Zang Shonang Yeesɔ 24:5 - Nyaa Shɔɔ Ɓɔɔ Laa a Ɓɛɛ

⁵ Ruu zirɛ yɔɔ keɓe, kpãa zang dɔɔli, shing zang Yahudi ɓɔɔ ri ka koo piti nɛɛ ri haa nyaa. Wukɔ ti zang bang rɛɛ vàá zang ɓɔɔ zang ɓaa ri nɛɛ zang Nazara ɓɛɛ.

Zang Shonang Yeesɔ 24:5 ပူးပေါင်းရင်းမြစ်များ

Matiyu 10:25

A zang ɓɔɔ mantɛ vuu ka bii zang, nɛ̀ɛ́ nwàng naa zang ɓɔɔ tusu wu vuu, wukɔ tɔ̃ɔ. Zang shonang nɛɛ ti nwáng tɔ naa dabang gãa ɓiɓɛ wukɔ tɔ̃ɔ. Naa zang ɓàa zang bang gãa nɛɛ Bahazabu, kpanti suru shi kpang, zang naa ɓáa zang ɓɔɔ ka gãa ɓiɓɛ ɓi ka biya? (Ɓɔ̀ɔ́ ɓarɛ naa ɓá ɓɔɔ ɓiɓɛ ɓi katɔ.)

Matiyu 2:23

A Yusufu daa nwang ka nɔng ɓɔɔ zang ɓaa nɛɛ Nazara ɓɛɛ. Vuu keɓe nwang kaa naa ɓɔɔ zang nyaa shonang Laa kɔɔ ka tĩng tɛ̃ɛ tɛ̃ɛ ɓɛɛ. Zang nyaa shonang Laa kɔɔyi tɔɔ, “Zang naa ɓaa wu nɛɛ yɔɔ Nazara.”

Maraku 1:24

“Mɔɔ kãa vi ka bii ɓuru viya? Yeesɔ yɔɔ Nazara? Mɔɔ arɛ nɛɛ mɔɔ naa nyɔkɔ ruu katɔ ya? N zi mɔɔ nung tɔ, mɔkɔ zang tɔ̃ɔ ɓɔɔ à nɛɛ bii Laa ɓɛɛ.”

Luka 23:19

(Zang loo Baraba ka sãa, ka ruu ɓɔɔ, ka teteng zang ɓɔɔ haa nyaa ka gari, a zang nyɔ zang vɔrɔ ɓɛɛ.)

Luka 23:2

Ri kãa gbalang ɓɔɔ ri kɔɔrɔ wu ruu ka yuu ɓiɓɛ nɛɛ, “Ruu ĩi zang keɓe nwãarɛ zang ɓuru, nɛɛ zang wu shù Kayisa kpanti tipi Rooma saka tipi kpang. Nɛɛ wukɔ ti Kirisi, nɛɛ wu doo kpanti kɔ.”

Luka 23:25

A yaa ri zang ɓɔɔ zang loo ka sãa ɓɔɔ shing zang, zang haa nyaa ka gari, a zang nyɔ zang vɔrɔ ɓɛɛ, naa. A á ri Yeesɔ nɛɛ ri palɛ wu vuu ɓɔɔ ri kasɛ ɓɛɛ.

Luka 23:5

A ri yì wu tĩng ka bii nɛɛ, “Yɔɔ keɓe palɛ zang nɛɛ zang ri haa nyaa nɛɛ vuu ɓɔɔ wu tusu zang ɓɛɛ ka tipi Yahudi. Gaayu ka tipi Galili sasak, a nɔng ka nihn.”

Zang Shonang Yeesɔ 15:5

A zang ɓɔɔ ri shing danggn tɔ, ɓɔɔ ri ɓarɛ ka vaa zang Farisi ɓɛɛ, ri yupaa ri kɔɔyi tɔɔ, “Zang ɓɔɔ ri zang Isirela kpang ɓɔɔ ri shing danggn tɔ, ri yée shaa katɔ. Zang ti kɔɔ ri nɛɛ ri dũng nyaa ɓɔɔ Musa dang ɓɛɛ.”

Zang Shonang Yeesɔ 21:28

Ri gòo nyaa nɛɛ “Zang Isirela nɔɔ yi ruu naa ka bii. Wee yɔɔ ɓɔɔ tusu vuu nɛɛ nɔng piti piti, nɛɛ zang ri kasɛ ruu zang ɓuru kpang, nɛɛ zang ri dũng nyaa ɓɔɔ Musa dang ɓɛɛ kpang, kɔɔrɔ ruu shi kpang ka yuu Gãa Laa keɓe. Palɛ wu ti vuu keɓe kɔ shɛ̃ɛning kpang, átɛ̀ zang ɓɔɔ ri zang Isirela kpang ka yeti Gãa Laa keɓe. Shing tɔ nihn nwang nɔng shi kpang tɔ ka jĩng Laa.”

