Zang Shonang Yeesɔ 26:18 - Nyaa Shɔɔ Ɓɔɔ Laa a Ɓɛɛ

¹⁸ Mɔ́ɔ pùu ri jĩng, ri yaa nɔng ɓɔɔ tɔ̀ɔ katɔ, ri a ka nɔng ɓɔɔ yakɛ katɔ ɓɛɛ. Ri ti yaa nɔng ɓɔɔ sheetang roo kpanti kagn, ri a ka bii Laa. Tɔ̀ɔ, ka ruu danggn ɓɔɔ ri shing ka bii mɛɛ, Laa wu kɔsɔ ri vuu shi kpang ɓarɛ kati. Wu ti a ri nɔng nwannang jong ka teteng zang ɓɔɔ wu zɔ̃ngkɔ ri katɔ ɓɛɛ.’

Zang Shonang Yeesɔ 26:18 ပူးပေါင်းရင်းမြစ်များ

Matiyu 4:10

A Yeesɔ kasɛ wu nyaa tɔɔ, “Daa nɛɛ kaaɓa, mɔ́ɔ yàa m bii Sheetang. Ruu Kpanti Laa kɔɔyi tɔɔ, ‘Shɔnzang wu dɔɔ Kpanti Laa ɓiɓɛ kɔ shɛ̃ɛning, nɛɛ wu ti bang wukɔ gbete.’ ”

Matiyu 4:16

Zang keɓe piti ri nwang ka nɔng ɓɔɔ tɔ̀ɔ katɔ, a ri zi nɔng yakɛnang ɓɔɔ bang tɔ. A zang ɓɔɔ ri kaa vɔrɔ, vɔrɔ diki diki, nɔng yakɛnang nwang nyaa tɔ ka ri.”

Luka 1:77

Mɔkɔ naa tusu zang Laa, nɛɛ Laa naa yàá ri gbalang vuu shi kpang ɓarɛ ditɔ, tɔ̀ɔ, wu ta yuu ɓarɛ kati.

Luka 1:79

Wu yakɛ nɔng kati. Tɔ̀ɔ, zang ɓɔɔ ri nwang ka nɔng ɓɔɔ tɔ̀ɔ katɔ, nɛɛ zang ɓɔɔ ri nwang ka nɔng vɔrɔ ɓɔɔ tɔ̀ɔ katɔ, ri zi nɔng kati. Wukɔ naa tusu ruu gbalang ɓɔɔ ruu nwang nɛɛ Laa waasɛ̃ ɓɛɛ.”

Luka 2:32

Wukɔ naa nwang nɔng yakɛnang ɓɔɔ tusu zang ɓɔɔ ri zi kpang, vuu ɓɔɔ mɔɔ kasɛ ɓɛɛ. Wu ti naa shing zang, zang a zang ɓaaɓɛ Isirela bannang.”

Luka 24:45

A á ri naa, tɔɔ, ri zi vuu ɓɔɔ ka labeenang Laa ɓɛɛ kati.

Luka 24:47

Zang kɔɔ zang koo piti Ruu Laa, nɛɛ nung ɓiɓɛ kɔ, nɛɛ zang yaa vuu shi kpang, ri kɔ̃sɔ yeti ɓarɛ, tɔ̀ɔ, Laa wu yaa ri gbalang vuu shi kpang ɓarɛ. Zang naa gaayu nɛɛ Urushalima.

Luka 4:18

“Suru Kpanti Laa kagn bii mɛɛ, Laa zɔ̃̀ng m nɛɛ n rang zang ɓɔɔ vuu ka naa kpang yee tɔ̃ɔ ɓiɓɛ. Shong m nɛɛ n kɔɔ zang ɓɔɔ zang mã ri ka sãa, nɛɛ zang yaa ri naa tɔ. Nɛɛ n ti kɔɔ zang jĩng ringtang nɛɛ ri zi nɔng ta. Nɛɛ n ti yaa zang ɓɔɔ zang dang ri jĩng ɓɛɛ, naa.

