Zang Shonang Yeesɔ 26:16 - Nyaa Shɔɔ Ɓɔɔ Laa a Ɓɛɛ

¹⁶ Yupaa mɔɔ shii doo paa. N nwang nyaa ka bii ɓaaɓɛ ka ruu vuu keɓe kɔ. N tɔɔ n zɔ̃́ng mɔɔ, mɔ́ɔ palɛ m shonang. Mɔɔ ti kɔɔrɔ zang vuu ɓɔɔ mɔɔ zirɛ lɛɛkɔ nɛɛ vuu ɓɔɔ n naa tusu mɔɔ ka tĩng ɓɛɛ.

Zang Shonang Yeesɔ 26:16 ပူးပေါင်းရင်းမြစ်များ

Luka 1:2

naa ɓɔɔ ruu tãa ka nyaa zang ɓɔɔ ri rang yee Laa ɓɔɔ ri zi naa ɓɔɔ vuu keɓe gaayu nɛɛ jĩng ɓarɛ ɓɛɛ.

Zang Shonang Yeesɔ 1:17

Bɛ̀ɛ́ Yahuda ka teteng ɓuru, ka ruu ɓɔɔ, Yeesɔ zɔ̃́ng wu nɛɛ wu pálɛ́ shonang keɓe jong nɛɛ ruu ɓɛɛ.”

Zang Shonang Yeesɔ 1:25

ɓɔɔ nwáng zang ɓɔɔ mɔɔ shong ɓɛɛ, wu tèng nɔng ɓɔɔ Yahuda yaayi daa ka nɔng ɓɔɔ ɓi wukɔ nɔng ɓiɓɛ ɓɛɛ.”

Zang Shonang Yeesɔ 20:24

N ti tɔɔ m kpang nɛɛ suru bii mɛɛ daa naa vuu ɓɔɔ tɔ kpang. Ǹ kasɛ n palɛ vuu ɓɔɔ zang shong m ɓɛɛ, n ti hangsɛ shonang ɓɔɔ Kpanti Yeesɔ a m nɛɛ n palɛ ɓɛɛ. Shonang ɓɔɔ nɛɛ n kɔɔrɔ zang rúu, ka yuu tɔ̃ɔ ɓɔɔ Laa pàlɛ́ zang ɓɛɛ.

Zang Shonang Yeesɔ 21:19

Bulu jee ri nyaa, a gaa tɔɔsung ɓɔɔ wu kɔɔrɔ ri vuu ɓɔɔ Laa palɛ ka teteng zang ɓɔɔ ri zang Isirela kpang, ka ruu shonang ɓɔɔ wu palɛ ɓɛɛ. Kɔɔ ri ruu keɓe gbete gbete nandon.

Zang Shonang Yeesɔ 22:10

N hɛ̃ɛyi n tɔɔ, ‘A ń palɛ ɓu kaa viya Kpanti.’ A Kpanti kɔɔ m tɔɔ, ‘Yupaa mɔɔ daa ka yeti gari Damasiku, zang daa kɔɔ mɔɔ vuu piti ɓɔɔ Laa shingnɛ nɛɛ mɔɔ palɛ wu ɓɛɛ, ka nɔngkɔ.’

Zang Shonang Yeesɔ 23:11

Nɛɛ zĩi kpanti Yeesɔ naa shii ka kagn Bulu kɔɔ wu tɔɔ, “Mã danggn kagn. Mɔ̀ɔ kɔɔ zang ruu tɔ̃ɔ, ka yuu mɛɛ ka Urushalima keɓe, mɔɔ daa kɔɔ zang ditɔ nɔngkɔ tɔkn ka Rooma.”

Zang Shonang Yeesɔ 26:15

A n hɛ̃ɛyi n tɔɔ, ‘Ɓu mɔkɔ wiya, Kpanti.’ A Kpanti kɔɔyi tɔɔ, ‘Nkɔ Yeesɔ ɓɔɔ mɔɔ dang wu jĩng ɓɛɛ.

Zang Shonang Yeesɔ 6:4

Rùu ráa jĩng ɓuru kaa Laa gaanang, nɛɛ Ruu Laa kɔɔrɔnang.”

Rooma 1:5

Laa a ruu gbalang nɛɛ bii ɓiɓɛ kɔ, a ruu nwàng zang shonang ɓiɓɛ ka ruu Yeesɔ, tɔ̀ɔ, rúu gɔ̃ zang koolaa nandon ri shing danggn, ri ti dũng nyaa ɓiɓɛ.

Rooma 15:16

N nwàng zang shonang Yeesɔ Kirisi, nɛɛ n palɛ zang ɓɔɔ ri zang Yahudi kpang shonang. N kɔɔ ri Ruu Tɔ̃ɔ Laa, tɔ̀ɔ, zang ɓɔɔ ri zi Laa kpang, ri nwang kaa naa vuu ɓɔɔ zang a Laa, ɓɔɔ shing Laa wu tãa tĩnang ɓɛɛ. Ɓɔɔ Suru Laa risi nwang tɔ̃ɔ ɓɛɛ.

2 Koranti 4:1

Gn ɓuru kɔng Laa, a á ruu shonang keɓe nɛɛ ruu palɛ. Ka ruu nɔngkɔ, ruu yaa gn naa kpang.

