Zang Shonang Yeesɔ 26:17 - Nyaa Shɔɔ Ɓɔɔ Laa a Ɓɛɛ

¹⁷ N ta mɔɔ katɔ nɛɛ naa rɛɛ zang ɓaaɓɛ, a ɓɔɔ ti nɛɛ naa zang ɓɔɔ ri zang Isirela kpang, ɓɔɔ n shong mɔɔ ka bii ɓarɛ ɓɛɛ.

Zang Shonang Yeesɔ 26:17 ပူးပေါင်းရင်းမြစ်များ

Zang Shonang Yeesɔ 13:50

Rɛɛ zang Yahudi ri dɔ̃lɔ rɛɛ zang soro ɓɔɔ ri bang Laa ɓɛɛ, ɓɔɔ zang a ri bannang katɔ ɓɛɛ, nɛɛ rɛɛ zang bang gari kaɓa. Ri shing zang nɛɛ zang ri dang rɛɛ Bulu nɛɛ Baranaba jĩng. Ri hing ri nɛɛ tipi kaɓa.

Zang Shonang Yeesɔ 16:39

Ri daayi ri daa gaa Bulu nɛɛ Siila nɛɛ ri yàa ri gbalang vuu shi kpang ɓɔɔ ri palɛ ri ɓɛɛ ta. A ri nwangsɛ ri nɛɛ yeti sãa. Ri kɔɔ ri nɛɛ ri dita ri yaa gari.

Zang Shonang Yeesɔ 17:10

Ɓɔɔ nɔng tɔ̀ɔ hn, zang ɓɔɔ ri dũng Laa, ri tantɛ Bulu nɛɛ Siila shinnang nɛɛ ri dita gari Beriya. Ɓɔɔ ri shɛ̃ɛ nɔng, ri daa ka nɔng zɔɔ kpalɛnang zang Yahudi.

Zang Shonang Yeesɔ 17:14

Zang ɓɔɔ ri dũng Laa, ri tantɛ Bulu dɔ̃nang nɛɛ wu daa ka nyaa waapo. A zang yaa Siila nɛɛ Timoti ɓarɛ kaa Beriya ka nɔngkɔ.

Zang Shonang Yeesɔ 18:10

N nɛɛ mɔɔ ning. Zang ɓɔɔ palɛ mɔɔ vuu ɓɔɔ kagn kpang, ka ruu ɓɔɔ, zang mɛɛ kagn gari keɓe dɔɔli ɓɛɛ.”

Zang Shonang Yeesɔ 25:3

wu palɛ ri tɔ̃ɔ jong, wu kɔɔ zang nɛɛ zang atɛ Bulu ka Urushalima. Ka ruu ɓɔɔ, ri tɔ̀ng zɔɔ tɔ nɛɛ tɔɔ ri naa nyɔ wu vɔrɔ kaa gbalang ɓɛɛ.

Zang Shonang Yeesɔ 28:28

A Bulu hangsɛ nyaa ruu ɓiɓɛ tɔɔ, “N kasɛ nɛɛ nɔɔ zirɛ nɛɛ Ruu Laa ɓɔɔ ta yuu zang, Laa shong nyaa tɔ nɛɛ mani ka bii zang ɓɔɔ ri zang Isirela kpang ɓɛɛ. Ri ti naa tãa ditɔ.”

Zang Shonang Yeesɔ 9:15

A Kpanti Yeesɔ kɔɔ wu tɔɔ, “Dita ka ruu ɓɔɔ n zɔ̃́ng wu tɔ, nɛɛ wu pàlɛ̀ m shonang ɓɛɛ. Wu daa kɔɔrɔ zang ɓɔɔ ri zang Isirela kpang, nɛɛ rɛɛ kpanti ɓarɛ, nɛɛ zang Isirela, ruu mɛɛ kati ɓɛɛ.

Rooma 11:13

N rang yee kaa nɛɛ nɔkɔ ɓɔɔ nɔɔ zang Yahudi kpang ɓɛɛ. Laa shong m nɛɛ n pálɛ́ shonang ka teteng manɛ ɓɛɛ, ka ruu nɔngkɔ, n dɔ̀ɔ́ bii ka ruu shonang ɓɔɔ wu a m nɛɛ n palɛ ɓɛɛ.

Rooma 15:16

N nwàng zang shonang Yeesɔ Kirisi, nɛɛ n palɛ zang ɓɔɔ ri zang Yahudi kpang shonang. N kɔɔ ri Ruu Tɔ̃ɔ Laa, tɔ̀ɔ, zang ɓɔɔ ri zi Laa kpang, ri nwang kaa naa vuu ɓɔɔ zang a Laa, ɓɔɔ shing Laa wu tãa tĩnang ɓɛɛ. Ɓɔɔ Suru Laa risi nwang tɔ̃ɔ ɓɛɛ.

Galati 2:9

Ka ɓɔɔ rɛɛ zang keɓe, Yakub nɛɛ Bituru a ɓɔɔ Yɔhana ri zirɛ nɛɛ Laa a m shonang keɓe tɔ, ri yi naa mɛɛ nɛɛ ɓɔɔ Baranaba ri jee ruu nyaa. Ka ruu ɓɔɔ, ruu palɛ shonang gbete nɛɛ ri ɓɛɛ, ruu mã zɔɔ naa nɛɛ, ri palɛ shonang ka teteng zang Yahudi, ruu palɛ ɓuru ka teteng zang ɓɔɔ ri zang Yahudi kpang ɓɛɛ.

1 Timoti 2:7

Ka ruu nɔngkɔ, Laa shing m, zang ɓɔɔ palɛ shonang ɓɛɛ. Nɛɛ n kɔ̀ɔ zang ɓɔɔ ri zang Isirela kpang Ruu Tɔ̃ɔ Laa, n ti tùsù ri danggn shinang ɓɔɔ niizang ɓɛɛ. N kɔɔ ruu ɓɔɔ niizang kɔ nwani. N suu wu sèé kpang.

2 Timoti 1:11

Laa zɔ̃ng m nɛɛ n nwang zang shonang Yeesɔ, n tusu zang vuu, a n ti kɔ̀ɔ zang Ruu Tɔ̃ɔ Laa.

2 Timoti 3:11

Mɔɔ ti zi naa ɓɔɔ zang dang m jĩng ɓɛɛ nɛɛ jĩng dannang ɓɔɔ n dang ɓɛɛ. Mɔɔ zi vuu ɓɔɔ palɛ m ka Antakiya, nɛɛ Ikoniya, nɛɛ Lisitira tɔ, jĩng ɓɔɔ zang dang m, a n mã danggn ɓɛɛ. Laa ta yuu mɛɛ ka vuu keɓe nandon.