Yɔhana 17:17

Shing ri, ri nwáng zang ɓaaɓɛ ɓɔɔ shi kpang kagn bii ɓarɛ kpang ɓɛɛ, nɛɛ ruu ɓaaɓɛ ɓɔɔ niizang ɓɛɛ. Ruu ɓaaɓɛ ɓi niizang.

Yɔhana 3:19

Laa dɔ̌ng zang ɓɔɔ bɛ̃ɛ Jaa gbete ɓiɓɛ ruu ka ruu ɓɔɔ, Laa shɔng nɔng yakɛnang ka koo, a zang ri kasɛ nɔng ɓɔɔ tɔ̀ɔ katɔ kɔ jong, ɓa nɔng yakɛnang ɓɛɛ. Ka ruu ɓɔɔ, bɛ̀ɛ́ ri pálɛ̀ ɓarɛ vuu shi kpang kɔ nwani ɓɛɛ.

Yɔhana 4:10

Yeesɔ kasɛ wu nyaa tɔɔ, “Naa mɔɔ nɛ̀ɛ́ zi vuu ɓɔɔ Laa a zang tɔ. A mɔɔ nɛɛ ti zi zang ɓɔɔ gaa mii ka naa ɓaaɓɛ tɔ. Mɔɔ nɛ̀ɛ́ gàa wu tɔ, wu nɛ̀ɛ́ á mɔɔ mii ɓɔɔ a zang Suru bii ɓɔɔ waa nyaa kpang tɔ.”

Yɔhana 4:14

Zang piti ɓɔɔ ɓoo mii ɓɔɔ n a wu, sutu mãa wu takpang, ka ruu ɓɔɔ, mii ɓɔɔ n a wu, nwàng kaa naa sɔlɔng mii ka yeti ɓiɓɛ ɓɛɛ. Sɔlɔng mii ɓɔɔ nwangsɛ mii ɓɔɔ á wu suru bii ɓɔɔ waa nyaa kpang ɓɛɛ.”

Yɔhana 8:12

A Yeesɔ rang zang Farisi yee tɔkn tɔɔ, “Nkɔ yakɛ koo, zang ɓɔɔ nɛɛ dũ̀ng m ra ka nɔng ɓɔɔ tɔɔ katɔ kpang. Walɛ ɓi nɔng yakɛnang ɓɔɔ a zang suru bii ɓɛɛ kɔ jong.”

Yɔhana 9:39

Yeesɔ kɔɔyi tɔɔ, “N à ka koo keɓe nɛɛ n naa basɛ teteng zang. Tɔ̀ɔ, zang ɓɔɔ ri jĩng ringtang ri zi nɔng. Zang ɓɔɔ ri zi nɔng katɔ jĩng ɓarɛ wu zuuyi.”

Yɔhana 9:5

Wee n doo ka koo ɓee, nkɔ yakɛ koo.”

Zang Shonang Yeesɔ 10:43

Zang nyaa shonang Laa ri kɔɔ ruu ka yuu ɓiɓɛ tɔɔ, zang ɓɔɔ nɛɛ shing danggn ka bii ɓiɓɛ, Laa yaa zang keɓe gbalang vuu shi kpang ɓɔɔ wu palɛ katɔ nandon, ka ruu nung ɓiɓɛ.”

Zang Shonang Yeesɔ 13:47

Ka ruu ɓɔɔ, Laa kɔɔ rùu tɔɔ, ‘N shing mɔɔ, mɔɔ nwang vuu ɓɔɔ yakɛ nɔng ka teteng zang ɓɔɔ ri zi Laa kpang ɓɛɛ, tɔ̀ɔ, mɔɔ nwang zang ɓɔɔ shing zang, Laa ta yuu zang ɓɛɛ, ka nɔng ɓɔɔ koo waa nyaa piti.’ ”

Zang Shonang Yeesɔ 15:9

Basɛ teteng ɓarɛ nɛɛ ruu kpang. Yàa ri gbalang vuu shi kpang ɓarɛ, ka ruu ɓɔɔ, ri shing danggn ka bii ɓiɓɛ ɓɛɛ.