Zang Shonang Yeesɔ 22:22

Zang ɓɔɔ ri kpalɛ zɔɔ ri ɓàa Bulu shoo sasak, ɓɔɔ naa kɔɔ ruu keɓe, ri mɛɛ nyaa ka lapa nabm tɔɔ, “Nɔɔ dita nɛɛ wu, nɔɔ daa nyɔ wu vɔrɔ. Daa naa ɓɔɔ zɔ̃ng zang ɓɔɔ naa weɓe nwang ningkãari kpàng.”

Zang Shonang Yeesɔ 24:14

N kàsɛ́ nyaa katɔ ka tĩng ɓaaɓɛ nɛɛ, n bang Làá rɛɛ dabang ɓuru ka gbalang kɔ ri ɓaa nɛɛ shi kpang ɓɛɛ kɔ. N ti shing danggn ka vuu ɓɔɔ zang bee ka yeti labeenang nyaa dannang Musa nɛɛ ɓɔɔ labeenang rɛɛ zang nyaa shonang Laa.

Zang Shonang Yeesɔ 24:4

N suu mɔɔ kãng takpang. N gàá mɔɔ, palɛ ruu tɔ̃ɔ, mɔ́ɔ tãa ruu tɔkɔlɔng kɔ n kɔɔ mɔɔ ɓee.

Zang Shonang Yeesɔ 25:7

Zang atɛ Bulu tɔ, a zang Yahudi ɓɔɔ ri a nɛɛ Urushalima ri kiiri wu nyaa ka teteng. A ri gaa tɔɔsung ruu shi kpang dɔɔli kɔɔrɔnang ka yuu ɓiɓɛ, ɓɔɔ tĩng nyaa tãanang kpang ɓɛɛ. Zang ɓɔɔ ti kagn gbete ka teteng ɓarɛ ɓɔɔ tùsú zang nɛɛ ruu keɓe niizang kɔ nwani ɓɛɛ kpang.

Zang Shonang Yeesɔ 26:5

Naa ri tɔɔ ri kɔɔ ruu tɔ̃ɔ kɔ nwani, ri zi tɔ nɛɛ ɓɔɔ tĩng shɔɔnang n m zang Farisi, vàá zang ɓɔɔ ɓa rɛɛ vaa zang piti ɓɔɔ ka teteng zang ɓuru ka jĩng ɓɔɔ ri shing ka gbalang Laa dũnnang ɓuru gbãng gbãng ɓɛɛ.

Zang Shonang Yeesɔ 28:22

Ruu kasɛ ruu tɔɔ ruu tãa vuu ɓɔɔ ka yeti ɓaaɓɛ ɓɛɛ. Ka ruu ɓɔɔ, ruu zi tɔ zang ráng ruu nɛɛ nɔng piti piti ka ruu gbalang keɓe.”

Zang Shonang Yeesɔ 5:17

Kpanti zang ɓɔɔ ri dɔɔ vuu ka Gãa Laa, nɛɛ rɛɛ zang ɓɔɔ ri nɛɛ wu ɓɛɛ nandon, ɓɔɔ ri ɓarɛ zang Saduki ɓɛɛ, ri kaa sũnyaa, a gnvɔ shaa ri dɔɔli.

Zang Shonang Yeesɔ 6:13

Ri atɛ zang ɓɔɔ nɛɛ ri naa suu sèé ka yuu ɓiɓɛ. Ri kɔ̀ɔyi tɔɔ, “Yɔɔ keɓe kɔɔrɔ ruu shi kpang diki diki ka yuu Gãa Laa, a ɓɔɔ ka yuu nyaa ɓɔɔ Musa dang ɓɛɛ.

1 Koranti 11:19

Nɔɔ basɛ zɔɔ katɔ, ka ruu ɓɔɔ, naa nɔngkɔ kpang, zang zi zang ɓɔɔ ri dũng Yeesɔ Kirisi nɛɛ yeti gbete kpang ɓɛɛ.

1 Koranti 4:13

Zang ri nɛɛ kɔɔrɔ ruu shi kpang ka yuu ɓuru, ruu kàsɛ́ ri nyaa ɓuru tɔ̃ɔ. Zang ri risi ruu naa vuu ɓɔɔ zang vang ka dòndòng ka koo ɓɛɛ. Naa doo kãntang keɓe, ri zí ruu naa zang ɓɔɔ ri ɓarɛ ka tipi, zang naalɛ ri nɛɛ doo ɓɛɛ.

1 Bituru 2:19

Zang ɓɔɔ nɛɛ mã danggn ka jĩng ɓɔɔ wu dang ɓɛɛ, ka ruu ɓɔɔ, wu zi tɔ nɛɛ Laa tãa tĩnang nwannang ɓɔɔ naa weɓe katɔ, naa nɛɛ dang jĩng ka ruu vuu shi kpang ɓɔɔ wu palɛ ɓɛɛ kpang, zang dɔ̀ɔ́ zang keɓe kɔ.