2 Koranti 5:18

Ɓi Laa ɓɔɔ risi ruu, ɓɔɔ ruu shing jĩng nɛɛ wu kpang, ruu nwang wusang ɓiɓɛ kɔ, palɛ vuu keɓe nɛ bii Kirisi. A á ruu shonang nɛɛ ruu risi zang ɓɔɔ ta wu, ri nwang wusang ɓiɓɛ.

Galati 1:12

N ti ta nɛɛ bii shɔnzang ɓɔɔ kpang. Wu ti shɔnzang tusu m kpang. Ɓi Yeesɔ Kirisi nɛɛ yuu ɓiɓɛ nwàngsɛ̀ m.

Galati 2:2

N daayi, ka ruu ɓɔɔ, Laa kɔɔ m nɛɛ n daayi ɓɛɛ. Ka ɓɔɔ n shɛ̃ɛ nɔng, n ɓaa rɛɛ zang bang nyaa dang gbete. Ruu nwáng nɛɛ ri, a n kɔɔ ri rúu Ruu Tɔ̃ɔ ɓɔɔ n kɔɔrɔ zang ɓɔɔ ri zang Isirela kpang ɓɛɛ. N kasɛ nɛɛ shonang ɓɔɔ n pálɛ́ ka tĩng, nɛɛ ɓɔɔ n palɛ kãntang, wu shaarɛ waati kpang.

Afisa 3:3

Laa nwàngsɛ̀ m vuu ɓɔɔ wu mangnɛ, a waasɛ kaa tɔ ɓɛ̀ɛ́ tɔ ka rɔ̃kɔnang. (N bee vuu tɔ ka yuu vuu keɓe, a kaa tɔ̀ɔ́ dɔɔli kpang,

Kolosi 1:23

Nɔɔ yi tĩng manɛ ka danggn ɓɔɔ nɔɔ shing ɓɛɛ. Vuu ɓɔɔ wu kɔsɔ nɔɔ ka vuu gn shinnang ɓɔɔ nɔɔ walɛ ka ɓɔɔ nɔɔ tãa Ruu Tɔ̃ɔ Laa ɓɛɛ kpang. Ka ruu Ruu Tɔ̃ɔ keɓe kɔ, n Bulu n raa zang shonang. Ruu Tɔ̃ɔ ɓɔɔ zang kɔɔ zang tɔ nandon ka koo ɓɛɛ.

Kolosi 1:25

A Laa shing m n nwàng zang shonang zang ɓɔɔ ri dũng wu ɓɛɛ. A m shonang keɓe n pálɛ́, tɔ̀ɔ, wu nwàng nɔɔ tɔ̃ɔ kati. Shonang keɓe ɓi ɓɔɔ n kɔɔrɔ zang ruu ɓiɓɛ nyaa kiiri ɓɛɛ.

Kolosi 1:7

Nɔɔ tãa vuu keɓe nɛɛ nyaa Epafara, zang ɓɔɔ palɛ shonang nɛɛ ruu, ɓɔɔ ruu kasɛ wu dɔɔli ɓɛɛ. Ɓɔɔ pàlɛ́ Yeesɔ Kirisi shonang nɛɛ yeti gbete, ka nung ɓɔɔ ruu nɛɛ pálɛ̀ ɓɛɛ.

1 Tesalonika 3:2

A ruu shong manzung ɓuru Timoti, ɓɔɔ palɛ Laa shonang nɛɛ ruu ka gbalang Ruu Tɔ̃ɔ ɓɔɔ ka yeti Kirisi ɓɔɔ ruu kɔɔrɔ zang ɓɛɛ. Ruu tɔɔ wu naa shing nɔɔ, nɔɔ shii gbãng gbãng, wu ti mã nɔɔ danggn, nɔɔ yaa danggn ɓɔɔ nɔɔ shing ka bii Yeesɔ ɓɛɛ kpang.

1 Timoti 1:12

N zãa Kpanti Yeesɔ Kirisi ɓɔɔ a m kaka, n palɛ shonang mɛɛ nɛɛ mani tɔ. N ti zãa wu tɔ ka ɓɔɔ zirɛ n daa naa tɔ, zɔ̃ng m nɛɛ n shòng wu ɓɛɛ.

1 Timoti 4:6

Naa mɔɔ kɔɔ rɛɛ ɓaazung, ɓɔɔ ri dũng doo Laa kɔ ruu keɓe diki diki, mɔɔ nwang zang shonang tɔ̃ɔ ɓɔ̀ɔ́ Yeesɔ Kirisi. Mɔɔ ti alɛ ɓaa suru bii ɓaaɓɛ ruu niizang ɓɔɔ zang kɔ̀ɔ́ ka yuu danggn shinnang, nɛɛ vuu ɓɔɔ zang tùsù mɔɔ, a mɔɔ yiti gbãng gbãng ɓɛɛ.

2 Timoti 4:5

Ɓɔɔ ɓaaɓɛ, yiti yuu ɓaaɓɛ waasɛ̃ diki diki, mɔɔ nɛɛ dang jĩng, mã danggn, palɛ ɓaa shonang ɓɔɔ mɔɔ zang ɓɔɔ kɔɔrɔ zang Ruu Tɔ̃ɔ Laa mɔɔ nɛ̀ɛ́ pálɛ̀ ɓɛɛ. Pálɛ́ shonang ɓaaɓɛ nandon naa zang shonang Laa.