Zang Shonang Yeesɔ 2:38

Bituru kɔɔ ri tɔɔ, “Zang ɓu wu yaa vuu shi kpang ɓɔɔ wu palɛ ɓɛɛ ta, zang palɛ nɔɔ batizima nɛɛ nung Yeesɔ Kirisi, tɔ̀ɔ, Laa wu yaa nɔɔ gbalang vuu shi kpang manɛ ɓɔɔ dɔɔli ɓɛɛ kati. Tɔ̀ɔ, Laa wu a nɔɔ Suru ɓiɓɛ kati.

Zang Shonang Yeesɔ 20:21

N shaarɛ rɛɛ zang Yahudi nɛɛ zang ɓɔɔ ri zang Isirela kpang nyaa nandon, n tɔɔ ri yaa vuu shi kpang ɓɔɔ ri palɛ ɓɛɛ. Ri kɔ̃sɔ yeti ɓarɛ, ri a ka bii Laa. Ri shing danggn kaa bii Kpanti ɓuru Yeesɔ.

Zang Shonang Yeesɔ 20:32

“N yaa nɔɔ tɔ, ka naa Laa nɛɛ yee ɓiɓɛ. Yee ɓiɓɛ ɓɔɔ zunung ɓɔɔ wu yiti nɔɔ, nɔ́ɔ bangnɛ wu ti a nɔɔ tĩnang tãanang ɓɔɔ wu shing zang ɓɔɔ wu shɛ̃ɛrɛ ri katɔ ɓɛɛ.

Zang Shonang Yeesɔ 26:19

“Ka ruu nɔngkɔ, kpanti Agiripa, n ta nyaa vuu ɓɔɔ n zi nɛɛ lapa ɓɛɛ kpang.

Zang Shonang Yeesɔ 26:23

Ri kɔɔyi tɔɔ Kirisi naa dang jĩng ditɔ, wukɔ ti naa yupaa shɔɔnang nɛɛ saa, wu kɔɔ rɛɛ zang Isirela nɛɛ zang ɓɔɔ ri zang Isirela kpang ruu nɔng yakɛnang ɓɔɔ a zang suru bii ɓɛɛ.”

Zang Shonang Yeesɔ 3:19

Ka ruu nɔngkɔ, nɔɔ kɔ̃sɔ yeti manɛ ta, nɔɔ gbãayu kaa bii Laa, tɔ̀ɔ, wu yaa nɔɔ gbalang vuu shi kpang manɛ kati.

Zang Shonang Yeesɔ 5:31

Laa a wu bannang, a shing wu ka nakn ɓiɓɛ, nɛɛ wu nwang zang bang, á wu ti nwáng zang ɓɔɔ ta yuu zang ɓɛɛ. Tɔ̀ɔ, Isirela ri walɛ gbalang ɓɔɔ ri kɔ̃sɔ yeti ɓarɛ, zang wu yaa ri gbalang vuu shi kpang ɓarɛ kati.

Rooma 8:17

Wee ruu wujɛ ɓiɓɛ ɓee, ruu naa wàlɛ́ vuu tɔ̃ɔ ɓɔɔ Laa shìng zang ɓiɓɛ ɓɛɛ. A ruu ti naa walɛ vuu ɓɔɔ shìng Kirisi ditɔ nɛɛ wu, ka ruu ɓɔɔ, ruu nɛɛ dàng jĩng tɔ jong naa ɓɔɔ Kirisi dang ɓɛɛ, Laa ti naa a ruu bannang jong naa ɓɔɔ wu a Kirisi ɓɛɛ.

1 Koranti 1:2

Ruu bèé zang ɓɔɔ ri dũng Laa, ɓɔɔ ri ka Koranti ɓɔɔ nɔɔ shing danggn tɔ ka bii Yeesɔ Kirisi ɓɛɛ. Laa zɔ̃ngkɔ nɔɔ nɛɛ nɔ́ɔ nwang zang ɓiɓɛ nɛɛ tɔɔ, nɔ́ɔ arɛ nɔ́ɔ nwang naa zang piti ɓɔɔ ri a nɛɛ dalɛ koo piti ɓɔɔ ri ɓaarɛ nung Kpanti ɓuru Yeesɔ Kirisi, ɓɔɔ wukɔ Kpanti ɓuru nɛɛ ri ɓɛɛ.

