɓɛɛ. Zang bang nɛɛ wujɛ, ri shiiri ka tĩng laa nwannang kpanti kaɓa. A zang atɛ rɛɛ labeenang ɓɔɔ, zang púlù ka tĩng ɓarɛ. Zang ti puu labeenang ɓɔɔ zang beere nung zang ɓɔɔ ri walɛ suru bii ɓɔɔ waa nyaa kpang tɔ kagn ɓɛɛ. A zang jɛ̃ɛ zang ɓɔɔ ri vɔlɔ tɔ ruu ka doo shonang ɓɔɔ ri palɛ ɓɛɛ, ɓɔɔ zang beere ka rɛɛ labeenang kaɓa ɓɛɛ.