1 Koranti 1:30

Nɔɔ ɓákɛ̀ zɔɔ nɛɛ Yeesɔ Kirisi, ka Ruu Laa kɔ gbete. Ti doo Laa kɔ shingnɛ Yeesɔ Kirisi a ruu zũnang ɓɔɔ niizang ɓɛɛ. Ti ka ruu Yeesɔ Kirisi kɔ, Laa zí ruu naa zang ɓiɓɛ ɓɔɔ ri tɔ̃ɔ ɓɛɛ. A ti tá yuu ɓuru tɔ ka vuu shi kpang nandon, risi ruu, ruu nwang zang ɓiɓɛ.

2 Koranti 4:4

Ri shing danggn kpang ka ruu ɓɔɔ Sheetang ɓɔɔ wukɔ kpanti koo keɓe, zãa yeti ɓarɛ vuu zinang katɔ ɓɛɛ. Zãa ri zinang nɔng ɓɔɔ yakɛ ka bii ɓarɛ katɔ. Nɔng yakɛnang ɓɔɔ a nɛɛ Ruu Tɔ̃ɔ ɓɔɔ ka yuu bannang Yeesɔ Kirisi, ɓɔɔ wu doo Laa kɔ gbãng gbãng ɓɛɛ.

2 Koranti 4:6

Laa ɓɔɔ kɔɔyi nɛɛ, “Nɔng yakɛ ta ka nɔng ɓɔɔ tɔ̀ɔ katɔ ɓɛɛ,” ɓi doo wukɔ shing nɔng yakɛnang ɓiɓɛ, yakɛ yeti ɓuru. A shingnɛ ruu zi bannang Laa ka waa nyaating Yeesɔ Kirisi.

2 Koranti 6:14

Nɔ́ɔ kpálɛ̀ yuu tɔ̀ɔ́ nɛɛ zang ɓɔɔ ri dũng Laa kpang, naa nɔɔ doo gbete nɛɛ ri kpang. Ɓu vi ɓakɛ vuu ɓɔɔ tɔ̃ɔ nɛɛ vuu ɓɔɔ shi kpang viya? Vuu ɓɔɔ ti ɓakɛ nɔng yakɛnang ɓi kagn nɛɛ nɔng ɓɔɔ tɔ̀ɔ katɔ ɓɛɛ kpang.

Galati 2:20

Zang ɓaa m naa m tɔ laa nɛɛ Kirisi, ɓi tɔ̀ɔ́ nkɔ nwang ningkãari kpang. Ɓi kaa Kirisi ɓɔɔ ka bii mɛɛ kɔ nwang ningkãari. Nwannang kɔ n nwang kãntang ɓee, n nwang m kaa nɛɛ danggn ɓɔɔ n shing ka bii Jaa Laa ɓɔɔ kasɛ m, a á zang yuu ɓiɓɛ, nɛɛ zang nyɔ wu vɔrɔ ka ruu mɛɛ ɓɛɛ.

Galati 3:14

Yeesɔ Kirisi palɛ vuu keɓe nɛɛ, tɔ̀ɔ wu shingnɛ, tĩnang ɓɔɔ Laa a Ibirayi nyaa ka yuu ɓiɓɛ, wu raa kaa ɓɔ̀ɔ́ zang ɓɔɔ ri zang Yahudi kpang, ri nɛɛ shing gn ka bii ɓiɓɛ ɓɛɛ. Tɔ̀ɔ, rùu ɓɔɔ ruu shing danggn tɔ ka bii Kirisi, Laa wu a ruu Suru ɓiɓɛ ɓɔɔ a ruu nyaa ka ruu ɓiɓɛ kati.

Galati 3:2

Ń hɛ̃ɛ nɔɔ ruu gbete keɓe, Laa a nɔɔ Suru ɓiɓɛ ka ruu ɓɔɔ nɔɔ palɛ vuu ɓɔɔ nyaa dannang kasɛ ɓɛɛ ya, kɔ ka ɓɔɔ nɔɔ tãa Ruu Tɔ̃ɔ, a nɔɔ shing danggn ɓɛɛ?

Afisa 1:11

Laa zɔ̃ngkɔ ruu ɓɔɔ ruu shing danggn tɔ ka bii Yeesɔ Kirisi ɓɛɛ, nɛɛ ruu nwang zang ɓiɓɛ. Laa zɔ̃ngkɔ ruu ɓi tɔ doo tɛ̃ɛ tɛ̃ɛ, nɛɛ ruu nwang zang ɓiɓɛ, ka ruu ɓɔɔ, wee ɓi vuu ɓɔɔ wu kasɛ ɓɛɛ kɔ ɓɛɛ. Laa kɔ palɛ vuu piti wu daa gbete nɛɛ vuu ɓɔɔ wu mangnɛ, a wu ti kasɛ doo ka ting ɓɛɛ.

Afisa 1:14

Suru Laa keɓe kɔ pálɛ̀, Laa á nɔɔ vuu ɓɔɔ Laa a nyaa nɛɛ wu a zang ɓiɓɛ ɓɛɛ. Wukɔ shing zang ɓɔɔ ri ɓarɛ zang Laa ri wɔrɛ dɔ̃ɔ gbete, tɔɔ zang ri dɔɔ bannang Laa kati.

Afisa 1:18

N gàá Laa wu puu nɔɔ yeti, tɔ̀ɔ, nɔɔ zi vuu ɓɔɔ nɔɔ shing gn kagn, ɓɔɔ wu ɓaa nɔɔ nyaa ka ruu ɓiɓɛ ɓɛɛ. Tɔ̀ɔ, nɔɔ zirɛ nɛɛ tĩnang ɓɔɔ Laa a nɔɔ nyaa nɛɛ rɛɛ zang ɓiɓɛ nɛɛ wu a nɔɔ, bang dɔɔli.

Afisa 1:7

Vɔrɔ Yeesɔ kɔ shingnɛ, Laa ta yuu ɓuru, a yaa ruu gbalang vuu shi kpang ɓuru. Ruu zi ka wukɔ nɛɛ tɔ̃ɔ Laa bang ɓi dɔɔli.

Afisa 2:8

Ka ruu ɓɔɔ, zang ta yuu manɛ ɓi ka ruu tɔ̃ɔ ɓɔɔ Laa palɛ nɔɔ, ka ruu danggn ɓɔɔ nɔɔ shing ɓɛɛ. Ɓi vuu ɓɔɔ nɔkɔ palɛ nɛɛ yuu manɛ kpang, ɓi Laa a nɔɔ waati.

Afisa 4:18

Zang ɓɔɔ yeti ɓarɛ tɔ̀ɔ katɔ ɓɛɛ. Zang basɛ ri ɓarɛ tɔ, nɛɛ suru bii ɓɔɔ Laa a zang ɓɛɛ. Yeti ɓarɛ zi vuu gn kpang, ka ruu ɓɔɔ, ri taarɛ yuu dɔɔli ɓɛɛ.

Afisa 5:11

Ruu manɛ wu hãa ɓi kagn nɛɛ vuu ɓɔɔ daa naa palɛnang kpang, ɓɔɔ zang palɛ ka nɔng ɓɔɔ tɔ̀ɔ katɔ ɓɛɛ kpang. Nɔɔ nwangsɛ vuu ɓɔɔ naa weɓe katɔ ka dalɛ kɔ jong.

Afisa 5:14

Ka ruu ɓɔɔ, vuu ɓɔɔ zang zi katɔ piti, nwang ɓi naa nɔng yakɛnang ɓɛɛ. Ka ruu nɔngkɔ, zang kɔɔyi nɛɛ, “Hingsi jĩng, zang ɓɔɔ roo katɔ ɓɛɛ, a mɔɔ yupaa ka vɔrɔ, Kirisi wu yakɛ nɔng ka yuu ɓaaɓɛ.”

Afisa 5:8

Ɓeleng bɛ̀ɛ́ nɔɔ nwang ka nɔng ɓɔɔ tɔ̀ɔ katɔ ɓɛɛ, a wee nɔɔ raa zang Kpanti Yeesɔ tɔ ɓee, nɔɔ manɛ kaa nɔng ɓɔɔ yakɛ katɔ ɓɛɛ. Ka ruu nɔngkɔ, nɔɔ nwang nwannang manɛ kaa naa zang ɓɔɔ ri ɓarɛ kaa zang nɔng ɓɔɔ yakɛ katɔ ɓɛɛ.

Afisa 6:12

Ka ruu ɓɔɔ, ruu gáa nyaa wu nɛɛ shɔnzang kpang ɓɛɛ. Ruu gaa nyaa ɓuru nɛɛ rɛɛ suru ɓɔɔ yeti ɓarɛ shi kpang, ɓɔɔ ri ka lapa ɓɛɛ, a ɓɔɔ kaa nɛɛ rɛɛ naa vuu palɛnang, nɛɛ rɛɛ kpanti koo jaa knti keɓe ɓɔɔ tɔ̀ɔ katɔ ɓɛɛ.

2 Timoti 2:26

Shoo naa lu ri ditɔ, ri wɔ nɛɛ naa suru shi kpang ɓɔɔ lang saka yi ri kagn, a shing ri, nɛɛ ri palɛ vuu ɓɔɔ wu kasɛ ɓɛɛ.

Yahudi 10:10

Laa kɔ kasɛ a zang shingnɛ ruu nwàng zang tɔ̃ɔ ka tĩng Laa. Ka ɓɔɔ Yeesɔ Kirisi, a Laa yuu ɓiɓɛ zang nyɔ wu vɔrɔ doo gbete kak ɓɛɛ.

Yahudi 10:14

Nɛɛ vuu dɔɔnang ɓɔɔ gbete ɓɔɔ dòndòng keɓe, Kirisi shing tɔ, zang ɓɔɔ zang kɔsɔ ri vuu shi kpang ɓarɛ tɔ, ri nwang tɔ nyaa kiiri.

Yahudi 11:6

Naa zang shing danggn ka bii Laa kpang, zang pálɛ̀ vuu ɓɔɔ Laa tãa tĩnang zang kpang. Ka ruu ɓɔɔ, zang piti ɓɔɔ a ka bii Laa, wu shíng danggn katɔ nɛɛ Laa kagn, wu ti shing danggn nɛɛ Laa a zang ɓɔɔ ri kãa wu vuu katɔ.

Yahudi 9:15

Ka ruu ruu keɓe kɔ, Kirisi shing tɔ, Laa mã nyaa shɔɔ nɛɛ ruu. Tɔ̀ɔ, zang ɓɔɔ Laa ɓaa ri nyaa, ri walɛ vuu ɓɔɔ Laa a ri nyaa ka yuu ɓiɓɛ ɓɛɛ, gbinggbing. Ka ruu ɓɔɔ, Kirisi ɓɔɔ vɔ tɔ, ta ri tɔ nɛɛ jĩng ɓɔɔ zang nɛɛ dang ri, ka ruu vuu shi kpang ɓɔɔ ri palɛ, bɛ̀ɛ́ ri dũng doo nyaa tĩng shɔɔnang ɓɔɔ Laa mã́ nɛɛ ri ɓɛɛ.

Yakubu 2:5

Manzung ɓɔɔ n kasɛ nɔɔ dɔɔli ɓɛɛ, nɔɔ ɓaa shoo. Laa zɔ̃ng zang ɓɔɔ ri zang ying kpang, ɓɔɔ ri ka koo keɓe, nɛɛ ri nwang zang ying ka danggn ɓɔɔ ri shing ka bii Laa ɓɛɛ. Shing ri tɔ, ri walɛ vuu ɓɔɔ Laa tɔɔ wu shing zang ɓɔɔ ri kasɛ ruu ɓiɓɛ katɔ ka ɓɔɔ wu roo kpanti ɓɛɛ.

1 Bituru 1:4

Ruu ti zi tɔ nɛɛ ruu naa walɛ vuu tɔ̃ɔ ɓɔɔ Laa shing ka lapa ɓɛɛ ditɔ. Vuu keɓe ri pũng kpang dòndòng, ri lasɛ kpang, ri ti shàarɛ̀ kpang tingkiring.

1 Bituru 2:25

Ɓeleng nɔɔ nwang manɛ naa mɛ̀ɛrɛ́ ɓɔɔ ning katɔ ɓɛɛ, kãntang keɓe, nɔɔ gbãayu tɔ, nɔɔ dũng kaa zang ɓɔɔ gã nɔɔ, kasɛ kpang nɛɛ vuu ɓɔɔ wu lee nɔɔ naa ka bii kpang.

1 Bituru 2:9

Ɓɔɔ manɛ, nɔɔ manɛ zɔ̃ng zang ɓɔɔ Laa shɛ̃ɛrɛ ri katɔ ɓɛɛ, rɛɛ zang ɓɔɔ ri dɔɔ vuu ɓɔɔ ri shong kpanti ɓɛɛ. Nɔɔ manɛ zɔ̃ng zang ɓɔɔ Laa shɛ̃ɛrɛ ri nɛɛ nɔɔ nwang zang ɓiɓɛ ɓɛɛ. Laa shɛ̃ɛrɛ nɔ́ɔ nɛɛ nɔɔ kɔɔ zang rɛɛ vuu bang bang, ɓɔɔ tɔ̃ɔ tɔ̃ɔ, ɓɔɔ wu pàlɛ̀ nɔɔ ka ɓɔɔ wu nwangsɛ nɔɔ nɛɛ nɔng ɓɔɔ tɔ̀ɔ katɔ ɓɛɛ. A átɛ̀ nɔɔ nɛɛ nɔ́ɔ nwang ka nɔng ɓiɓɛ ɓɔɔ yakɛ katɔ, ɓɔɔ zang zirɛ zang mã naa ka danggn ɓɛɛ.

1 Yɔhana 1:9

Ruu nɛɛ kasɛ nyaa tɔɔ nɛɛ, ruu pálɛ́ vuu shi kpang tɔ, Laa ta nyaa ɓiɓɛ ɓi kpang, palɛ vuu shi kpang ɓi kpang, yàá ruu gbalang vuu shi kpang ɓɔɔ ruu palɛ ɓee katɔ. Wu ti sɔɔ ruu vuu shi kpang ɓuru nandon.

1 Yɔhana 2:12

Wujɛ mɛɛ, n bèé nɔɔ ruu keɓe, ka ruu ɓɔɔ, Laa yaa nɔɔ gbalang vuu shi kpang manɛ tɔ, ka ruu Yeesɔ Kirisi.

1 Yɔhana 3:8

Zang ɓɔɔ palɛ vuu shi kpang sasak, ɓi jaa Sheetang, ka ruu ɓɔɔ, Sheetang pálɛ́ vuu shi kpang ɓi doo ka tĩng ɓɛɛ. Jaa Laa arɛ nɛɛ wu naa jili vuu ɓɔɔ Sheetang pálɛ́ kɔ.

1 Yɔhana 5:19

Ruu zi tɔ, ruu ɓuru wujɛ Laa. Zang ɓɔɔ dũ̀ng Laa kpang, ri ɓarɛ ka naa Sheetang.

Yahuza 1:1

Labeenang keɓe nɛɛ bii mɛɛ Yahuza, zang shonang Yeesɔ Kirisi, ɓɔɔ ti jaa nàá Yakub ɓɛɛ. N bèé zang ɓɔɔ Laa ɓaa ri nyaa ɓɛɛ. Ɓɔɔ Laa ɓɔɔ wukɔ Daa, kasɛ ri katɔ, a Yeesɔ Kirisi ti gãng jĩng ka ri ɓɛɛ.

Vuu ɓɔɔ zang nwangsɛ Yɔhana 21:27

A vuu shi kpang ɓɔɔ daa ka yeti gari kaɓa kpang. Zang ɓɔɔ ri palɛ vuu baabii, nɛɛ zang ɓɔɔ ri suru sèé ri ti daa yeti gari kaɓa kpang jong. Zang ɓɔɔ ri daa yeti gari kaɓa, ɓi zang ɓɔɔ zang béeré nung ɓarɛ tɔ, ka yeti labeenang Jaa Mɛ̀ɛrɛ́, ɓɔɔ zang beere nung zang ɓɔɔ ri walɛ suru bii ɓɔɔ waa nyaa kpang tɔ kagn ɓɛɛ.